'సీ-క్యూబ్‌'తో దూసుకొచ్చిన టాటా మోటార్స్

టాటా మోటార్స్ కంపెనీ ప్రవేశపెడుతున్న సీ- క్యూబ్ మోడల్ చూపరులని విశేషంగా ఆకట్టుకుంటోంది. అదేంటి, సీ-క్యూబ్ మోడల్ బయట ఎక్కడా కనిపించలేదే అని ఆశ్చర్యపోతున్నారా ? అయితే, టాటామోటార్స్ తమ సంస్థ ఫేస్‌బుక్ పేజీలో పోస్ట్ చేసిన ఈ ఫోటోలపై ఓ లుక్కేయండి. రెండు డోర్లతో స్పోర్టి లుక్‌లో వున్న ఈ లేటెస్ట్ హ్యాచ్‌బ్యాక్ చూడ్డానికి నిజంగానే భలే ఆకట్టుకుంటోంది.

టామో(టాటా మోటార్స్) అనే సబ్‌బ్రాండ్ నుంచి వెలువడుతున్న ఈ సీ-క్యూబ్ కారు అడ్వాన్స్‌డ్ స్ర్టక్చరల్ టెక్నాలజీ కాన్సెప్ట్‌కి ప్రతిరూపంగా టాటా మోటార్స్ అభివర్ణించింది. అయితే, ఆ అడ్వాన్స్‌డ్ టెక్నాలజీ ఎంటనే వివరాలు మాత్రం ఎక్కడా వెల్లడించలేదు. ట్వూ డోర్స్, ఫ్రంట్ హెడ్ లైట్స్, ఫ్రంట్ గ్రిల్ వంటి ఎక్స్టీరియర్స్ ఆకట్టుకుంటున్నప్పటికీ... సీ-క్యూబ్‌లో వున్న అసలైన ప్రత్యేకతలు ఏంటనేది మాత్రం ఇంకా ఓ సస్పెన్స్‌గానే వుంది.

ఈ ఏడాదిలోకి అడుగుపెట్టిన రెండు నెలలకే టాటా మోటార్స్ తీసుకువచ్చిన ఈ హెక్సా హ్యాచ్‌బ్యాక్ కారు ఇప్పుడు మొత్తానికి ఆటోమోటివ్ ఇండస్ట్రీలో టాక్ ఆఫ్ ది టౌన్ అయింది. అటోమోటివ్స్‌లో అధునాతన పరిజ్ఞానం కోసం ఇటీవలే మోక్రోసాఫ్ట్‌తో ఒప్పందం కుదుర్చుకున్న తర్వాత టామో నుంచి వస్తున్న తొలి ప్రోడక్ట్ ఇది. దీనినే ప్రోడక్ట్ ట్రాన్స్‌ఫార్మేషన్‌గానూ టామో వర్గాలు పేర్కొన్నాయి.