Gold price: భారీగా తగ్గిన బంగారం, వెండి ధరలు

అంతర్జాతీయ మార్కెట్ల బలహీన సంకేతాలు, స్థానిక నగల వ్యాపారాల నుంచి డిమాండ్ మందగించడంతో శనివారం కూడా బంగారం ధర తగ్గింది. బులియన్ మార్కెట్‌లో 10 గ్రాముల బంగారం ధర రూ.200 తగ్గి రూ.31,950 నుంచి రూ.31,750 కి దిగి వచ్చింది. అమెరికాలో వడ్డీరేట్లు పెరుగుతాయనే సంకేతాలు డాలర్‌, బంగారంపై ప్రతికూల ప్రభావం చూపిస్తున్నాయి. శుక్రవారం బంగారం ధర రూ.90 రూపాయలు తగ్గిన సంగతి తెలిసిందే. మొత్తంగా చూస్తే ఈ వారంలో బంగారం ధర రూ. 400 తగ్గింది. మరోవైపు పారిశ్రామిక వర్గాలు, నాణేల తయారీదారుల నుంచి డిమాండ్ లేకపోవడంతో శనివారం ఒక్కరోజే వెండి ధర రూ.500 తగ్గింది. దీంతో కిలో వెండి ధర రూ.37,800 నుంచి రూ.37,300 కి పడిపోయింది. ఈ వారం మొత్తంలో వెండి ధర రూ. 850 తగ్గింది.

పసిడి ధరలు రూ.90 మేర తగ్గడంతో దేశరాజధాని ఢిల్లీలో 24 క్యారెట్ల బంగారం ధర రూ.31,750 ఉండగా.. 22 క్యారెట్ల బంగారం ధర రూ.రూ.31,600కి చేరింది. ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.100 తగ్గి రూ.24,700 వద్ద కొనసాగుతోంది. మరోవైపు వారంతపు డెలివరీ ధరలు రూ.486 తగ్గి రూ.36,100 కి చేరింది.100 వెండి నాణేల కొనుగోలు ధర రూ.73,000 ఉండగా.. అమ్మకం ధర రూ.74,000 వద్ద నిలకడగా కొనసాగుతున్నాయి.

ప్రపంచ మార్కెట్‌ను పరిశీలిస్తే.. సింగపూర్‌లో ఔన్సు బంగారం ధర స్వల్పంగా తగ్గి 1224.34 డాలర్ల నుంచి 1,222.74 డాలర్లకు చేరింది. వెండి ధర 14.27 వద్ద కొనసాగుతోంది.

హైదరాబాద్‌లో 10 గ్రాముల 24 క్యారెట్ల బంగారం ధర రూ.30,880 ఉండగా.. 22 క్యారెట్ల బంగారం ధర రూ.29,340 వద్ద ట్రేడ్ అవుతోంది. ఇక విజయవాడలోనూ ఇవే ధరలు కొనసాగుతున్నాయి. ఇక కిలో వెండి ధర రూ.41,200 వద్ద కొనసాగుతున్నాయి.