FD Rates: గుడ్ న్యూస్.. వడ్డీ రేట్లు పెంచేసిన 94 ఏళ్ల బ్యాంక్!

Fixed Deposit Rates: ధన లక్ష్మీ బ్యాంక్ 1927లో కేరళలోని త్రిసూర్‌లో ఏర్పాటు అయ్యింది. ఈ బ్యాంక్‌కు 94 ఏళ్ల చరిత్ర ఉంది. దేశవ్యాప్తంగా 533 టచ్ పాయింట్లు ఉన్నాయి. ఈ బ్యాంక్ తాజాగా కీలక నిర్ణయం తీసుకుంది. కస్టమర్లకు తీపికబురు అందించింది. వడ్డీ రేట్లను (Interest Rates) పెంచుతూ నిర్ణయం తీసుకుంది. డొమెస్టిక్, నాన్ రెసిడెన్షియల్ టర్మ్ డిపాజిట్లపై (Term Deposit) వడ్డీ రేట్లను పెంచింది. రూ. 2 కోట్లకు లోపు డిపాజిట్లకు ఇది వర్తిస్తుంది. 7 రోజుల నుంచి 45 రోజుల కాల పరిమితిలోని డిపాజిట్లపై ఇప్పుడు 3.25 శాతం వడ్డీ వస్తోంది. అలాగే 46 రోజుల నుంచి 90 రోజుల కాల పరిమితిలోని ఫిక్స్‌డ్ డిపాజిట్లపై 3.75 శాతం వడ్డీ లభిస్తోంది. ఇంకా 91 రోజుల నుంచి 179 రోజుల కాల పరిమితిలోని డిపాజిట్లపై ఇదివరకు 4 శాతం వడ్డీ రేటు వచ్చేది. అయితే ఇప్పుడు ఈ ఎఫ్‌డీలపై వడ్డీ రేటు 50 బేసిస్ పాయింట్ల మేర పెరిగింది. 4.5 శాతం వడ్డీ రేటు లభిస్తోంది. అలాగే 180 రోజుల నుంచి ఏడాదిలోపు ఫిక్స్‌డ్ డిపాజిట్లపై అయితే వడ్డీ రేటు 25 బేసిస్ పాయింట్ల మేర పెరిగింది. దీంతో వడ్డీ రేటు 4.25 శాతం నుంచి 4.5 శాతానికి చేరింది. బ్యాంక్ అలానే ఏడాది లేదా సంవత్సరం నుంచి రెండేళ్ల కాల పరిమితిలోని ఎఫ్‌డీలపై 5.15 శాతం వడ్డీని ఇస్తోంది. అలాగే బ్యాంక్ 555 రోజుల ఎఫ్‌డీలను అందుబాటులోకి తీసుకువచ్చింది. ఈ ఎఫ్‌డీలపై 5.55 శాతం వడ్డీని పొందొచ్చు. రెండేళ్ల నుంచి మూడేళ్ల కాల పరిమితిలోని డిపాజిట్లపై 5.3 శాతం వడ్డీని సొంతం చేసుకోవచ్చు.

మూడేళ్ల నుంచి ఐదేళ్ల వరకు కాల పరిమితిలోని ఫిక్స్‌డ్ డిపాజిట్లపై 5.4 శాతం వడ్డీని పొందొచ్చు. గతంలో ఈ బ్యాంక్ 1100 రోజుల కాల పరిమితిలోని డిపాజిట్లకు 5.45 శాతం వడ్డీ రేటును అందించేది. అయితే ఇప్పుడు ఈ టర్మ్ డిపాజిట్‌ను 1111 రోజులుగా మార్చింది. ఈ ఎఫ్‌డీలపై 5.75 శాతం వడ్డీ లభిస్తోంది. అలాగే బ్యాంక్ ఐదేళ్ల నుంచి పదేళ్ల కాల పరిమితిలోని ఎఫ్‌డీలపై 5.5 శాతం వడ్డీ రేటును సొంతం చేసుకోవచ్చు. ధనం ట్యాక్స్ అడ్వాంటేజ్ డిపాజిట్లు మినహాయించి సీనియర్ సిటిజన్స్‌కు అదనంగా 0.5 శాతం వడ్డీ రేటు లభిస్తుంది. అందువల్ల మీ ఇంట్లో ఎవరైనా సీనియర్ సిటిజన్స్ ఉంటే వారి పేరుపై డబ్బులు డిపాజిట్ చేస్తే అధిక రాబడి వస్తుంది.

Also Read: undefined

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.