Gold Rate Today: మంచి ఛాన్స్.. 4 వారాల కనిష్ఠాల్లో గోల్డ్, సిల్వర్ ధర.. హైదరాబాద్‌లో లేటెస్ట్ రేట్లు ఇవే..!

Gold Rate Today: అమెరికా ఫెడ్ వడ్డీ రేట్ల పెంపు భయాలతో బంగారం, వెండి ధరలు భారీగా పతనమవుతున్నాయి. జీవనకాల గరిష్ఠాల నుంచి అంతకంతకు దిగివస్తున్నాయి. మల్టీ కమొడిటీ సూచీలో తులం బంగారం ధర గరిష్ఠంగా రూ.58,847 కాగా కొద్ది రోజులుగా భారీగా తగ్గింది. నాలుగు వారాల కనిష్ఠాల్లో కొనసాగుతోంది. అయితే, క్రితం సెషన్‌తో పోలిస్తే బంగారం ధర స్వల్పంగా పెరిగింది. అయినప్పటికీ కనిష్ఠ స్థాయిల్లోనే ఉండడం పసిడి ప్రియులకు కలిసొచ్చే విషయం. ప్రస్తుతం ఎంసీఎక్స్ సూచీలో బంగారం ధర (Gold Price Today) 10 గ్రాములకు రూ. 56.950 వద్ద కొనసాగుతోంది. ఇక అంతర్జాతీయ మార్కెట్లో స్పాట్ బంగారం రేటు ఔన్సుకు 1842 డాలర్ల వద్ద కొనసాగుతోంది. స్పాట్ సిల్వర్ ధర 21.76 డాలర్ల వద్ద ట్రేడవుతోంది. రూపాయి మారకం విలువ అంతర్జాతీయ మార్కెట్లో డాలర్‌తో పోలిస్తే రూ. 82.793 వద్ద ఉంది. అమెరికాలో ఫైనాన్షియల్ డేటా పుంజుకోవడం, ఫెడ్ వడ్డీ రేట్ల పెంపు అంచనాల నేపథ్యంలో ప్రపంచ వ్యాప్తంగా అమెరికా డాలర్ బలపడుతోంది. బాండ్ ఈల్డ్స్ , డాలర్ రేటు పెరుగుతుండడం.. గోల్డ్ రేటు పతనానికి దారితీస్తుందని నిపుణులు చెబుతున్నారు. పసిడి కొనుగోలు చేసే వారికి ఇదే మంచి సమయంగా చెబుతున్నారు.

ప్రస్తుతం హైదరాబాద్‌లో 22 క్యారెట్ల బంగారం ధర గత 6 సెషన్లలో రూ.800 తగ్గగా.. ఇవాళ స్వల్పంగా పెరిగింది. 22 క్యారెట్ల గోల్డ్ 10 గ్రాములకు రూ.400 పెరిగి రూ.52 వేల 200 వద్ద ట్రేడవుతోంది. మరోవైపు.. 24 క్యారెట్ల మేలిమి బంగారం ధర రూ.440 పెరిగింది. ప్రస్తుతం రూ.56,950 వద్ద ఉంది. ఇక దేశ రాజధాని దిల్లీలో బంగారం 22 క్యారెట్లకు రూ.400 పెరిగి ప్రస్తుతం రూ.52 వేల 350 వద్ద కొనసాగుతోంది. 24 క్యారెట్ల స్వచ్ఛమైన గోల్డ్ ధర తులానికి రూ.440 పెరిగి రూ.57 వేల 100 వద్ద కొనసాగుతోంది.

ఇక వెండి విషయానికి వస్తే.. గత నాలుగు సెషన్లలో రూ.1300 తగ్గిన కిలో వెండి ధర (Silver Rate Today) ఇవాళ కాస్త పుంజుకుంది. కిలో సిల్వర్ రూ.600 పెరిగి ప్రస్తుతం రూ.71, 800 వద్ద ట్రేడవుతోంది. ఇక దేశ రాజధాని దిల్లీలో గత నాలుగు సెషన్లలో రూ.1800 మేర తగ్గింది. ఇవాళ్ల వెండి ధరలో ఎలాంటి మార్పు లేదు. ప్రస్తుతం కిలో వెండి ధర రూ.68,600 వద్ద కొనసాగుతోంది. మరోవైపు.. తమిళనాడు రాజధాని చెన్నైలో కిలో బంగారం ధర రూ.71 వేల 800 వద్ద ఉంది.