'వొడాఫోన్‌' నుంచి అదిరేపోయే ఆఫర్స్‌...!

సంచలన టెలికామ్ దిగ్గజం రిలయన్స్‌ జియో పోటీని తట్టుకోవడానికి 'వొడాఫోన్' కూడా తన వినియోగదారులకు అదిరిపోయే ఆఫర్లను ప్రవేశపెట్టింది. జియో రూ.509, రూ.799 ప్లాన్లకు పోటీగా... వొడాఫోన్‌ రూ.549, రూ.799 ప్లాన్లను అందుబాటులోకి తెచ్చింది. ఈ రెండు ప్లాన్లలో కూడా అపరిమిత లోకల్‌, ఎస్‌టీడీ కాల్స్‌ చేసుకునే సదుపాయాన్ని కల్పించింది.

వినియోగదారులు రూ.549తో రీఛార్జి చేసుకుంటే... 28రోజుల వ్యాలిడిటీతో అపరిమిత లోకల్‌ కాల్స్‌‌తోపాటు... రోజుకు 3.5 జీబీ 3జీ/4జీ డేటా లభిస్తుంది. రూ.799తో రీఛార్జి చేసుకున్నవారికి... 28రోజుల వ్యాలిడిటీతో... అపరిమిత లోకల్‌ కాల్స్‌తో పాటు రోజుకు 4.5 జీబీ 3జీ/4జీ డేటా అందించనుంది.

జియో రూ.509 ప్లానులో 28రోజుల వ్యాలిడిటీతో... అపరిమిత లోకల్‌ కాల్స్‌ రోజుకు 4 జీబీ డేటాను అందిస్తోంది. అలాగే రూ.799 ప్లానులో అపరిమిత కాల్స్‌ సదుపాయం, రోజుకు 5జీబీ డేటాను వినియోగదారులకు ఇస్తుంది.