బంగారం ధర జిగేల్.. వెండి పరుగు.. కానీ అక్కడ తగ్గిన రేట్లు!

బంగారం ధర మెరిసింది. నిన్న భారీగా దిగొచ్చిన పసిడి ధర ఈరోజు మాత్రం జిగేల్‌మంది. బంగారం ధర బాటలోనే వెండి కూడా నడిచింది. వెండి ధర పరుగులు పెట్టింది. అంతర్జాతీయ మార్కెట్‌లో బంగారం, వెండి ధరలు తగ్గినా కూడా దేశీ మార్కెట్‌లో పసిడి పరుగులు పెట్టడం గమనార్హం. హైదరాబాద్ మార్కెట్‌లో బంగారం ధర పెరిగింది. గురువారం 10 గ్రాముల 24 క్యారెట్ల బంగారం ధర రూ.110 పెరుగుదలతో రూ.51,490కు చేరింది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.100 పైకి కదిలింది. దీంతో ధర రూ.47,200కు ఎగసింది.

Also Read: undefined

బంగారం ధర పెరిగితే వెండి ధర కూడా ఇదే దారిలో నడిచింది. ఏకంగా రూ.900 పెరుగుదలతో వెండి ధర రూ.62,800కు చేరింది. పరిశ్రమ యూనిట్లు, నాణేపు తయారీదారుల నుంచి డిమాండ్ పుంజుకోవడం ఇందుకు ప్రధాన కారణంగా చెప్పుకోవచ్చు.

Also Read: undefined

మరోవైపు అంతర్జాతీయ మార్కెట్‌లో మాత్రం బంగారం ధర దిగొచ్చింది. బంగారం ధర ఔన్స్‌కు 0.06 శాతం తగ్గుదలతో 1860 డాలర్లకు క్షీణించింది. బంగారం ధర తగ్గితే వెండి ధర కూడా ఇదే దారిలో నడిచింది. వెండి ధర ఔన్స్‌కు 0.02 క్షీణతతో 24.20 డాలర్లకు తగ్గింది.

ఇకపోతే బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.