Gold Prices: ఆ ఒక్క కారణంతో పడిపోయిన బంగారం ధర.. కొనేందుకు ఇదే మంచి సమయమా? నిపుణులు ఏమంటున్నారు?

Gold Prices: బంగారం కొనుగోలు చేయాలనుకుంటున్నారా.. అయితో మీకో గుడ్‌న్యూస్. ఇవాళ రేటు పడిపోయింది. అయితే ఇప్పటికీ గరిష్ట స్థాయిల్లోనే ట్రేడవుతున్నాయి. కొద్దిరోజులుగా అమెరికాలో బ్యాంకింగ్ వ్యవస్థ సంక్షోభంలో చిక్కుకోవడం, యూఎస్ ఫెడ్ వడ్డీ రేట్లు పెంచడం ఇలాంటి కారణాలతో గోల్డ్ రేట్లు పెరిగాయి. ఇదే సమయంలో దేశీయంగా కూడా బంగారం ధర జీవన కాల గరిష్టాలను తాకింది. తాజాగా బంగారం ధర పడిపోయింది. దీనికి కారణం ఒపెక్ దేశాలు తీసుకున్న నిర్ణయం. చమురు ఎగుమతి దేశాల సమాఖ్య.. రోజువారీగా చమురు ఉత్పత్తిని మరోసారి భారీగా తగ్గించాయి. ఇది సడెన్‌గా తీసుకున్న నిర్ణయం. దీంతో చమురు ధరలు 5 శాతం వరకు పెరిగాయి.

దీంతో మల్టీ కమొడిటీ ఇండెక్స్‌లో 2023 ఏప్రిల్ గోల్డ్ ఫ్యూచర్ కాంట్రాక్ట్ సోమవారం రోజు కనిష్టాలకు చేరింది. 10 గ్రాములకు రూ.59,060 వద్ద ఇంట్రాడే కనిష్టాన్ని నమోదు చేసింది. ఇక ఇంటర్నేషనల్ మార్కెట్‌లో బంగారం ధర 0.90 శాతం పడిపోయిన ఔన్సుకు 1950 డాలర్ల స్థాయికి పడిపోయింది. ఇదే సమయంలో సిల్వర్ రేటు కూడా కనిష్టాల్లోనే ఉంది. 0.95 శాతం పతనమైంది. 2023 మే MCX సిల్వర్ ఫ్యూచర్ కాంట్రాక్ట్ రూ.71811 వద్ద ఉంది. ఇది ఇంట్రాడే కనిష్టాన్ని రూ.71,437 వద్ద నమోదు చేసింది.

OPEC Cuts Oil Production: ఒపెక్ దేశాల సంచలన నిర్ణయం.. భారత్‌పై తీవ్ర ప్రభావం.. నేటి పెట్రోల్, డీజిల్ ధరలు ఇవే..

అయితే బంగారం, వెండి ధరలపై బులియన్ మార్కెట్ నిపుణులు కీలక వ్యాఖ్యలు చేశారు. ప్రస్తుతం పడిపోయినప్పటికీ ఓవరాల్‌గా చూస్తే మాత్రం బుల్లిష్‌గానే కనిపిస్తోందని చెప్పుకొచ్చారు. యూఎస్ డాలర్ ర్యాలీతో బంగారం ధర పడిందని అంటున్నారు. ఇవాళ బంగారం, వెండి ధరలు పడిపోవడానికి గల కారణాలను విశ్లేషించారు ఐఐఎఫ్‌ఎల్ సెక్యూరిటీస్ రీసెర్చ్ వైస్ ప్రెసిడెంట్ అనుజ్ గుప్తా. డాలర్ ఇండెక్స్ ర్యాలీతోనే బంగారం ధర పడిపోయిందని, అయితే డాలర్ ఇప్పటికీ మంచి స్థాయి అయిన 102 వద్ద కొనసాగుతోందని ఆయన అన్నారు.

అయితే ప్రస్తుత ఒపెక్ దేశాలు చమురు ఉత్పత్తిని తగ్గిస్తూ ప్రకటన చేయడం ఇప్పటివరకు బాగానే ఉన్నా.. ఇదే పరిస్థితి కొనసాగితే ద్రవ్యోల్బణంపై భయాలు పెరుగుతాయని చెప్పారు. తద్వారా అప్పుడు బంగారం సురక్షిత పెట్టుబడి సాధనంగా కనిపిస్తుందని అన్నారు. దీంతో.. పెట్టుబడిదారులకు మాత్రం గోల్డ్ మంచి ఆప్షన్ అని వెల్లడించారు. ఇక దేశీయ మార్కెట్లో బంగారం ధర విషయానికి వస్తే హైదరాబాద్‌లో 22 క్యారెట్ల బంగారం ధర 10 గ్రాములకు రూ.54,700 వద్ద ఉండగా.. 24 క్యారెట్స్ గోల్డ్ రేటు రూ.59,670 వద్ద ట్రేడవుతోంది.

Eve Jobs: iPhone 14 లేకపోతే బతకలేనంటున్న స్టీవ్ జాబ్స్ కూతురు.. ఇది కూడా ఎగతాళేనా? అదే పనిగా పెట్టుకుందా? SBI Server Down: స్తంభించిన ఎస్‌బీఐ సేవలు.. దేశవ్యాప్తంగా కస్టమర్ల తీవ్ర ఇబ్బందులు.. యూపీఐ, నెట్‌ బ్యాంకింగ్, యోనో ఏం పనిచేయట్లేదు.. కారణం ఇదే!

• Read Latest Business News and Telugu News