Gold Rate Today: బంగారం కొనాలనుకుంటున్నారా? లేటెస్ట్ రేట్లు ఇవే.. తులం గోల్డ్ ఎంతంటే?

Gold Rate Today: బంగారం కొనుగోలు చేయాలని భావిస్తున్నారా? అయితే కొద్ది రోజులు ఓపిక పట్టక తప్పదు. ప్రస్తుతం రేట్లు గరిష్ఠా స్థాయిల్లోనే కొనసాగుతున్నాయి. గత 10 రోజులుగా బంగారం, వెండి ధరలు రికార్డ్ స్థాయిలో పెరిగాయి. అయితే, అమెరికా ఫెడ్ వడ్డీ రేట్లు పెంచిన క్రమంలో డాలర్ కాస్తు పుంజుకుంటూ బంగారం ధరలు క్రితం సెషన్‌లో స్వల్పంగా తగ్గాయి. ఈ క్రమంలో ముందు ముందు పసిడి రేట్లు తగ్గే సూచనలు ఉన్నట్లు తెలుస్తోంది. ఈ ఆలోచనతోనే పసిడి ప్రియులు ధరలు ఎప్పుడు తగ్గుతాయా అని వేచి చూస్తున్నారు. ఇక అంతర్జాతీయ మార్కెట్లోనూ బంగారం, వెండి ధరలు అమాంతం పెరుగుతున్నాయు. ఎంసీఎక్స్ లో కూడా ఇప్పటికే గోల్డ్ ధరలు జీవన కాల గరిష్టాన్ని తాకింది.

అంతర్జాతీయ మార్కెట్లో ఇవాళ్టి సెషన్‌లో స్పాట్ గోల్డ్ ధర ఔన్సుకు 1977.70 డాలర్ల వద్ద ట్రేడవుతోంది. ఇక స్పాట్ వెండి ధర ఔన్సుకు 23.25 డాలర్ల మార్క్ వద్ద అమ్ముడవుతోంది. మరోవైపు.. భారత కరెన్సీ రూపాయి మారకపు విలువ క్రితం సెషన్‌తో పోలిస్తే ఇవాళ స్థిరంగా ఉంది. ప్రస్తుతం అంతర్జాతీయ మార్కెట్లో డాలర్‌తో పోలిస్తే ప్రస్తుతం రూ.82.418 వద్ద కొనసాగుతోంది.

హైదరాబాద్‌లో బంగారం 22 క్యారెట్ల ధర 10 గ్రాములకు ఇవాళ స్థిరంగా ఉంది. ప్రస్తుతం హైదరాబాద్‌లో (Gold Price in Hyderabad) తులం రేటు రూ.54,850 మార్క్ వద్ద కొనసాగుతోంది. ఇక 24 క్యారెట్ల స్వచ్ఛమైన బంగారం ధర హైదరాబాద్‌లో తులానికి రూ.59 వేల 840 వద్ద ఉంది. మరోవైపు.. దేశ రాజధాని దిల్లీలో (Gold Rate in Delhi) 22 క్యారెట్ల బంగారం ధర 10 గ్రాములకు రూ.54 వేల 950 వద్ద ట్రేడవుతోంది. ఇక 24 క్యారెట్ల ధర సైతం స్థిరంగానే ఉంది. ప్రస్తుతం దిల్లీలో 10 గ్రాముల బంగారం రేటురూ.59,990 వద్ద ఉంది.

ఇక వెండి విషయానికి వస్తే ఇవాళ ధరలు స్థిరంగా కొనసాగుతున్నాయి. హైదరాబాద్‌లో కిలో వెండి ధర (Silver Rate Today) ప్రస్తుతం రూ. 76 వేల వద్ద కొనసాగుతోంది. ఇక దేశ రాజధాని హస్తినాలో కిలో సిల్వర్ రేటు క్రితం సెషన్‌తో పోలిస్తే ఇవాళ రూ.100 మేర పెరిగింది. ప్రస్తుతం కిలో వెండి దిల్లీలో రూ.73 వేల 400 వద్ద కొనసాగుతోంది. హైదరాబాద్‌తో పోలిస్తే దిల్లీలో వెండి ధర కాస్త తక్కువగా.. బంగారం ధర ఎక్కువగా ఉంటుంది. అందుకు స్థానిక ట్యాక్సులు కారణంగా చెప్పుకోవచ్చు.

• Read Latest Business News and Telugu News