Walmart India Launches Credit Card In Partnership With Hdfc Bank
HDFC Bank కొత్త క్రెడిట్ కార్డులు.. వీటితో మీకు రూ.40,000కు పైగా ఆదా!
ప్రైవేట్ రంగానికి చెందిన దిగ్గజ బ్యాంక్ హెచ్డీఎఫ్సీ బ్యాంక్ తాజాగా మరో రెండు కొత్త క్రెడిట్ కార్డులను మార్కెట్లోకి తీసుకువచ్చింది. రిటైల్ దిగ్గజం వాల్మార్ట్ భాగస్వామ్యంతో బ్యాంక్ ఈ క్రెడిట్ కార్డులను తీసుకువచ్చింది. దీంతో కస్టమర్లు వివిధ రకాల ప్రయోజనాలు పొందొచ్చు. ప్రీమియం కార్డుతో సంవత్సరానికి రూ.40 వేలకు పైగా ఆదా చేసుకోవచ్చు. మరో కార్డుతో రూ.14,000 వరకు ఆదా అవుతుంది.
Samayam Telugu3 Dec 2019, 11:35 am
ప్రైవేట్ రంగానికి చెందిన దిగ్గజ బ్యాంక్ హెచ్డీఎఫ్సీ బ్యాంక్ తాజాగా మరో రెండు కొత్త క్రెడిట్ కార్డులను మార్కెట్లోకి తీసుకువచ్చింది. రిటైల్ దిగ్గజం వాల్మార్ట్ భాగస్వామ్యంతో బ్యాంక్ ఈ క్రెడిట్ కార్డులను తీసుకువచ్చింది. దీంతో కస్టమర్లు వివిధ రకాల ప్రయోజనాలు పొందొచ్చు. ప్రీమియం కార్డుతో సంవత్సరానికి రూ.40 వేలకు పైగా ఆదా చేసుకోవచ్చు. మరో కార్డుతో రూ.14,000 వరకు ఆదా అవుతుంది.
1 పాయింటు = 1 రూపాయి
హెచ్డీఎఫ్సీ బెస్ట్ ప్రైస్ సేవ్ స్మార్ట్ క్రెడిట్ కార్డు, బెస్ట్ ప్రైస్ సేవ్ మ్యాక్స్ క్రెడిట్ కార్డు అనేవి వీటి పేర్లు. బెస్ట్ ప్రైస్ సేవ్ స్మార్ట్ క్రెడిట్ కార్డు వల్ల పలు బెనిఫిట్స్ ఉన్నాయి. బెస్ట్ ప్రైస్ స్టోర్స్కు వెళ్లి నెలకు రూ.10,000 ఖర్చు చేస్తే 1 శాతం క్యాష్బ్యాక్ పొందొచ్చు. ఇతర ఖర్చులపై 0.5 శాతం క్యాష్బ్యాక్ వస్తుంది. కనీసం రూ.150 ఖర్చు చేయాల్సి ఉంటుంది. క్యాష్బ్యాక్ అనేది క్యాష్ పాయింట్ల రూపంలో క్రెడిట్ అవుతుంది. ఒక క్యాష్ పాయింట్ ఒక రూపాయితో సమానం.
ఈ క్రెడిట్ కార్డు తీసుకుంటే రూ.500 క్యాష్బ్యాక్ లభిస్తుంది. అయితే దీని కోసం ప్రతి నెలా రూ.25,000 ఖర్చు చేయాల్సి ఉంటుంది. అదే మీరు నెలకు రూ.10,000 ఖర్చు చేస్తే రూ.250 క్యాష్బ్యాక్ వస్తుంది. డైనింగ్, యుటిలిటీ, ఐఆర్సీటీసీకి మాత్రమే వర్తిస్తుంది. కార్డు తీసుకున్న తర్వాత ఏడాది వరకు ఈ ప్రయోజనాలు లభిస్తాయి.
కార్డు తీసుకున్న దగ్గరి నుంచి 90 రోజులలోగా బెస్ట్ ప్రైస్ స్టోర్కు వెళ్లి 4 సార్లు కొనుగోలు నిర్వహిస్తే రూ.150 విలువైన బెస్ట్ ప్రైస్ వోచర్ లభిస్తుంది. మూడు నెలల్లో రూ.75,000 ఖర్చు చేస్తే రూ.500 బెస్ట్ ప్రైస్ వోచర్ పొందొచ్చు. అన్ని రకాల ఫ్యూయెల్ ట్రాన్సాక్షన్లపై 1 శాతం సర్చార్జీ మినహాయింపు ఉంది. ఇక్కడ ట్రాన్సాక్షన్ విలువ కనీసం రూ.400 ఉండాలి.
