ఒకే ఒక్క భారతీయుడి దగ్గర ఈ కాస్ట్‌లీ కారు.. వేలంలో రూ.88 కోట్లు.. ఎగబడ్డ జనం!

Bugatti Chiron: బుగాటి.. ప్రపంచంలోనే అత్యంత ఖరీదైన కార్లలో ఇది ఒకటి. ఇది ఇప్పుడు తన చివరి పెట్రోల్ లేదా గ్యాస్ ఓన్లీ కార్‌ను వేలం వేయగా రికార్డు ధర పలికింది. ఏకంగా 10.7 మిలియన్ డాలర్లు భారత కరెన్సీలో అక్షరాలా రూ.88 కోట్లకుపైగా ధరకు అమ్ముడుపోవడం విశేషం. ఒక కొత్త వాహనం వేలంలో ఇంత ధర పలకడం చరిత్రలో ఇదే తొలిసారి. RM పారిస్ కలెక్టర్ కార్ ఆక్షన్‌లో ఈ కారును కొనుగోలు చేశారు. ఎన్నో కార్లను వేలంలో ఉంచగా.. ఈ బుగాటి గ్యాస్ పవర్డ్ కార్ అత్యంత ధర పలికి ప్రతి ఒక్కరినీ సంభ్రమాశ్చర్యాలకు గురిచేసింది.

ఈ బుగాటి చిరాన్ ప్రొఫిలీ (Bugatti Chiron Profilee) కారు ప్రత్యేకంగా తయారుచేయబడింది. దీనిని ఎప్పుడూ విక్రయించేందుకు తయారు చేయలేదు. టియర్‌డ్రాప్ షేప్డ్ బాడీ డిజైన్‌తో దీనిని తయారు చేశారు. 1930ల్లో వినియోగంలో ఉన్న బుగాటి కార్ మోడల్‌ను పోలి ఇది ఉంది. అందుకే ఈ కొత్త కారును వేలంలో ఉంచగా రికార్డు ధర పలికింది. బిడ్డింగ్‌ కోసం 9.5 మిలియన్ డాలర్లకు అందుబాటులో ఉంచగా ఫైనల్ సెల్లింగ్ ప్రైస్.. రూ.88.23 కోట్లు అయింది. సాధారణంగా ఇది 4.5 నుంచి 6 మిలియన్ డాలర్ల వరకు పలుకుతుందని అంతా భావించారు. కానీ అంచనా తప్పింది.

• దేశంలోనే అతిపెద్ద రియల్ ఎస్టేట్ డీల్.. డీమార్ట్ దమానీ ధమాకా.. 28 లగ్జరీ అపార్ట్‌మెంట్స్.. రూ.1238 కోట్లు..

ఇక ఈ బుగాటీ చిరాన్ ప్రొఫిలీ ఫీచర్స్ విషయానికి వస్తే.. ఫాస్టెస్ట్ యాక్సిలరేటింగ్ చిరాన్ మోడల్. కేవలం 2.3 సెకండ్లలోనే జీరో నుంచి 100 కిలోమీటర్ల వేగాన్ని అందుకోగలదు. ఇక 5.5 సెకండ్లలో 200 కిలోమీటర్ల వేగంతో వెళ్లగలదు.

Gold: భలే మంచి ఛాన్స్.. తగ్గుతున్న బంగారం ధరలు.. Hyderabadలో తులం రేటు ఎంతంటే?

ఇక ఈ బుగాటి కార్ల విషయానికి వస్తే.. దీనిని ఫ్రెంచ్‌లో తయారు చేస్తారు. భారత్‌లో ఇలాంటి కార్లు కనిపించవు. అసలు ఎవరి దగ్గర ఉన్న దాఖలాలు కూడా లేవు. అయితే అమెరికాలో ఉన్న భారత సంతతి వ్యక్తి దగ్గర ఈ కారు ఉండటం విశేషం. బుగాటి చిరాన్ కారు ఉన్న ఏకైక భారత సంతతి వ్యక్తి ఇతడే. రియల్ ఎస్టేట్ బిజినెస్‌మెన్ అయిన మయూర్ శ్రీ గ్యారేజీలో ఎన్నో కార్లు ఉన్నాయి. అతడి దగ్గర సుమారు రూ.23 కోట్లు విలువ చేసే బుగాటి చిరాన్ కారు ఉంది.

• Read Latest Business News and Telugu News

Also Read: రైలు ప్రయాణికులకు గుడ్‌న్యూస్.. వాట్సాప్‌లోనే మీకు నచ్చిన ఫుడ్ ఆర్డర్ చేయండి.. ఉన్నచోటుకే వేగంగా..