Gold Price: స్వల్పంగా తగ్గిన బంగారం, వెండి ధరలు

దేశీయ మార్కెట్లలో నేడు బంగారం ధరలు స్వల్పంగా తగ్గాయి. స్థానికి నగల వ్యాపారుల నుంచి తగినంత డిమాండ్ లేకపోవడం, అంతర్జాతీయ కారణాలతో బంగారం ధరలు తగ్గాయి. దీంతో దేశ రాజధాని ఢిల్లీలో 10 గ్రాముల 99.9 శాతం (24 క్యారెట్స్) బంగారం ధర రూ.70 తగ్గి 32,180 గా నిలిచంది. ఇక 10 గ్రాముల 99.5 శాతం (22 క్యారెట్స్) బంగారం ధర రూ.80 తగ్గి 32,020 గా నమోదైంది. సోమవారం ట్రేడింగ్‌లో బంగారం ధరలు రూ.200 మేర పెరిగిన సంగతి తెలిసిందే.

ఇక వెండి కూడా బంగారం బాటలోనే పయనించింది. పారిశ్రామిక వర్గాలు, నాణేల తయారీదారుల నుంచి డిమాండ్ మందగించడంతో కిలో వెండిపై రూ.50 తగ్గింది. దీంతో కిలో వెండి రూ.39,700 వద్ద ట్రేడ్ అవుతోంది.

అంతర్జాతీయంగా కూడా బంగారం ధరల్లో మార్పులు కనిపించాయి. సోమవారం $1,233.26 ఔన్స్ బంగారం ధర మంగళవారం $1,226.71 గా నమోదైంది. అమెరికన్ మార్కెట్లలో ఔన్స్ బంగారం ధర $1,230.40 గా ట్రేడ్ అవుతోంది.