Gold Silver Prices: ఆభరణాలు కొనేవారికి నేటి బంగారం, వెండి ధరల వివరాలు.. !

Gold Silver Prices: బంగారం ధరలు స్థిరంగా కొనసాగుతున్నాయి. ధరలలో ఎలాంటి మార్పు లేదు. హైదరాబాద్ మార్కెట్లో 22 క్యారెట్లకు చెందిన 10 గ్రాముల బంగారం ధర రూ.48,150గా నమోదవుతోంది. అలాగే 24 క్యారెట్లకు చెందిన 10 గ్రాముల బంగారం ధర రూ.52,530గా ఉంది. రెండు రోజుల పాటు ధరలలో ఎలాంటి మార్పు లేకుండా స్థిరంగా ఉన్నాయి. అంతకుముందు ఏకంగా రూ.400 మేర ధర పెరగడంతో.. రూ.47,750 నుంచి రూ.48,150కు ఈ ధర వచ్చి చేరింది. బంగారంతో పాటు వెండి రేటు కూడా స్థిరంగా కొనసాగుతోంది. కేజీ వెండి రేటు హైదరాబాద్ మార్కెట్లో రూ.64,800గా పలుకుతోంది. హైదరాబాద్‌తో పాటు దేశ రాజధానిలో కూడా బంగారం ధరలు స్తబ్దుగా ఉన్నాయి. అక్కడ కూడా ధరలలో ఎలాంటి మార్పు లేదు. దీంతో 22 క్యారెట్లకు చెందిన 10 గ్రాముల బంగారం ధర రూ. 48,300గా పలుకుతోంది. అంతేకాక 24 క్యారెట్లకు చెందిన 10 గ్రాముల బంగారం ధర రూ.52,690గా రికార్డయింది. ఇక సిల్వర్ రేటు ఢిల్లీ మార్కెట్లో కేజీ రూ.59,300గా ఉంది. విజయవాడ మార్కెట్లో బంగారం ధరలు.. 22 క్యారెట్లకు చెందిన ధర రూ.48,150గా, 24 క్యారెట్ల ధర రూ.52,530గా నమోదవుతోంది. విజయవాడలో కేజీ సిల్వర్ రేటు స్థిరంగా రూ.64,800 వద్ద కొనసాగుతోంది.

అంతర్జాతీయంగా మాత్రం బంగారం ధరలు కిందకి పడ్డాయి. డాలర్ బలపడటంతో.. గోల్డ్ ధరలు తగ్గాయి. స్పాట్ గోల్డ్ ధర సోమవారం అంతర్జాతీయ మార్కెట్లో 1.1 శాతం తగ్గి ఔన్స్ 1,782.33 డాలర్ల వద్ద నమోదైంది. గత వారం ఈ ధర 1.6 శాతం పెరిగింది. అమెరికా గోల్డ్ ఫ్యూచర్స్ కూడా 0.9 శాతం తగ్గి 1,799.30 డాలర్ల వద్ద ట్రేడయ్యాయి. చైనాలో ఎకనామిక్ గ్రోత్ తగ్గడంతో.. ఈ విలువైన మెటల్‌కి ఫిజికల్‌గా డిమాండ్ తగ్గుతుందని ఆందోళనలు వ్యక్తమవుతున్నాయి. అంతేకాక ఫెడరల్ ఓపెన్ మార్కెట్ కమిటీ మినిట్స్‌ను ఇన్వెస్టర్లు సునిశితంగా పరిశీలిస్తున్నారు. దీంతో ఈ విలువైన మెటల్ అనిశ్చితికి గురవుతోంది.

Also Read : MCLR: పంద్రాగస్టు నాడు ఎస్‌బీఐ కీలక నిర్ణయం.. ఇక ఈఎంఐల బాదుడు

Also Read : August 15.. త్రివర్ణ కాంతులతో అంబానీ ఇల్లు.. విద్యుత్ కాంతులతో జిల్ జిగేల్

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.