Gold Price: వరుసగా రెండో రోజు దిగొచ్చిన 'పసిడి'

అంతర్జాతీయంగా బంగారం ధరలు బలహీనంగా ఉండటం, స్థానిక నగల వ్యాపారుల నుంచి డిమాండ్ మందగించడంతో బులియన్ మార్కెట్‌లో బుధవారం (నవంబరు 14) బంగారం ధరలు తగ్గాయి. దీంతో వరుసగా రెండో రోజూ పసిడి ధరలు తగ్గినట్టయింది. 10 గ్రామలు బంగారం ధర రూ.150 తగ్గింది. బంగారం ధర తగ్గడంతో.. దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ.32,050 నుంచి రూ.31,900 కి చేరగా.. 22 క్యారెట్ల 10 గ్రాముల బంగారం ధర రూ.31,900 నుంచి 31,750 కి చేరింది.

బంగారం ధరలు మంగళవారం రూ.100 తగ్గిన సంగతి తెలిసిందే. ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.24,800 వద్దే కొనసాగుతోంది.

నేటి ట్రేడింగ్‌లో వెండి ధరలు మాత్రం స్థిరంగా ఉన్నాయి. మంగళవారం వెండి ధర రూ.700 తగ్గిన సంగతి తెలిసిందే. బుధవారం ధరల్లో ఎలాంటి మార్పులు లేకపోవడంతో కిలో వెండి ధర రూ.37,450 వద్దే కొనసాగుతోంది. ఇక వారాంతపు డెలివరీ వెండి ధర రూ.443 తగ్గి రూ.36,219 కి చేరింది. 100 వెండి నాణేల ధర కూడా రూ.1000 తగ్గడంతో.. కొనుగోలు ధర రూ.73,000 ఉండగా.. అమ్మకం ధర రూ.74,000 వద్ద కొనసాగుతోంది.

అంతర్జాతీయంగా మాత్రం బంగారం ధరలు స్థిరంగా ట్రేడ్ అవుతున్నాయి. సింగపూర్‌లో ఔన్సు బంగారం ధర 1,202.08 అమెరికా డాలర్ల వద్ద స్థిరపడింది.