బెస్ట్ ప్రైస్ సేవ్ స్మార్ట్ కార్డుపై ఏకంగా 50 రోజుల వరకు ఇంట్రెస్ట్ ఫ్రీ క్రెడిట్ సదుపాయాన్ని పొందొచ్చు. అలాగే ఈ కార్డుపై కాంటాక్ట్లెస్ పేమెంట్స్ సదుపాయం కూడా ఉంది. దీంతో సులభంగా, వేగంగా చెల్లింపులు నిర్వహించొచ్చు. 21 నుంచి 65 ఏళ్ల వయసు కలిగినవారు ఈ కార్డు కోసం అప్లై చేసుకోవచ్చు.
Twitter-.@HDFC_Bank along with @walmartindia announces co-...
ఇలా చేస్తే కార్డు ఫీజు వెనక్కి
కార్డు కోసం రూ.500 చెల్లించాల్సి ఉంటుంది. దీనికి పన్నులు అదనం. కార్డు వచ్చిన తర్వాత 90 రోజుల్లోగా రూ.20,000 ఖర్చు చేస్తే జాయింగ్ ఫీజు మాఫీ చేస్తారు. కార్డు రెన్యూవల్ ఫీజు కూడా రూ.500గా ఉంది. దీనికి కూడా ఇతర పన్నులు అదనం. కార్డు వచ్చిన తర్వాత 12 నెలల్లో రూ.50,000 ఖర్చు చేస్తే అప్పుడు రెన్యూవల్ ఫీజు ఉండదు.
ఇకపోతే హెచ్డీఎఫ్సీ బ్యాంక్ బెస్ట్ ప్రైస్ సేవ్ మ్యాక్స్ క్రెడిట్ కార్డు విషయానికి వస్తే ఈ కార్డు ఫీజు రూ.1000. దీనికి ట్యాక్స్లు అదనం. రెన్యూవల్ ఫీజు కూడా ఇంతే. 90 రోజుల్లోగా రూ.30,000 ఖర్చు చేస్తే జాయినింగ్ ఫీజు మాఫీ చేస్తారు. ఏడాదిలో రూ.75,000 ఖర్చు చేస్తే రెన్యూవల్ ఫీజు ఉండదు.
అదిరిపోయే రివార్డు పాయింట్లు
ఈ కార్డుపై పలు ప్రయోజనాలు ఉన్నాయి. బెస్ట్ ప్రైస్ స్పెండ్స్పై 6 రివార్డు పాయింట్లు వస్తాయి. ఐఆర్సీటీసీ, యుటిలిటీ, డైనింగ్ స్పెండ్స్పై 4 రివార్డు పాయింట్లు లభిస్తాయి. ఇతర రిటైల్ స్పెండ్స్పై 2 రివార్డు పాయింట్లు పొందొచ్చు. ప్రతి నెలా రూ.25,000 ఖర్చుపై రూ.500 ఫ్లాట్ క్యాష్బ్యాక్ వస్తుంది. కాంప్లిమెంటరీ బెస్ట్ ప్రైస్ వోచర్లు కూడా సొంతం చేసుకోవచ్చు.
రూ.50 లక్షల ఉచిత ఇన్సూరెన్స్
ఇకపోతే కార్డుపై కాంప్లిమెంటరీ ఎయిర్పోర్ట్ లాంజ్ యాక్సెస్ కూడా ఉంటుంది. ఏడాదిలో 8 సార్లు ఈ సదుపాయం వినియోగించుకోవచ్చు. అలాగే యాక్సిడెంటల్ ఎయిర్ డెత్ కవర్ రూ.50 లక్షలుగా ఉంది. విమాన ప్రమాదంలో మరణిస్తే నామినీకి రూ.50 లక్షలు వస్తాయి. ఎమర్జెన్సీ ఓవర్సీస్ హాస్పిటలైజేషన్, ఫ్లైట్ డిలే, ఇంటర్నేషనల్ కనెక్షన్ ఫ్లైట్ మిస్ కావడం వంటి వాటికి కవరేజ్ లభిస్తుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.