రూ.3000 పతనమైన బంగారం ధర.. ఆల్ టైం హై నుంచి భారీ పతనం.. కొనేందుకు ఇంతకంటే ఛాన్స్ దొరకదా?

Gold Price: బంగారం కొనుగోలు చేయాలని భావిస్తున్నారా? అయితే అందుకు సరైన సమయం కోసం ఎదురుచూస్తున్నారా? ప్రస్తుతం Gold Rates ఎలా ఉన్నాయి? సమీప కాలంలో తగ్గే అవకాశాలు ఏమైనా ఉన్నాయా? నిపుణులు ఏమంటున్నారో తెలుసుకుందాం. ఫిబ్రవరి 7న స్టాక్ మార్కెట్లకు సెలవు. దీంతో ముందురోజు బంగారం ధరలు దాని రేంజ్‌కు కట్టుబడి ఉంది. ఇప్పుడు ఇన్వెస్టర్ల దృష్టి అంతా మార్చి 21,22 తేదీల్లో జరగనున్న యూఎస్ ఫెడరల్ రిజర్వ్ సమావేశంపైనే ఉంది. అప్పడు తీసుకునే నిర్ణయాలను బట్టి బంగారం, వెండి ధరల్లో చలనం ఉండనుంది. ఇక ఇప్పుడు మల్టీ కమొడిటీ ఎక్స్చేంజ్‌లో (MCX) ఏప్రిల్ ఎక్స్‌పైరీ గోల్డ్ ఫ్యూచర్ కాంట్రాక్ట్ 10 గ్రాములకు రూ.55,762 వద్ద ఉంది. ఇది బంగారం జీవన కాల గరిష్టం నుంచి చూస్తే రూ.3000 వరకు తక్కువే. లైఫ్ టైం హై వాల్యూ 10 గ్రాములకు రూ.58,847గా ఉంది.

ఇక కమొడిటీ మార్కెట్ ఎక్స్‌పర్ట్స్ ప్రకారం.. బంగారం ధర ఇవాళ అంతర్జాతీయ మార్కెట్లో ఔన్సుకు 1835 నుంచి 1860 డాలర్ల వద్ద కదలాడుతోంది. 1890 డాలర్ల వద్ద తదుపరి నిరోధం ఎదురుకానుంది. ఇక లోయర్ సైడ్‌లో చూస్తే గనుక 1810 డాలర్లకు చేరే సూచనలు ఉన్నాయి. ఇక బంగారం, వెండి ధరలు ప్రస్తుతం తక్కువలో ఉండేందుకు గల కారణాలను విశ్లేషించారు ఐఐఎఫ్‌ఎల్ సెక్యూరిటీస్ రీసెర్చ్ వైస్ ప్రెసిడెంట్ అనుజ్ గుప్తా. డాలర్ పుంజుకుంటున్న నేపథ్యంలోనే.. బంగారం, వెండి ధరలు తగ్గుతున్నట్లు చెబుతున్నారు. డాలర్ ప్రస్తుతం 104 లెవెల్స్‌లో ట్రేడవుతోందని, మరికొన్ని రోజులు ఇదే పరిస్థితి ఉండొచ్చని చెప్పుకొచ్చారు.

Hallmarking: బంగారానికి సంబంధించి ఇక అలా కుదరదు.. కేంద్రం కీలక ప్రకటన.. ఆ కోడ్ లేకుంటే అంతే సంగతి! Gold Hallmark: ఏప్రిల్ 1 నుంచి ఆ గోల్డ్ జువెలరీ అమ్మకాలు బంద్.. నిషేధించిన కేంద్రం.. కొనేముందు జాగ్రత్త..

ఇప్పుడు ఇక యూఎస్ జాబ్స్ రిపోర్ట్‌ గణాంకాలు యూఎస్ ఫెడ్ మీటింగ్‌కు దిశా నిర్దేశం చేయనున్నట్లు, దానిని బట్టే వడ్డీ రేట్ల పెంపుపై FED నిర్ణయం తీసుకునే సూచనలు ఉన్నాయని నిపుణులు చెబుతున్నారు. ఫెడ్ సమావేశం మార్చి 21,22 న జరగనుంది. ఫెడ్ ఛైర్మన్ జెరోమ్ పావెల్ ప్రకటన కోసం అంతా ఎదురుచూస్తున్నారు. సాధారణంగానే ఫెడ్ వడ్డీ రేట్లు పెంచితే డాలర్ పుంజుకొని.. గోల్డ్, సిల్వర్ రేట్లు పడిపోతుంటాయి. ఈసారి కూడా పెంచితే.. మరోసారి పసిడి ప్రియులకు మళ్లీ మంచిదే.

ఇక దేశీయ మార్కెట్లో బంగారం ధర హైదరాబాద్‌లో 22 క్యారెట్ గోల్డ్ 10 గ్రాములు రూ.200 తగ్గి రూ.51,650 వద్ద.. 24 క్యారెట్ల బంగారం ధర రూ. 56,350 వద్ద కొనసాగుతోంది. దిల్లీలో 22 క్యారెట్ల బంగారం రూ.51,800 వద్ద.. 24 క్యారెట్ గోల్డ్ రూ.56,500 వద్ద ట్రేడవుతోంది.

గోల్డ్ కొనాలనుకుంటున్నారా.. బంగారం, వెండి లేటెస్ట్ రేట్లు ఇవే.. ఎక్కడెక్కడ ఎలా ఉన్నాయంటే?

• Read Latest Business News and Telugu News