Gold Rate: గుడ్‌న్యూస్.. పడిపోయిన బంగారం, వెండి ధర.. హైదరాబాద్‌లో తులం గోల్డ్ ఎంతంటే?

Gold Rate Today: పసిడి ప్రియులకు గుడ్‌న్యూస్. బంగారం, వెండి ధరలు ఇవాళ దిగివచ్చి కొనుగోలుదారులకు ఊరట కలిగించాయి. అక్షయ తృతీయ పండగ మరుసటి రోజునే ఇలా గోల్డ్, సిల్వర్ ధరలు పడిపోవడం గమనార్హం. అక్షయ తృతీయ పర్వదినం సందర్భంగా బంగారం విక్రయాలు భారీగా పెరిగాయి. అయినప్పటికీ ధరలు మాత్రం దిగిరావడం పసిడి ప్రియులకు కలిసొచ్చే విషయంగానే చెప్పాలి. ఈ పర్వదినం సందర్భంగా రేట్లు భారీగా ఉంటాయని చాలా మంది కొనుగోలు చేయకుండా వెనకడుగు వేసి ఉంటారు. అలాంటి వారు ఇవాళ బంగారం కొనొచ్చు. ఇక ప్రస్తుతం ఢిల్లీ, హైదరాబాద్ నగరాలతో పాటు అంతర్జాతీయంగా గోల్డ్, సిల్వర్ రేట్లు (Gold And Silver Prices Today) ఎలా ఉన్నాయో తెలుసుకుందాం.

అంతర్జాతీయంగా మాత్రం బంగారం ధర స్వల్పంగా పెరిగింది. స్పాట్ గోల్డ్ రేటు ఔన్సుకు ప్రస్తుతం 1983 డాలర్లు పలుకుతోంది. ఇక స్పాట్ వెండి రేటు ఔన్సుకు 25.13 డాలర్ల మార్క్ వద్ద ట్రేడవుతోంది. ఇదే సమయంలో భారత కరెన్సీ రూపాయి మారకం విలువ డాలర్‌తో పోలిస్తే అంతర్జాతీయంగా రూ.82.090 వద్ద కొనసాగుతోంది.

హైదరాబాద్‌లో బంగారం (Gold Rate in Hyderabad) 22 క్యారెట్ల ధర ఇవాళ 10 గ్రాములకు రూ.300 తగ్గి రూ.55 వేల 750 వద్దకు దిగి వచ్చింది. ఇక 24 క్యారెట్ల స్వచ్ఛమైన పసిడి రేటు ఇవాళ తులానికి రూ.330 తగ్గింది. ప్రస్తుతం రూ.60 వేల 820 పలుకుతోంది. ఇక దేశ రాజధాని ఢిల్లీ బులియన్ మార్కెట్లో చూసుకుంటే 22 క్యారెట్ల బంగారం రేటు తులానికి రూ.300 తగ్గి ప్రస్తుతం రూ.55 వేల 900 మార్క్ వద్ద ట్రేడవుతోంది. 24 క్యారెట్ల మేలిమి బంగారం రేటు తులానికి రూ.310 దిగివచ్చి ప్రస్తుతం రూ.60 వేల 970 వద్ద ఉంది.

ఇక వెండి సైతం బంగారం దారిలోనే నడుస్తూ ఇవాళ భారీగా దిగివచ్చింది. ప్రస్తుతం హైదరాబాద్‌లో కిలో వెండి రేటు రూ.900 తగ్గి రూ.80 వేల 400ల మార్క్ వద్ద ట్రేడవుతోంది. ఇటీవలి కాలంలో వెండి రేటు భారీగా పరుగులు పెట్టిన విషయం తెలిసిందే. ఇవాళ కాస్త దిగిరావడం ఊరట కలిగించే విషయంగానే చెప్పాలి. ఇక దేశ రాజధాని హస్తినాలో చూస్తే వెండి రేటు కిలోకు రూ.700 తగ్గింది. ప్రస్తుతం కిలో వెండి ఢిల్లీలో రూ.76 వేల 900 పలుకుతోంది. ఢిల్లీతో పోలిస్తే హైదరాబాద్‌లో బంగారం రేటు కాస్త తక్కువ, వెండి రేటు కాస్త ఎక్కువగా ఉంటుంది.

• Read Latest Business News and Telugu News