Gold Rate: స్వల్పంగా తగ్గిన బంగారం.. భారీగా పతనమైన వెండి

పసిడి పరుగులకు బ్రేక్ పడింది. బులియన్ మార్కెట్‌లో వరసగా మూడురోజులపాటు పెరుగుతూ వచ్చిన బంగారం ధర గురువారం (డిసెంబరు 27) నాటి ట్రేడింగ్‌లో కాస్త పతనమైంది. గత మూడు సెషన్లలో రూ.400 పెరిగిన బంగారం ధర.. అంతర్జాతీయ బలహీన సంకేతాలు, స్థానిక నగల వ్యాపారుల నుంచి డిమాండ్ మందగించడంతో రూ.50 తగ్గింది. దీంతో దేశరాజధాని ఢిల్లీలో బంగారం ధర రూ.32,500 నుంచి రూ.32,450 కి పడిపోయింది. మరోవైపు వెండి ధర కూడా రూ.525 పతనమైంది. దీంతో బులియన్ మార్కెట్‌లో కిలో వెండి ధర రూ.38,650 కి చేరింది.

పసిడి ధర పడిపోవడంతో ఢిల్లీలో 24 క్యారెట్ల 10 గ్రాములు బంగారం ధర రూ.32,450 కి చేరగా, 22 క్యారెట్ల 10 గ్రాములు బంగారం ధర రూ.32,300 వద్ద ముగిసింది. ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.100 పెరిగి రూ.25,100 గా నమోదైంది. వెండి ధర రూ.38,650 కి చేరగా.. వారాంతపు ఆధారిత డెలివరీ ధర రూ.478 తగ్గడంతో రూ.37,203 కి పడిపోయింది. ఇక 100 వెండి నాణేల కొనుగోలు, అమ్మకం ధర రూ.100 పెరిగింది. దీంతో కొనుగోలు ధర రూ.75,000 ఉండగా.. అమ్మకం ధర రూ.76,000 కి చేరింది.

అంతర్జాతీయంగాను బంగారం ధరలు పెరిగాయి. న్యూయార్క్ మార్కెట్‌లో 0.33 శాతం తగ్గి ఔన్సు బంగాం ధర 1,268.98 డాలర్లకు చేరింది. వెండి ధర 1.07 శాతం పెరిగి ఔన్స్ $ 15.01 డాలర్లకు చేరింది.