Akshata Murty: బ్రిటన్ PM Rishi Sunak, అక్షత దంపతులకు పెద్ద దెబ్బ.. వేల కోట్ల నష్టం.. అసలు కారణమిదే..

Rishi Sunak: భారత సంతతికి చెందిన రిషి సునాక్.. బ్రిటన్ ప్రధాని అయిన సంగతి తెలిసిందే. ఇక ఆయన భార్య అక్షతా మూర్తి.. ఇన్ఫోసిస్ సహ వ్యవస్థాపకులు నారాయణ మూర్తి- సుధా మూర్తి దంపతుల కుమార్తె. ఇక సునాక్- అక్షతా దంపతుల సంపదపై స్థానికంగా బ్రిటన్‌లో చర్చ నడుస్తూనే ఉంటుంది. దేశం ఆర్థిక సంక్షోభం నడుమ కొట్టుమిట్టాడుతున్నప్పటికీ విలాసవంత జీవితం గడుపుతున్నారని విమర్శలొచ్చాయి. ఈ క్రమంలో కొన్ని నెలలుగా ఈ దంపతుల ఆస్తిలో భారీ క్షీణత కనిపించినట్లు రిపోర్ట్స్ వెల్లడిస్తున్నాయి. గడిచిన 12 నెలల వ్యవధిలో వీరి సంపదలో సుమారు 200 మిలియన్ పౌండ్లు ఆవిరయ్యాయట. ఈ లెక్కన రోజుకు సుమారు 5 లక్షల పౌండ్లు కోల్పోతున్నట్లు లెక్క.

ఇటీవల సండే టైమ్స్ విడుదల చేసిన.. బ్రిటన్ సంపన్నుల జాబితాలో సునాక్ దంపతులు 275వ స్థానంలో ఉన్నారు. అంతకుముందు 222వ స్థానంలో ఉండగా.. ఏడాది వ్యవధిలో భారీగా తగ్గడం గమనార్హం. ఇన్ఫోసిస్ షేర్లు భారీగా తగ్గిపోవడమే ఇందుకు కారణమని నిపుణుల అంచనా. అక్షతా మూర్తికి ఇందులో 64 బిలియన్ డాలర్ల వాటా ఉంది. సంస్థ మొత్తం షేర్లలో ఇది ఒక శాతం. ఏడాది నుంచి ఇన్ఫోసిస్ షేరు పడుతున్న క్రమంలో.. సునాక్ దంపతుల సంపద కూడా తగ్గినట్లు నివేదికలు చెబుతున్నాయి.

• శుభవార్త.. భారీగా పతనమవుతున్న బంగారం ధర.. లేటెస్ట్ రేట్లు ఇవే.. తులం ఎంతంటే?

రిషి సునాక్‌ బ్రిటన్ ప్రధానిగా ఉన్నందుకు జీతభత్యాల కింద ఏటా 1.65 లక్షల పౌండ్లు సమకూరుతుంది. గత సంవత్సరం యూకే పీఎంగా బాధ్యతలు చేపట్టిన తర్వాత ఇరువురి సంపద 730 మిలియన్ పౌండ్లకు చేరుకుంది. ఇటీవల మార్కెట్లు పడుతుండటంతో వారి సంపద విలువ 529 మి. పౌండ్లకు పడిపోయింది. ఇంకా బ్రిటన్‌ను ద్రవ్యోల్బణం కూడా వెంటాడుతోంది. ప్రస్తుతం అది 10 శాతానికి చేరింది.

రూ. 2 వేల నోటు ఉపసంహరణతో కలిగే లాభాలు ఇవే.. కేంద్రం అసలు స్కెచ్ అదేనా?