వొడాఫోన్, ఐడియా కస్టమర్లూ.. జర జాగ్రత్త!

మీరు వొడాఫోన్, ఐడియా కస్టమర్లా.. అయితే కొంచెం జాగ్రత్తగా ఉండండి. ఇప్పటి వరకు జియో కస్టమర్లను టార్గెట్ చేసిన ఎయిర్‌టెల్.. ఇప్పుడు వొడాఫోన్, ఐడియా వినియోగదారులపై పడింది. వీరిని ఆకర్షించడానికి సుమారు ఆరు సర్కిళ్లలో కొత్త టారిఫ్ ప్లాన్లను తీసుకురానుంది. యూకే దిగ్గజం, భారత్‌లో రెండో అతిపెద్ద టెలీకాం సంస్థ అయిన వొడాఫోన్.. మూడో స్థానంలో ఉన్న ఆదిత్య బిర్లా గ్రూపునకు చెందిన ఐడియాతో విలీనం అవుతున్న విషయం తెలిసిందే.

ఈ రెండు టెలీకాం కంపెనీలు కలిసిపోతే కొన్ని సర్కిళ్లలో వినియోగదారుల సంఖ్య, ఆదాయ పరిమితి 50 శాతాన్ని దాటేస్తాయి. అయితే దీనికి ఇతర టెలీకాం సంస్థలు ఆమోదం తెలపాల్సి ఉంటుంది. వాస్తవానికి ట్రాయ్ నిబంధనల ప్రకారం ప్రతి సర్కిల్‌‌లోని బ్యాండ్‌లో ఒక టెలీకాం ఆపరేటర్‌కి రెవెన్యూ షేర్, సబ్‌స్క్రైబర్ షేర్, స్పెక్ట్రమ్ షేర్ ఒక్కోటి అత్యధికంగా 50 శాతానికి దాటి ఉండకూడదు.

అయితే గుజరాత్, హర్యానా, కేరళ, మధ్యప్రదేశ్, మహారాష్ట్ర, ఉత్తర ప్రదేశ్ (పడమర) సర్కిళ్లలో వొడాఫోన్-ఐడియా విలీన కంపెనీ షేర్ 50 శాతాన్ని దాటిపోతోంది. ట్రాయ్ నిబంధనల ప్రకారం ఈ విలీన కంపెనీలో 50 శాతానికి పైబడి ఉన్న కస్టమర్లను ఆకర్షించడానికి ఎయిర్‌టెల్ ప్రయత్నిస్తోంది. మరోవైపు జియో కూడా పోటీ వస్తుండటంతో కొత్త టారిఫ్ ప్లాన్లతో వినియోగదారులకు ఆకర్షించడానికి ప్రయత్నాలు మొదలుపెట్టింది.