Whatsapp New Feature: వాట్సాప్‌లో సరికొత్త ఫీచర్.. ఇక కాల్ ముందే షెడ్యూల్ చేసుకోవచ్చు.. ఎలాగంటే?

Whatsapp New Feature: వాట్సాప్ ఇప్పుడు యూజర్లకు ఒక కొత్త ఫీచర్‌ను తీసుకొచ్చే దిశగా కృషి చేస్తోంది. దీంతో ఇక కాల్‌ను ముందే షెడ్యూల్ చేసుకునే వెసులుబాటు ఉంటుంది. ఆండ్రాయిడ్ యూజర్లందరికీ ఈ షెడ్యూల్ కాల్ ఫీచర్ త్వరలో అందుబాటులోకి రానున్నట్లు తెలుస్తోంది. ఈ కొత్త ఫీచర్‌తో ఇకపై వాట్సాప్‌లో పక్కా ప్లాన్‌తో అనుకున్న సమయానికి మనం కాల్ షెడ్యూల్ చేసుకునే వెసులుబాటు ఉంటుంది. దీంతో.. కుటుంబ సభ్యులు, స్నేహితులు ఇలా ఎవరైనా సరే.. ఎలాంటి ముఖ్యమైన సంభాషణలు, ముఖ్యమైన ఈవెంట్లు మిస్సయ్యే అవకాశమే ఉండదు. అనుకున్న సమయానికి, అనుకున్న విధంగా మాట్లాడేందుకు ఛాన్స్ దొరుకుతుంది.

వ్యాపారాల్లో తీరిక లేకుండా ఉండేవారికి ఈ వాట్సాప్ కాల్ షెడ్యూల్ ఫీచర్.. బాగా ఉపయోగపడుతుందనడంలో ఎలాంటి సందేహం లేదు. వారు వారి పనుల్లో భాగంగా రోజులో వేర్వేరు సమయాల్లో వేర్వేరు క్లయింట్లతో మాట్లాడాల్సి ఉంటుంది. కానీ ఇప్పుడు ఎవరెవరితో ఎప్పుడు మాట్లాడాలో ముందే షెడ్యూల్ చేసుకుంటే ఏ చిక్కూ ఉండదు.

Bank Statement: బ్యాంక్ స్టేట్‌మెంట్ ప్రతి నెలా చెక్ చేస్కుంటున్నారా? లేకుంటే ఏమవుతుందో తెలుసా..

WABetainfo రిపోర్ట్ ప్రకారం.. వాట్సాప్ యూజర్లు ఈ షెడ్యూల్ కాల్ కోసం.. టైటిల్, తేదీ, కాల్ టైమ్‌ను ఎంచుకోవాల్సి ఉంటుంది. అప్పుడే.. గ్రూప్‌లోని అందరూ కాల్ షెడ్యూల్ టైమ్ గురించి తెలుసుకునే వీలుంటుంది. దానికి తగ్గట్లుగా అంతా సిద్ధమవుతారు. ఇక్కడ తప్పే పెద్ద చిక్కేంటంటే.. ఇలా చేస్తే ఇక పదే పదే రిమైండర్లు పెట్టుకోవాల్సిన పని కూడా లేదు. ఉండదు. వాట్సాప్ నుంచి ఆన్‌లైన్ మీటింగ్స్ నిర్వహించే వారికి కూడా ఈ కాల్ షెడ్యూల్ ఫీచర్ చక్కగా ఉపయోగపడుతుంది. ఆడియో/వీడియో కాల్స్‌ను షెడ్యూల్ చేయొచ్చు. ఇప్పుడు గూగుల్ మీట్, మైక్రోసాఫ్ట్ టీమ్స్‌లో ఇలా కాల్ షెడ్యూల్ ఆప్షన్ ఉంది. కానీ దీని గురించి అందరికీ తెలియకపోవచ్చు.

ఇక టెస్టింగ్ దశలో ఉన్న ఈ కాల్ షెడ్యూలింగ్ ఫీచర్‌ను.. అభివృద్ధి చేసి, త్వరలో బీటా యూజర్లకు ఆ తర్వాత సాధారణ వినియోగదారులకు అందుబాటులోకి తీసుకొచ్చే అవకాశాలు ఉన్నాయి. మనకు వాట్సాప్ గ్రూప్ చాట్ ఓపెన్ చేస్తే.. వీడియో/ ఆడియో కాల్ ఐకాన్‌పై క్లిక్ చేస్తే.. అక్కడ షెడ్యూల్ కాల్ అని ఒక Pop-up విండో కనిపిస్తుంది. అక్కడే మనం కాల్ షెడ్యూల్ చేసుకోవచ్చు. కాల్ ప్రారంభమైన తర్వాత గ్రూప్ మెంబర్స్ అందరికీ నోటిఫికేషన్ వెళ్తుంది. ఇదే అప్‌డేట్‌తో పాటు వాట్సాప్ మరో ఫీచర్‌పైనా పనిచేస్తోంది. వాయిస్ మెసేజ్‌ను మనం నలుగురిలో ఉన్న సమయంలో వినలేకపోవచ్చు. అందుకే అందులో ఉన్న ఇన్ఫర్మేషన్‌ను టెక్ట్స్ రూపంలో అందించే అవకాశాలు కనిపిస్తున్నాయి. దీని కోసం ఇప్పుడు పనిచేస్తోంది. ఈ రెండు ఫీచర్లను త్వరలో అందుబాటులోకి తీసుకురానుంది.

Federal Bank:సేవింగ్స్ అకౌంట్ వడ్డీ రేట్లు పెంపు.. బ్యాంక్‌ ఖాతాలో డబ్బులుంటే అధిక వడ్డీ.. పండగే! బ్యాంకులకు ముందుగానే అప్పులు చెల్లించనున్న అదానీ.. ఈసారి పెద్ద ప్లాన్‌తో! అదానీకి బ్యాంకుల రుణాలు.. అది సమస్యే కాదంటూ ఆర్‌బీఐ గవర్నర్ కీలక వ్యాఖ్యలు!

Read Latest Business News and Telugu News