Three Smart Money Saving Moves You Can Make This New Financial Year From April 1
Money Saving: నేటి నుంచి కొత్త ఆర్థిక సంవత్సరం.. ఈ 3 పనులు చేస్తే డబ్బు ఆదా!
Money Saving: ఏప్రిల్ 1 నుంచి కొత్త ఆర్థిక సంవత్సరం ప్రారంభం కానుంది. ఆర్థిక ఏడాది ప్రారంభం కాగానే చాలా విషయాల్లో మార్పులు వస్తుంటాయి. ఆదాయపు పన్ను, బ్యాంకింగ్ సంబంధిత లావాదేవీలు.. ఇలా ఎన్నో కొత్తగా కనిపిస్తుంటాయి. ఈ కొత్త ఏడాదిలో ఆర్థిక ప్రణాళిక ఎలా ఉండాలి? డబ్బు ఆదా చేసేందుకు ఏం చేయాలి అనేది ఇప్పుడు మనం తెలుసుకుందాం.
Authored byబండ తిరుపతి | Samayam Telugu1 Apr 2024, 12:49 pm
Money Saving: ఏప్రిల్ 1న కొత్త ఆర్థిక సంవత్సరం మొదలు కానుంది. చాలా విషయాల్లో మార్పులు వస్తాయి. ఆదాయపు పన్ను నుంచి బ్యాంకింగ్ సహా ఇతర అంశాల్లో కొత్త రూల్స్ అమలవుతుంటాయి. ఈ సమయంలో మన ఆర్థిక ప్రణాళికలకూ ఒక కొత్త రూప్ ఇవ్వాల్సిన అవసరం ఉంది. వివిధ పెట్టుబడి మార్గాల ద్వారా వచ్చిన రాబిడని అర్థం చేసుకుని భవిష్యత్తులో ఎలాంటి రాబడి వస్తుందో బేరీజు వేయడానికి ఏప్రిల్ నెల అనుకూలమైనది. అలాగే బడ్జెట్ ద్వారా ప్రవేశపెట్టిన కొత్త నిబంధనలు ఏప్రిల్ నుంచే అమలులోకి వస్తాయి. అంటే వ్యక్తిగత ఆర్థిక ప్రయాణంలో ఏప్రిల్ నెల చాలా కీలకమైన సమయంగా చెప్పవచ్చు.
ఈ క్రమంలో ఈ కొత్త ఏడాది మొత్తం ఆర్థిక స్వావలంబనకు ఏం చేయాలో ఇప్పుడు మనం తెలుసుకుందాం. అందుకు మూడు పనులు చేయాల్సి ఉంటుంది. మన ఆర్థిక ప్రణాళికను మూడు భాగాలుగా విభజించుకోవాలి. అందులో మొదటిది తప్పనిసరిగా తీసుకోవాల్సిన జాగ్రత్తలు, రెండోతి పెట్టుబడి మార్గాల రాబడి సమీక్ష, మూడోది, పెట్టుబడి, ఖర్చుల సమతౌల్యం. వీటి గురించి సరైన అవగాహన ఉంటే బోలెడంత డబ్బులు ఆదా చేసుకోవచ్చు.
తీసుకోవాల్సిన జాగ్రత్తలు..
వ్యక్తిగత ఆర్థిక జాగ్రత్తల్లో మొదటిది ఇన్సూరెన్స్. తగినంత జీవిత బీమా, ఆరోగ్య బీమా ఉండాలి. ఈ విషయంలో ఎలాంటి ఏమరపాటు ఉండకూడదు. చాలా మంది అవసరం అయినప్పుడు తీసుకొవచ్చులే అని వాయిదా వేస్తుంటారు. ఇది సరైన ఆలోచన కాదు. ఆరోగ్య బీమా ప్రీమియం ప్రతి ఏటా పెరుగుతుందని గుర్తుంచుకోవాలి. అలాగే కొన్ని రోగాలకు ఇన్సూరెన్స్ కవరేజీ వెంటనే అమలులోకి రాదు. మరోవైపు.. పర్సనల్ ఫైనాన్స్ విషయంలో మరో కీలక విషయం ఏంటంటే.. జీవిత భాగస్వామికి, ముఖ్యమైన వారికి మన పెట్టుబడి వివరాలపై అవగాహన ఉండాలి. డైరీలో బీమా, పెట్టుబడి వివరాలు పొందుపరుచుకోవాలి. ఏప్రిల్ నెలలో అమలులోకి వచ్చిన కొత్త రూల్స్ గురించి అధ్యయనం చేసి మనకు వర్తించే రూల్స్కి తగిన విధంగా చేయాల్సిన మార్పులు చేసుకోవాలి. ఆదాయపు పన్ను, నెల జీతం లెక్కింపు వంటి వాటిల్లో జాగ్రత్తగా ఉండాలి.
పెట్టుబడి మార్గాల రాబడిపై సమీక్ష..
