Gold Price Today:స్థిరంగా బంగారం ధరలు.. తగ్గిన వెండి ధర

సోమవారం నాటి ట్రేడింగ్‌లో బంగారం ధరలు స్థిరంగా నిలిచాయి. అంతకు ముందు ట్రేడింగ్‌లో రూ.32,550 వద్ద ముగిసిన ధరల్లో ఎలాంటి మార్పులేదు. స్థానిక నగల వ్యాపారుల నుంచి డిమాండ్ మందగించడం బంగారం ధరల స్థిరత్వానికి కారణమైంది. మరోవైపు వెండి ధర రూ.100 తగ్గింది. దీంతో కిలో వెండి ధర రూ.39,600 నుంచి రూ.39,500 కి చేరింది. నవంబరు 5న 'ధన్ తేరాస్' సందర్భంగా బంగారం ధరలు తగ్గే అవకాశం లేకపోలేదు. గతేడాది 'ధన్ తేరాస్' సందర్భంగా 10 గ్రా. బంగారం ధర రూ.30,000 స్థాయికి వచ్చిన సంగతి తెలిసిందే.

దేశ రాజధాని ఢిల్లీలో 24 క్యారెట్ల 10 గ్రాముల బంగారం ధర రూ.32,550 గా ఉండగా.. 22 క్యారెట్ల 10 గ్రాముల బంగారం ధర రూ.32,400 కి వద్ద ఉంది. ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.100 తగ్గి రూ.24,800 గా నమోదైంది. ఇక అంతర్జాతీయంగా చూస్తే న్యూయార్క్ మార్కెట్‌లో ఔన్సు బంగారం ధర 1,230.80 డాలర్లకు చేరింది.