Gold Price: పెరిగిన బంగారం ధరలు, తగ్గిన వెండి

నేటి ట్రేడింగ్‌లో బంగారం ధరలు పెరగగా, మరోవైపు వెండి ధరలు తగ్గాయి. అంతర్జాతీయంగా డిమాండ్ ఉండటం, స్థానిక వ్యాపారుల నుంచి కొనుగోళ్లు అధికం కావడంతో బులియన్ మార్కెట్లో సోమవారం బంగారం ధర రూ. 145 పెరిగింది. దీంతో ఢిల్లీలో 10 గ్రాముల బంగారం ధర రూ .32,495కు చేరుకుంది. 22 క్యారెట్ల బంగారం ధర రూ. 32, 345 అయింది.

ప్రభుత్వ సార్వభౌమ పసిడి పథకంలో 8 గ్రాముల బంగారం ధరలో ఎలాంటి మార్పులేదు. రూ.25,000 ధర వద్ద కొనసాగుతోంది. ఇక వారంతపు వెండి ధరలు రూ.410 తగ్గి, రూ.37,890 కి చేరుకుంది. ఇక 100 వెండి నాణేల కొనుగోలు ధర రూ.74,000 ఉండగా.. అమ్మకం ధర రూ.75,000 వద్ద స్థిరంగా కొనసాగుతున్నాయి.