పెట్టుబడి పెట్టినప్పుడు వాటిపై వచ్చే రాబడిని అర్థం చేసుకునేందుకు కొన్ని కొలమానాలు ఉంటాయి. వాటిలో మొత్తం రాబడి, వార్షిక వృద్ధి, ఇంటర్నల్ రేట్ ఆఫ్ రిటర్న్, ఎక్స్టేండెడ్ రేట్ ఆఫ్ రిటర్న్ వంటివి కీలకం. ఫిక్స్డ్ డిపాజిట్ చేస్తే మొత్తం రాబడి, బీమా ప్రీమియంకు ఇంటర్నల్ రేట్ ఆఫ్ రిటర్న్, మ్యూచువల్ ఫండ్స్ అయితే ఎక్స్టేండెట్ రేట్ ఆఫ్ రిటర్న్స్ ఉపయోగపడతాయి. SIP ద్వారా ఫండ్స్ లో ఇన్వెస్ట్ చేస్తే ఏడాది దాటిన తర్వాత నుంచి XIRRగా పరిగణించాలి. మనం చేసే ప్రతి పెట్టుబడి సంబంధించిన కొలమానాలను గణించాలి. ఇలా చేయడం ద్వారా లాభసాటిగా ఉన్న పెట్టుబడి మార్గాల్లో పెట్టుబడి సొమ్మును పెంచుకునే అవకాశం లభిస్తుంది. అలాగే సరైన రాబడి లేని మదుపు మార్గాల గురించి అధ్యయనం చేయాలి. పెట్టుబడి మార్గాల ద్వారా వచ్చే రాబడి అనేది మార్కెట్ కు అనుసంధానంగా ఉంటుంది. అందుకే పెట్టుబడి మార్గాలు మన ఆర్థిక లక్ష్యాలకు అనుగుణంగా ఉన్నాయా లేదా అని చూసుకోవాలి.
పెట్టుబడి లేదా ఖర్చుల సమతౌల్యం..
వ్యయ నియంత్రణ అనేది ఆర్థిక విషయం అయినా నిజానికి అదొక జీవన విధానం. జీవన ప్రమాణాలు పెరగడం వల్ల అనేక విలాసాలు, సౌకర్యాలు ప్రస్తుత తరానికి అందుబాటులోకి వస్తాయి. దీంతో ఖర్చు పెరుగుతుంది. ద్రవ్యోల్బణం పెరగడం వల్ల నెలవారీ ఈఎంఐలు, ఇతర ఖర్చులు పెరుగుతాయి. ఈ ఖర్చులు మనం చేయాల్సిన పెట్టుబడిని దెబ్బతీస్తే అది మన ఆర్థిక లక్ష్యాల మీద తీవ్ర ప్రభావం చూపిస్తుంది. ఈ క్రమంలో ఖర్చులు- పెట్టుబడుల మధ్య సమతౌల్యం ఉండాలి. ఆర్థిక లక్ష్యాలను చేరుకునేందుకు కొన్ని సార్లు కఠిన నిర్ణయాలు తీసుకోవాల్సి వస్తుంది. ఆరోగ్యం పట్ల శ్రద్ధగా ఉండాలి. ఆరోగ్యంగా జీవిచడం ద్వారా ఆసుపత్రి ఖర్చు తగ్గించుకోవడం చాలా ముఖ్యమైన పొదుపు సూత్రం. క్రెడిట్ కార్డు ద్వారా అందే లాభాలను పూర్తిగా వినియోగించుకోవాలి. దాదాపు అన్ని క్రెడిట్ కార్డులు కస్టమర్లకు పాయింట్స్ ద్వారా ఎంతో కొంత ఉపయోగం ఉంటుంది. ఈ పాయింట్ల నుంచి గరిష్ఠంగా లబ్ధి పొందేలా చూసుకోవాలి. అయితే, ఈ కథనం అవగాహన కోసం మాత్రమే. ఆర్థిక ప్రణాళిక చేసే ముందు నిపుణుల సలహాలు తీసుకోవడం మంచిది.
బండ తిరుపతి సమయం తెలుగులో డిజిటల్ కంటెంట్ ప్రొడ్యూసర్గా పనిచేస్తున్నారు. ఇక్కడ రోజూ బిజినెస్ రంగానికి సంబంధించిన వార్తలు రాస్తుంటారు. పర్సనల్ ఫైనాన్స్, ఇన్వెస్ట్మెంట్స్, మ్యూచువల్ ఫండ్స్, స్టాక్ మార్కెట్లు, బంగారం వెండి ధరలపై ఎప్పటికప్పుడు అప్డేట్లు అందిస్తుంటారు. తిరుపతికి జర్నలిజంలో ఐదేళ్లకుపైగా అనుభవం ఉంది. గతంలో ప్రముఖ మీడియా సంస్థల్లో బిజినెస్, నేషనల్, స్పోర్ట్స్ డెస్కుల్లో పనిచేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.