Gold Price Today: శుభవార్త.. బంగారం ధరలు మళ్లీ పతనం.. తులం రేటు ఎంతంటే?

Gold Price Today: ఈ ఒక్క సంవత్సరమే 375 బేసిస్ పాయింట్ల మేర వడ్డీ రేట్లను పెంచింది అమెరికా ఫెడరల్ రిజర్వ్. వరుసగా నాలుగు సార్లు ఏకంగా 75 బేసిస్ పాయింట్ల మేర పెంపు కనిపించింది. అయితే డిసెంబర్‌లో మరోసారి ఫెడ్ సమావేశం కానున్న వేళ ఈసారి ఎలా ఉంటుందోనని అంతా ఎదురుచూస్తున్నారు. నవంబర్ ద్రవ్యోల్బణాన్ని పరిగణనలోకి తీసుకొని నిర్ణయం తీసుకోనున్నట్లు తెలుస్తోంది. అయితే అక్టోబర్‌లో ఇప్పటికే అమెరికాలో ద్రవ్యోల్బణం కాస్త తగ్గింది. అయితే దీంతో వడ్డీ రేట్ల పెంపును చేపట్టబోదని అనుకున్నారు. కానీ తాము కఠినంగానే నిర్ణయాలు తీసుకోనున్నట్లు ఫెడ్ గవర్నర్ క్రిస్టోఫర్ తేల్చిచెప్పారు. దీంతో వడ్డీ రేట్ల పెంపు అనివార్యమని తెలిసింది. అయితే ఎంత మేర ఉంటుందో స్పష్టత లేదు. ఈ నేపథ్యంలోనే ఇన్వెస్టర్లు అప్రమత్తత పాటిస్తున్నారు.

ప్రస్తుతం అంతర్జాతీయ మార్కెట్లో గోల్డ్, సిల్వర్ రేట్లు స్థిరంగా కొనసాగుతున్నాయి. స్పాట్ గోల్డ్ ధర ఔన్సుకు 1755 డాలర్ల వద్ద ట్రేడవుతోంది. స్పాట్ సిల్వర్ ఔన్సుకు 21.64 డాలర్ల వద్ద కొనసాగుతోంది. ఇక డాలర్‌తో పోలిస్తే రూపాయి మారకం విలువ రూ.81.73 వద్ద ఉంది. కొద్దిరోజుల కిందట ఇది రూ.83 లెవెల్స్ వద్ద ట్రేడయింది. మళ్లీ ఆ స్థాయికి చేరే సూచనలు పుష్కలంగా కనిపిస్తున్నాయి. దీనిని కట్టడి చేయడానికి రిజర్వ్ బ్యాంక్ ఆఫ్ ఇండియా జోక్యం చేసుకోక తప్పేలా లేదు. మరి RBI ఏం చేస్తుందో వేచి చూడాలి.

Gold Rates Today: ఇక మన బులియన్ మార్కెట్లో చూసుకుంటే బంగారం ధరల పతనం కొనసాగుతోంది. ఇటీవల గోల్డ్ భారత మార్కెట్లో 7 నెలల గరిష్టానికి చేరిన విషయం తెలిసిందే. అంటే ఏప్రిల్‌లో ఉన్న ధరల్ని మించి నాలుగు రోజుల కిందట ట్రేడయ్యాయి. మళ్లీ అప్పటినుంచి తగ్గుతున్నాయి.

• Also Read:ఒకే కంపెనీ కోసం అంబానీ, అదానీ ఢీ.. వేల కోట్లతో బిడ్.. మధ్యలో ప్రభుత్వం కూడా?

Hyderabad Gold Rates: ప్రస్తుతం హైదరాబాద్‌లో 22 క్యారెట్లకు చెందిన 10 గ్రాముల బంగారం ధర రూ. 100 మేర తగ్గింది. గత 5 రోజుల్లో మొత్తంగా రూ.500 తగ్గింది. ఈ వ్యవధిలో గోల్డ్ రేటు అస్సలు పెరగకపోవడం విశేషం. ప్రస్తుతం తులం బంగారం రేటు రూ.48 వేల 250 వద్ద ఉంది. ఇక 24 క్యారెట్లకు చెందిన 10 గ్రాముల బంగారం ధర హైదరాబాద్‌లో రూ.110 తగ్గి.. 52 వేల 640కి పడిపోయింది.

వెండి విషయానికి వస్తే హెచ్చుతగ్గులు కొనసాగుతున్నాయి. వరుసగా 4 రోజుల వ్యవధిలో రూ.1000 మేర తగ్గి.. 1500 రూపాయల మేర పెరిగింది. ప్రస్తుతం హైదరాబాద్‌లో కిలో వెండి రేటు రూ.500 పెరిగి రూ. 67 వేల 500కు చేరింది. దిల్లీలో వెండి ధర చాలా తక్కువగా ఉంటుంది. ఇక ఇతర ప్రాంతాల్లోనూ అక్కడి పరిస్థితులు, పన్నులను బట్టి రేట్లలో హెచ్చుతగ్గులు ఉంటాయి.

• Read Latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Also Read: కూల్‌ డ్రింక్స్ కంటే పెట్రోల్ రేటే తక్కువ.. పైసా ట్యాక్స్ కట్టక్కర్లేదు.. ఎక్కడంటే?