దూసుకెళ్లిన బంగారం ధర.. వెండి రూ.1,200 జంప్!

బంగారం కొనే వారికి బ్యాడ్ న్యూస్. పసిడి ధర పరుగులు పెడుతోంది. బంగారం ధర ఈరోజు కూడా పెరిగింది. పైపైకి దూసుకెళ్లింది. బంగారం ధర పెరగడం ఇది వరుసగా మూడో రోజు కావడం గమనార్హం. పసిడి పెరిగితే వెండి ధర కూడా ఇదే దారిలో నడిచింది. భారీగా పెరిగింది. హైదరాబాద్ మార్కెట్‌లో శుక్రవారం బంగారం ధర పెరిగింది. 10 గ్రాముల 24 క్యారెట్ల బంగారం ధర రూ.490 పైకి కదిలింది. రూ.50,450కు చేరింది. అదేసమయంలో 10 గ్రాముల 22 క్యారెట్ల బంగారం ధర రూ.450 పెరిగింది. దీంతో రేటు రూ.46,250కు ఎగసింది.

Also Read: undefined

బంగారం ధర బాటలోనే వెండి ధర కూడా నడిచింది. కేజీ వెండి రూ.1200 పైకి ఎగసింది. దీంతో వెండి ధర రూ.72,500కు చేరింది. పరిశ్రమ యూనిట్లు, నాణేపు తయారీదారుల నుంచి డిమాండ్ పుంజుకోవడం ఇందుకు ప్రధాన కారణంగా చెప్పుకోవచ్చు.

Also Read: undefined

ఇకపోతే అంతర్జాతీయ మార్కెట్‌లో మాత్రం బంగారం ధర తగ్గింది. బంగారం ధర ఔన్స్‌కు 0.10 శాతం తగ్గుదలతో 1864 డాలర్లకు క్షీణించింది. బంగారం ధర తగ్గితే వెండి ధర కూడా ఇదే దారిలో నడిచింది. ఔన్స్‌కు 0.07 శాతం క్షీణతతో 25.82 డాలర్లకు తగ్గింది.

కాగా బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.