Gold Prices Today: ఈ వారం బంగారం ధర పెరుగుతుందా.. తగ్గుతుందా? ఇవాల్టి రేట్లు ఇలా

Silver Rate: అమెరికా ఫెడరల్ రిజర్వు వడ్డీ రేట్ల పెంపు కారణంగా డాలర్ ఇండెక్స్ బలపడటంతో బంగారం, వెండి ధరలు గత వారంలో నెగటివ్‌‌గానే క్లోజ్ అయ్యాయి. ఎంసీఎక్స్ గోల్డ్ రేటు కూడా 0.42 శాతం తగ్గింది.స్పాట్ గోల్డ్ అయితే 0.72 శాతం మేర పడిపోయింది. అయితే అమెరికా కన్సూమర్ డేటా బలహీనంగా ఉండటం, ఆర్థిక మాంద్యం భయాలు వంటి అంశాలు బంగారం ధరలకు మద్దుతు ఇవ్వొచ్చని నిపుణులు అంచనా వేస్తున్నారు. అలాగే ఈ వారంలో కేంద్ర బ్యాంక్ సమావేశం కూడా లేదు. అమెరికా, యూరప్, జపాన్‌కు సంబంధించి కీలకమైన ఆర్థిక గణాంకాలు వెల్లడి కానున్నాయి. వీటి ద్వారా గ్లోబల్ ఎకానమీపై ఒక అంచనాకు రావొచ్చు. యూఎస్ క్యూ1 డేటా, డాలర్ ఇండెక్స్, ఓపెక్ దేశాల మీటింగ్‌ను గమనించాల్సి ఉంది. జీ7 దేశాల మీటింగ్ జరుగుతోంది. ఇప్పటికే కీలక నిర్ణయం తీసుకున్నాయి. ఈ దేశాలు రష్యా నుంచి బంగారం దిగుమతులను నిషేధించాయి. ఇంకా ఈ సమావేం జూన్ 28 వరకు ఉంటుంది. అందువల్ల ఇంకా ఎలాంటి నిర్ణయాలు తీసుకోనున్నాయో వేచి చూడాల్సి ఉంది.

కేంద్ర బ్యాంకుల వడ్డీ రేట్ల పెంపు అంశం డాలర్ అంశంపై ప్రభావం చూపుతుంది. ఇప్పటికే కేంద్ర బ్యాంకులు రేట్లను పెంచేశాయి. దీంతో డాలర్ ఇండెక్స్ పరుగులు పెడుతూ వచ్చింది. అయితే జూన్ నెలలో తొలిసారి ఈ ఇండెక్స్ తగ్గింది. 105 మార్క్‌ను అధిగమించలేకపోయింది. డాలర్ల బలహీనపడితే అది బంగారం ధరలకు సానుకూల అంశం.

Also Read: undefined

ఈ వారంలో ఒపెక్ దేశాల సమావేశం జరగబోతోంది. క్రూడ్ ఉత్పత్తిపై ఒక నిర్ణయానికి రావొచ్చు. జూలై, ఆగస్టులో చమురు ఉత్పత్తిని 6,48,000 బీపీడీ పెంచాలనే ప్రణాళికకు ఈ దేశాలు కట్టుబడి ఉండొచ్చు. క్రూడ్ ధరలు పెరిగితే మనకు ప్రతికూల అంశం.

అమెరికా స్థూల దేశీయోత్పత్తి గణాంకాలు (జీడీపీ) ఈ వారంలో విడుదల కానున్నాయి. ఒకవేళ ఈ నెంబర్లు నిరుత్సాహానికి గురి చేస్తే ఆర్థిక మాంద్యం భయాలు మరింత బలపడతాయి. దీంతో బంగారం ధర పరుగులు పెడుతుంది. అందువల్ల గోల్డ్ ఇన్వెస్టర్లు ఈ అంశాన్ని గమనించాలి.

Also Read: undefined

రూపాయి డాలర్ మారక విలువను గమనిస్తూ రావాలి. గత వారంలో రూపాయి రికార్డ్ స్థాయికి పడిపోయింది. దీని వల్ల బంగారం ధరల తగ్గుదలకు కొంత బ్రేక్ పడింది. రూపాయి పడిపోతే బంగారం ధరలు పైకి చేరుతాయి. అందువల్ల రూపాయి మారక విలువను కూడా గమనించాలి.

ఈరోజు బంగారం, వెండి రేట్లు ఇలా
తెలుగు రాష్ట్రాల్లో జూన్ 27న బంగారం, వెండి ధరలు స్థిరంగానే కొనసాగాయి. పసిడి రేటులో ఎలాంటి మార్పు లేదు. వెండి కూడా ఇదే దారిలో నడిచింది. 24 క్యారెట్ల బంగారం ధర 10 గ్రాములకు రూ. 51,870 వద్ద ఉంది. 22 క్యారెట్ల గోల్డ్ రేటు పది గ్రాములకు రూ. 47,550 వద్ద కొనసాగుతోంది. ఇక వెండి రేటు కేజీకి రూ. 65,700 వద్ద స్థిరంగా ఉంది. కాగా నిన్న సిల్వర్ రేటు పడిపోయిన విషయం తెలిసిందే.

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.