ECB Rate Hike: ఆ ఒక్క కారణంతో పెరుగుతున్న Gold Prices.. ఇప్పుడు కొనాలా? ఆగాలా? నిపుణుల సలహా ఇదే..

ECB Rate Hike: బ్యాంకింగ్ సంక్షోభం కాస్త తేలిక పడటం ఇదే సమయంలో యూరోపియన్ సెంట్రల్ బ్యాంక్ (ECB) వరుసగా ఆరో సమావేశంలోనూ వడ్డీ రేట్లు పెంచిన నేపథ్యంలో.. ఇవాళ ఎర్లీ మార్నింగ్ డీల్స్‌లో బంగారం ధర ఎగబాకింది. దీంతో బంగారం ధర మార్చి 17న ఆల్ టైమ్ హైకి మరింత చేరువైంది. ప్రస్తుతం మల్టీ కమొడిటీ ఇండెక్స్‌లో (MCX) 10 గ్రాముల బంగారం రూ.58,277 లెవెల్స్‌కు చేరింది. ఇక జీవన కాల గరిష్ట విలువ 10 గ్రాములకు రూ.58,847 గా ఉంది. ఈ ఆల్ టైం హైకి చేరేందుకు మరో రూ.600 దూరంలో ఉంది. అంటే.. బంగారం రేటు మరో 2,3 రోజులు పెరిగితే గనుక జీవన కాల గరిష్టాన్ని (All Time High) తాకే అవకాశాలున్నట్లు చెబుతున్నారు నిపుణులు.

2023 ఏప్రిల్‌కు సంబంధించి గోల్డ్ ఫ్యూచర్ కాంట్రాక్ట్ MCX లో ఇవాళ 10 గ్రాములకు బంగారం ధర రూ.58,269 వద్ద ఓపెన్ అయింది. రూ.58,277 వద్ద ఇంట్రాడే హై ని తాకింది. తర్వాత ప్రాఫిట్ బుకింగ్ కారణంగా మళ్లీ తగ్గింది. 10 గ్రాములకు రూ.58,174 వద్ద ఇంట్రాడే కనిష్టం నమోదు చేసింది. 2023 మే కు సంబంధించి సిల్వర్ ఫ్యూచర్ కాంట్రాక్ట్ కేజీకి రూ.67,140 లెవెల్స్‌ వద్ద ప్రారంభమై కాసేపటికే ఇంట్రాడే గరిష్టాన్ని రూ.67,417 వద్ద తాకింది.

యూరోపియన్ సెంట్రల్ బ్యాంక్ వడ్డీ రేట్లు పెంచిన నేపథ్యంలో.. అమెరికా డాలర్ ఒత్తిడికి గురైందని, దీంతో డాలర్ ఇండెక్స్ విలువ 104 కంటే దిగువకు పడిపోయిందని అన్నారు ఐఐఎఫ్‌ఎల్ సెక్యూరిటీస్ వైస్ ప్రెసిడెంట్ అనుజ్ గుప్తా. ఈ కారణంతోనే ఇవాళ మార్నింగ్ డీల్స్‌లో ఒక్కసారిగా బంగారం ధర పెరిగేందుకు కారణమైనట్లు ఆయన వివరించారు. ఇక తదుపరి బంగారం ధరలను నిర్ణయించేది యూఎస్ ఫెడ్ సమావేశమేనని అన్నారు. ఫెడ్ వడ్డీ రేట్లు పెంచితే.. బంగారం ధర పడిపోతుందని, ఒకవేళ ప్రస్తుత పరిస్థితులను దృష్టిలో పెట్టుకొని.. వడ్డీ రేట్లు యధావిధిగా ఉంచినట్లయితే బంగారం ధరకు రెక్కలొస్తాయని అన్నారు. కాబట్టి.. కాస్త ఆగితే మంచిదని చెబుతున్నారు. ఫెడ్ వడ్డీ రేట్లు పెంచొచ్చని అంటున్నారు.

ఇటీవల అమెరికాలో సిలికాన్ వ్యాలీ, సిగ్నేచర్ బ్యాంకుల పతనం సంక్షోభానికి కారణమైంది. తర్వాత ఫస్ట్ రిపబ్లిక్ బ్యాంక్ కూడా పెద్ద మొత్తంలో నష్టపోయినట్లు వార్తలు వచ్చాయి. ఇదే సమయంలో క్రెడిట్ సూయిజ్ బ్యాంక్ పతనం వార్తలు సంక్షోభాన్ని పెంచాయి. అయితే ఇప్పుడు ఆయా ప్రభుత్వాలు సహా కేంద్ర బ్యాంకులు.. బ్యాంకింగ్ వ్యవస్థను రక్షించేందుకు చర్యలు తీసుకుంటున్న నేపథ్యంలో ఈ ప్రభావం కాస్త తగ్గినట్లు చెప్పారు వాంటేజ్ చీఫ్ స్ట్రేటజీ అండ్ ట్రేడింగ్ ఆఫీసర్ మార్క్ డెస్పల్లిరియస్.

10 గ్రాముల Gold Rate రూ.60 వేలకు.. ఆ ఒక్క రీజన్‌తోనే తగ్గుతుందా? పెరుగుతుందా? నిపుణులు చెప్పేది ఇదే.. Gold Hallmark: ఏప్రిల్ 1 నుంచి ఆ గోల్డ్ జువెలరీ అమ్మకాలు బంద్.. నిషేధించిన కేంద్రం.. కొనేముందు జాగ్రత్త.. Hallmarking: బంగారానికి సంబంధించి ఇక అలా కుదరదు.. కేంద్రం కీలక ప్రకటన.. ఆ కోడ్ లేకుంటే అంతే సంగతి!

• Read Latest Business News and Telugu News