బిగ్ బజార్ సేల్: రూ.4వేలకే రెడ్మి 5ఎ

ఫ్లాష్ సేల్‌లో షియోమి రెడ్మి 5ఎ స్మార్ట్‌ఫోన్ దొరకలేదని బాధపడుతున్నారా.. అయితే మీకు శుభవార్త. ఇప్పటి వరకు ఆన్‌లైన్‌లో మాత్రమే అందుబాటులో ఉన్న ఈ బడ్జెట్ స్మార్ట్‌ఫోన్ ఇప్పుడు బిగ్ బజార్ రిటైల్ స్టోర్‌లో కూడా దొరకనుంది. బిగ్ బజార్ రిపబ్లిక్ డే సేల్‌లో భాగంగా షియోమి రెడ్మి 5ఎను విక్రయించనున్నట్లు ప్రకటించింది. అంతేకాకుండా కేవలం రూ.4 వేలకే ఈ ఫోన్‌ను సొంతం చేసుకోవచ్చని వెల్లడించింది. వాస్తవానికి రెడ్మి 5ఎ 2జీబీ ర్యామ్ వేరియంట్ ధర రూ.4,999. కానీ బిగ్ బజార్ రూ.5,499గా నిర్ణయించింది.

అయితే ఈ మొబైల్‌ను కొనుగోలు చేసిన వారికి రూ.1000 క్యాష్‌బ్యాక్‌ను అందిస్తోంది. ఈ క్యాష్‌బ్యాక్ ఫ్యూచర్ పే వ్యాలెట్‌లోకి వస్తుంది. అలాగే యాక్సిస్ బ్యాంక్ క్రెడిట్ లేదా డెబిట్ కార్డ్‌ ద్వారా కొనుగోలు చేస్తే ఈ క్యాష్‌ బ్యాక్‌తో పాటు అదనంగా 10 శాతం డిస్కౌంట్ కూడా వస్తుంది. మొత్తంగా చూసుకుంటే రూ.4 వేలకే రెడ్మి 5ఎను సొంతం చేసుకోవచ్చు. ఈ ఆఫర్ జనవరి 28 వరకు అందుబాటులో ఉంటుందని బిగ్ బజార్ ఒక ప్రకటనలో వెల్లడించింది. స్టాక్ ఉన్నంత వరకే ఆఫర్ వర్తిస్తుందని స్పష్టం చేసింది.

రెడ్మి 5ఎ స్పెసిఫికేషన్లు
☀ 5 అంగుళాల హెచ్‌డీ డిస్ప్లే
☀ ఆండ్రాయిడ్ 7.0 నౌగాట్ ఆపరేటింగ్ సిస్టమ్
☀ క్వాడ్‌కోర్ క్వాల్‌కామ్ స్నాప్‌డ్రాగన్ 425 ప్రాసెసర్
☀ 2జీబీ ర్యామ్, 16జీబీ ఇంటర్నల్ స్టోరేజ్
☀ 13 ఎంపీ వెనుక కెమెరా, 5 ఎంపీ సెల్ఫీ కెమెరా
☀ 3000 ఎంఏహెచ్ బ్యాటరీ