Gold Price: నేటి బంగారం, వెండి ధరలు.. హైదరాబాద్‌లో రేట్లెలా ఉన్నాయి?

Gold Price: బంగారం, వెండి ధరలు నేడు స్థిరంగా ఉన్నాయి. 22 క్యారెట్లకు చెందిన 10 గ్రాముల బంగారం ధర నేడు రూ.45,950 వద్ద పలుకుతోంది. అలాగే 24 క్యారెట్లకు చెందిన 10 గ్రాముల బంగారం ధర రూ.50,130 వద్ద స్థిరంగా కదలాడుతోంది. బంగారంతో పాటు వెండి రేట్లు కూడా స్థిరంగా ఉన్నాయి. కేజీ వెండి రేటు నేడు హైదరాబాద్‌లో రూ.62 వేలుగా ఉంది. హైదరాబాద్‌తో పాటు విజయవాడ మార్కెట్లో కూడా బంగారం, వెండి ధరలు ఎక్కడివి అక్కడే ఉన్నాయి. 22 క్యారెట్లకు చెందిన 10 గ్రాముల బంగారం ధర రూ.45,950 వద్ద, 24 క్యారెట్లకు చెందిన 10 గ్రాముల బంగారం ధర రూ.50,130 వద్ద పలుకుతున్నాయి. వెండి రేటు కూడా స్థిరంగా కేజీ రూ.62 వేలుగా ఉంది.

దేశ రాజధాని ఢిల్లీలో కూడా రేట్లు మారలేదు. ఎక్కడి రేట్లు అక్కడే పలుకుతున్నాయి. 22 క్యారెట్లకు చెందిన 10 గ్రాముల బంగారం ధర ఢిల్లీలో రూ.46,100గా ఉంది. అలాగే 24 క్యారెట్లకు చెందిన 10 గ్రాముల బంగారం ధర రూ.50,280 వద్ద రికార్డవుతుంది. బంగారంతో పాటు వెండి రేటు కూడా స్థిరంగా రూ.56,700 వద్ద ఉంది.

Also Read : EPFO: పెన్షనర్లకు ఈపీఎఫ్ఓ భారీ ఊరట.. ఇంట్లోనే కూర్చుని ఈ పని పూర్తి చేసుకోవచ్చు!

కాగా, కేంద్ర బ్యాంకులు ద్రవ్యోల్బణ కట్టడి కోసం వడ్డీ రేట్లను పెంచుతూ వెళ్తూ ఉండటంతో.. బంగారం ధరలు ఇటీవల అతలాకుతలమవుతున్నాయి. అయితే ఈ వడ్డీ రేట్ల పెంపు వల్ల ప్రపంచవ్యాప్తంగా మందగమన పరిస్థితులు చోటు చేసుకోనున్నాయనే ప్రపంచ బ్యాంకు వార్నింగ్‌తో బంగారం ధరలు కాస్త కోలుకున్నాయి.

బంగారం ధరలలో కాస్త షార్ట్ కవరింగ్ కనిపించింది. కానీ ప్రస్తుతం అమెరికా వడ్డీ రేట్ల పెంపుపైనే ఈ ధరల కదలిక ఆధారపడి ఉంది. ఈ వారం జరగబోయే అమెరికా ఫెడ్ మీటింగ్‌పైనే ఇన్వెస్టర్లందరూ ఫోకస్ చేశారు. మరోవైపు అమెరికా సీపీఐ డేటా అంచనాల కంటే పెరిగి.. వడ్డీ రేట్ల పెంపుకు మరింత దోహదం చేస్తుంది. ఈ రేట్లు పెంచితే.. అటు బంగారంతో పాటు, ఇటు ఈక్విటీ మార్కెట్లపై కూడా తీవ్ర ప్రభావం ఉండనుంది.

Read latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.