Bitcoin Rate: డోజికాయిన్ దుమ్మురేపింది.. ఇతర క్రిప్టో కరెన్సీల రేట్లు ఇలా

Crypto Investment Plans: గ్లోబల్ క్రిప్టో కరెన్సీ మార్కెట్ ఈరోజు దాదాపుగా ఫ్లాట్‌గానే ఉంది. మే 28న ప్రధానమైన క్రిప్టో కరెన్సీలైన బిట్ కాయిన్, ఇథీరియం, సొలానా వంటివి పైకి చేరాయి. అలాగే ఇంకా చాలా వరకు క్రిప్టోలు స్వల్ప లాభాల్లో ఉన్నాయి. గత 24 గంటల్లో గ్లోబల్ క్రిప్టో కరెన్సీ మార్కెట్ 1.17 శాతం పెరుగుదలతో 1.2 ట్రిలియన్ డాలర్లకు చేరింది. గ్లోబల్ క్రిప్టో కరెన్సీ ట్రాకింగ్ వెబ్‌సైట్ కాయిన్ మార్కెట్ క్యాప్ ప్రకారం.. బిట్ కాయిన్ రేటు 0.56 శాతం పెరిగింది. అయినా కూడా ధర ఇంకా 29 వేల డాలర్ల కిందనే ఉంది. 28,849 డాలర్ల వద్ద ట్రేడ్ అవుతోంది. అయితే గత వారం రోజుల్లో చూస్తే ఈ క్రిప్టో కరెన్సీ విలువ 1.33 శాతం తగ్గింది. ‘బిట్ కాయిన్ 30 వేల డాలర్ల మార్క్‌ను దాటడానికి తీవ్రంగా ప్రయత్నిస్తోంది. ఈథర్‌పై చాలా ఒత్తిడి నెలకొంది. దీని రేటు 1700 డాలర్ల కిందకు పడిపోయింది. లేయర్ 1 కాయిన్స్ అంటే సొలానా, ఎవలంటే వంటివి డబుల్ డిజిట్ నష్టాల్లో ఉన్నాయి’ అని బైయూకాయిన్ సీఈవో శివమ్ ఠక్రాల్ తెలిపారు. ఈథర్ రోజంతా 1800 డాలర్ల కిందనే ఉందని పేర్కొన్నారు. గడిచిన 24 గంటల్లో ఈ క్రిప్టో కరెన్సీ విలువ 2.2 శాతం పెరిగింది. ఈథర్ ధర ఈరోజు 1767 డాలర్ల వద్ద ఉంది. గత వారం రోజుల్లో ఇథీరియం ధర 10 శాతం మేర పడిపోయింది.


‘క్రిప్టో ఒక్కటి మాత్రమే బేర్ దశలో లేదు. చాలా పేరున్న టెక్ స్టాక్స్‌ కూడా భారీగా పతనమయ్యాయి. దీనికి పలు స్థూల ఆర్థిక అంశాలు కారణంగా ఉంటాయి. దీని వల్ల క్రిప్టో మార్కెట్‌తోపాటు ఇతర మార్కెట్లపై కూడా ఒత్తిడి నెలకొంది. మార్కెట్లు రానున్న కాలంలో కూడా ఒదిదుడుకులమయంగా ఉండొచ్చు. ఇన్వెస్టర్లు వారి పొజిషన్లలో ఉండాలి’ ఠక్రాల్ వివరించారు.

గత 24 గంటల్లో బిట్ కాయిన్ రేటు 0.56 శాతం పెరిగింది. 28,849 డాలర్ల వద్ద ఉంది. ఇథీరియం రేటు 2.22 శాతం పైకి కదిలింది. 1767 డాలర్లకు చేరింది. టెథర్ ధర స్థిరంగా ఉంది. 0.99 డాలర్ల వద్ద కొనసాగుతోంది. యూఎస్‌డీ కాయిన్ రేటు ఒక డాలర్‌గా ఉంది. 0.01 శాతం పెరిగింది. ఎక్స్ఆర్‌పీ ధర 1.63 శాతం పెరిగింది. 0.38 డాలర్లకు చేరింది. కార్డానో ధర 1.84 శాతం పెరిగింది. 0.4 డాలర్లకు ఎగసింది. సొలానా కాయిన్ రేటు 3.9 శాతం పెరుగుదలతో 41 డాలర్లకు ఎగసింది. డోజికాయిన్ ధర 6.7 శాతం పరుగులు పెట్టింది. 0.08 డాలర్లకు చేరింది.

Also Read: undefined

Also Read: undefined