Tata Motors: టాటా కార్లు కొనేవారికి షాక్.. ఈ మోడళ్ల ధరలు పెంపు.. కొత్త రేట్లు ఎలా ఉన్నాయంటే?

Tata Motors: ప్రముఖ కార్ల తయారీ సంస్థ టాటా మోటర్స్ పలు మోడళ్ల ధరలు పెంచుతున్నట్లు ప్రకటించింది. అందులో నెక్సాన్, పంచ్ వంటి బెస్ట్ సెల్లింగ్ ఎస్‌యూవీలు సైతం ఉన్నాయి. కార్ల ధరలు పెంచుతున్నట్లు ఇప్పటికే ప్రకటించిన టాటా మోటార్స్.. తాజాగా పెంచిన ధరలను టాటా టియాగో, టిగోర్, ఆల్ట్రోజ్ వంటి వాటికి అమలు చేసింది. ప్రస్తుతం ఈ మోడళ్లపై రూ.15,000 వరకు ధరలు పెరిగాయి. అయితే, టాటా ఫ్లాగ్‌షిప్ ఎస్‌యూవీలైన హారియర్, సఫారీల ధరలను మాత్రం పెంచలేదు. దీంతో పాటు మార్కెట్లోకి తీసుకొచ్చి ఎలక్ట్రిక్ వాహనాల ధరల్లో సైతం ఎలాంటి మార్పులు చేయలేదు.

లేటెస్ట్ ప్రైస్ లిస్ట్..
తాజాగా ధరల పెంపుతో నెక్సాన్ ఎస్‌యూవీ, ఆల్ట్రోజ్ ప్రీమియం హ్యాచ్‌బ్యాక్ మోడళ్ల ధరలు (Tata Altroz Price HIkes) రూ.15,000 వరకు పెరగనున్నాయి. దాదాపు అన్ని ఆల్ట్రోజ్ వేరియంట్ల ధరలు పెరుగుతాయి. కానీ, టు టాప్ స్పెక్ డీసీటీ వర్షన్ ధర మాత్రం అంతే ఉంటుంది. పెట్రోల్ వేరియంట్లలో ఒకే విధంగా రూ.5,000 నుంచి రూ.15,000 వరకు ధరలను పెంచింది టాటా మోటార్స్. అందులో ఎక్స్ఈ, ఎక్స్ఈ ప్లస్ వేరియంట్లు అత్యధికంగా ధర పెరుగుదల కనిపిస్తుంది. ఎక్స్ఎం ప్లస్ మోడల్ పై రూ.5000 పెంచింది. మిగిలిన పెట్రోల్ వేరియంట్ వాహనాలు రూ.10,000 వరకు పెరిగాయి.

డీజిల్ వేరియంట్లలో దాదాపు అన్నింటిపై రూ.15,000 వరకు ధరల పెరుగుదల ఉంది. డీసీటీ వేరియంట్లు మాత్రం రూ.10,000 పెరుగుతాయి. టాటా ఆల్ట్రోజ్ ప్రైస్ రెంజ్ ప్రస్తుతం రూ.6.60 లక్షల నుంచి మొదలవుతుంది. రూ.10 లక్షల వరకు అందుబాటు ఉంది. ఇది ఎక్స్ షోరూమ్ ధర మాత్రమే. దేశంలోని బెస్ట్ సెల్లర్‌గా నిలిచిన టాటా కారు నెక్సాన్ ఎస్‌యూవీ ధర సైతం రూ.15,000 వరకు పెరిగింది. అయితే, ఈ పెంపు ఎక్స్ఎం ఎస్ పెట్రోల్, ఏఎంటీ వేరియంట్లకు మాత్రమే వర్తిస్తుంది. పెట్రోల్ మాన్యువల్ వేరియంట్లపై రూ.10,000 పెంపు ఉంటుంది.

మరోవైపు.. టాటా మోటార్స్ నుంచి సెకండ్ బెస్ట్ సెల్లింగ్ కారుగా నిలిచిన టాటా పంచ్ (Tata Punch New Price) ఎస్‌యూవీ ధర రూ.10,000 వరకు పెరిగింది. మైక్రో ఎస్‌యూవీ ధర ప్రస్తుతం మార్కెట్ల రూ.6 లక్షల నుంచి రూ.9.42 లక్షల రేంజ్‌లో ఉంది. అలాగే టియాగో హ్యాచ్‌బ్యాక్, సీఎన్‌జీ వర్షన్ల ధరలు రూ.6,000 వరకు పెరిగాయి. ప్రస్తుతం మార్కెట్లో టాటా ఎలక్ట్రిక్ అవతార్ ధర రూ.5.60 లక్షల నుంచి రూ.8.01 లక్షల మధ్య ఉంది.

• Read Latest Business News and Telugu News