తగ్గిన బంగారం, వెండి ధరలు.. హైదరాబాద్‌లో నేటి ధరలు

శనివారం ట్రేడింగ్‌లో పెరిగిన బంగారం ధర సోమవారం మళ్లీ పతనమైంది. అంతర్జాతీయంగా బంగారం ధరలు స్వల్పంగా తగ్గడం, స్థానిక నగల వ్యాపారుల నుంచి డిమాండ్ లేకపోవడంతో బులియన్ మార్కెట్‌లో నేడు (నవంబర్ 19న) 10 గ్రాముల బంగారం ధర 50 రూపాయల మేర తగ్గింది. దీంతో దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ.32,150 నుంచి 32,100కు చేరగా.. 22 క్యారెట్ల 10 గ్రాముల బంగారం ధర రూ. 31,950గా నమోదైంది.

ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర వారం రోజుల నుంచి రూ.24,800 వద్దే కొనసాగుతోంది. వెండి ధర సోమవారం ట్రేడింగ్‌లో రూ.50మేర తగ్గింది. పరిశ్రమల నుంచి డిమాండ్ లేకపోవడంతో ట్రేడింగ్‌లో కేజీ వెండి ధర రూ. 38,100కి చేరింది. ఇక వారాంతపు డెలివరీ వెండి ధర 3 రూపాయలు తగ్గింది. దీంతో కేజీ వెండి ధర రూ.37,020కు చేరింది. 100 వెండి నాణేల ధర గత వారం మాదిరిగానే సోమవారం సైతం కొనుగోలు ధర రూ.73,000 ఉండగా.. అమ్మకం ధర రూ.74,000 వద్ద కొనసాగుతోంది.

హైదరాబాద్‌లో 10 గ్రాముల 24 క్యారెట్ల బంగారం ధర రూ.31,250 ఉండగా.. 22 క్యారెట్ల బంగారం ధర రూ.29,700 వద్ద ట్రేడ్ అవుతోంది. ఇక విజయవాడలోనూ ఇవే ధరలు కొనసాగుతున్నాయి. ఇక కిలో వెండి ధర రూ.41,250 వద్ద కొనసాగుతున్నాయి.