Latest Gold Rates: బంగారం, వెండి కొనాలనుకునే వారికి ఊరట.. ఈరోజు రేట్లు ఇవే!

Gold Prices : బంగారం ధర శాంతించింది. నిన్న పెరిగిన పసిడి రేట్లు ఈరోజు మాత్రం నిలకడగానే కొనసాగాయి. జూన్ 29న బంగారం ధరలో ఎలాంటి మార్పు లేదు. స్థిరంగానే ఉన్నాయి. 22 క్యారెట్ల బంగారం రేటు 10 గ్రాములకు రూ. 47,650 వద్దనే ఉంది. అలాగే 24 క్యారెట్ల బంగారం ధర విషయానికి వస్తే.. రూ. 51,980 వద్ద కొనసాగుతోంది. నిన్న బంగారం ధరలు రూ. 100కు పైగా పెరిగిన విషయం తెలిసిందే. మరోవైపు సిల్వర్ రేటు మాత్రం పడిపోయింది. ఈరోజు వెండి రేటు రూ. 400 దిగివచ్చింది. దీంతో వెండి ధర కేజీకి రూ. 65,600కు పడిపోయింది. కాగా సిల్వర్ రేటు నిన్న రూ. 300 వరకు పెరుగులు పెట్టింది. అలాగే ప్రముఖ జువెలరీ సంస్థల్లో బంగారం ధరలను పరిశీలిస్తే.. హైదరాబాద్‌లో కల్యాణ్ జువెలర్స్‌ వెబ్‌సైట్ ప్రకారం గోల్డ్ రేటు గ్రాముకు రూ. 4685 వద్ద ఉంది. 22 క్యారెట్లకు ఇది వర్తిస్తుంది. అలాగే లలితా జువెలర్స్‌లో 22 క్యారెట్ల బంగారం ధర గ్రాముకు రూ. 4765 వద్ద ఉంది. సిల్వర్ రేటు గ్రాముకు రూ. 66 వద్ద కొనసాగుతోంది. అలాగే ప్లాటినం రేటు గ్రాముకు రూ. 3071 వద్ద ఉంది. మలబార్ గోల్డ్ అండ్ డైమండ్స్‌లో గోల్డ్ రేటు గ్రాముకు రూ. 4695 వద్ద ఉంది. జోయాలుక్కాస్‌లో 22 క్యారెట్ల గోల్డ్ రేటు గ్రాముకు రూ. 4765 వద్ద ఉంది. ఇక్కడ బంగారం ధరలు ప్రాంతం ప్రాతిపదికన మారతాయి. అలాగే తయారీ చార్జీలు, జీఎస్‌టీ వంటివి అదనం.

Also Read: undefined

బలహీనంగానే బంగారం
అంతర్జాతీయ మార్కెట్‌లో బంగారం ధరలు బలహీనంగానే ఉన్నాయి. పసిడి రేటు పడిపోయింది. స్వల్పంగా దిగి వచ్చింది. బంగారం ధర ఔన్స్‌కు 0.07 శాతం మేర క్షీణించింది. 1819 డాలర్ల వద్ద కదలాడుతోంది. అలాగే వెండి రేటు కూడా ఇదే దారిలో నడిచింది. సిల్వర్ రేటు ఔన్స్‌కు 0.36 శాతం దిగివచ్చింది. దీంతో సిల్వర్ రేటు 20.79 వద్ద కొనసాగుతోంది.

టెక్నికల్ అంశాలు ఏం చెబుతున్నాయి
లాంగ్ టర్మ్ వీక్లీ చార్ట్‌లో చూస్తే ఈ వారంలో క్యాండిల్ కీలకమైన ట్రెండ్‌లైన్ సపోర్ట్ వద్ద ఇన్‌ఫ్లెక్షన్ పాయింట్‌కు సమీపంలో ఉంది. ఇక్కడ కిందకు బ్రేక్ ఔట్ అయితే మరింత పడిపోయే ఛాన్స్ ఉంటుందని నిపుణులు చెబుతున్నారు. అలాగే ఈ సపోర్ట్ 100 రోజుల ఈఎంఏగా కూడా ఉంది. డెయిలీ స్పాట్ గోల్డ్ చార్ట్ ప్రకారం చూస్తే బంగారం ధర 1800 సమీపంలో కదలాడుతోంది. ఆర్ఎస్ఐ కూడా 50 సమీపంలో ఉంది. ఇది బుల్లిష్ కావొచ్చు. బేరిష్ మొమెంటమ్ అయినా కలిగి ఉండొచ్చు. ఎటువైపు మొగ్గు చూపుతుందో తెలియాల్సి ఉంది.

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.