Gold Demand: దేశంలో బంగారానికి తగ్గిన డిమాండ్.. ఎందుకు కొనట్లేదో అసలు కారణం తెలిస్తే..

Gold Demand: భారతీయులకు బంగారం అంటే ఎంత ఇష్టమో ప్రత్యేకంగా చెప్పనక్కర్లేదు. ముఖ్యంగా మహిళలు అలంకరణగా బంగారు ఆభరణాలను ధరిస్తుంటారు. పెళ్లిళ్లు, పండగలు, ఇతర శుభకార్యాల సమయాల్లో ఎక్కువగా గోల్డ్ కొంటుంటారు. అయితే.. ప్రస్తుతం భారత్‌లో బంగారానికి డిమాండ్ (Gold Consumption) భారీగా తగ్గిందంట. ఈ మేరకు ప్రపంచ స్వర్ణ మండలి (World Gold Council) తన రిపోర్ట్‌లో వెల్లడించింది. ఓవరాల్ డిమాండ్ మంచి స్థితిలోనే ఉన్నప్పటికీ గతేడాది మాత్రం పడిపోయిందని తెలిపింది. 2021తో పోలిస్తే భారత్‌లో బంగారం వినియోగం 2.92 శాతం మేర పతనమైందని వివరించింది. దీంతో 2022లో మొత్తం బంగారం వినియోగం 774 టన్నులుగా నమోదైందని పేర్కొంది WGC. బంగారం ధరలు విపరీతంగా పెరగడమే డిమాండ్ పడిపోయేందుకు కారణమని ప్రపంచ స్వర్ణ మండలి పేర్కొంది. అయితే ఇదే సందర్భంలో ఈ సంవత్సరానికి అవుట్‌లుక్ చూస్తే గనుక మంచి బుల్లిష్ జోన్‌లోనే ఉందని WGC మంగళవారం విడుదల చేసిన తన రిపోర్ట్‌లో తెలిపింది. 2021లో భారత్‌లో పసిడి వినియోగం మొత్తంగా 797.3 టన్నులుగా నమోదైంది. ఈ మేరకు డబ్ల్యూజీసీ వార్షిక గోల్డ్ డిమాండ్ ట్రెండ్స్ రిపోర్ట్‌లో వెల్లడైంది.

ప్రపంచ కుబేరుల్లో టాప్-10 నుంచి అదానీ అవుట్.. రూ.2.80 లక్షల కోట్ల సంపద

అయితే గతేడాది ప్రారంభంలో ప్రపంచవ్యాప్తంగా అనిశ్చిత పరిస్థితులు నెలకొన్నప్పటికీ.. బలహీనమైన సెంటిమెంట్ ఉన్నప్పటికీ భారత్‌లో బంగారం డిమాండ్ పెద్దగా తగ్గకపోవడం ఆశ్చర్యపరిచిందని WGC ఇండియా మేనేజింగ్ డైరెక్టర్ సోమసుందరం చెప్పారు. గతేడాది చివర్లో పండగల సీజన్‌తో గోల్డ్‌కు డిమాండ్ మళ్లీ ఊపందుకుందని, ఇది ఇప్పుడు పెళ్లిళ్ల సీజన్ వరకు కొనసాగొచ్చని ఆయన అంచనా వేశారు. ఇక 2021లో నాలుగో త్రైమాసికంలో బంగారం వినియోగం 345 టన్నులుగా, ఏడాది మొత్తంలో 797.3 టన్నులుగా ఉందని ఆయన పేర్కొన్నారు.

ఇక ఇదే సమయంలో జువెల్లరీ డిమాండ్ కూడా 2022లో కాస్త తగ్గింది. 2021లో 610.9 టన్నుల వినియోగం జరగ్గా.. అది 2022లో మాత్రం 2 శాతం మేర తగ్గి 600.4 టన్నులుగా నమోదైంది. ఇక విలువ పరంగా చూస్తే మాత్రం 2021లో రూ.2,61,150 కోట్లు ఉండగా.. 2022లో 4 శాతం పెరిగి రూ.2,72,810 కోట్లుగా నమోదుకావడం విశేషం. ఇక 2022లో గోల్డ్ రీసైక్లింగ్ విషయానికి వస్తే ఏకంగా 30 శాతం పెరిగి 97.6 టన్నులకు చేరింది. అంటే ఇంత మేర పాత బంగారం విక్రయించి కొత్తగా ఆభరణాలు కొనుగోలు చేశారన్నమాట. బంగారం ధరలు అధికంగా ఉన్న నేపథ్యంలో ఈ పరిస్థితికి దారి తీసింది.

కేంద్ర బడ్జెట్‌పై ప్రధాని మోదీ కీలక వ్యాఖ్యలు.. ప్రపంచం మొత్తం చూస్తుందంటూ..!

ప్రస్తుతం అంతర్జాతీయంగా, దేశీయంగా బంగారం, వెండి ధరలు రికార్డు స్థాయిలో ట్రేడవుతున్నాయి. దేశీయంగా ఇటీవల గోల్డ్ రేట్లు రెండేళ్ల గరిష్టాన్ని అధిగమించి ట్రేడవడం తెలిసిందే. యూఎస్ ఫెడ్ వడ్డీ రేట్లు మరోసారి పెంచితే.. అప్పుడు బంగారం, వెండి రేట్లు తగ్గుతాయని తెలుస్తోంది. ఫిబ్రవరిలో యూఎస్ ఫెడ్ సమావేశం జరగనున్న నేపథ్యంలో ఏ నిర్ణయం తీసుకుంటుందోనని సర్వత్రా ఆసక్తి నెలకొంది.

• Read Latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Also Read: తెలుగు ప్రజలకు గుడ్‌న్యూస్.. ఆ నగరాలకు ఎయిర్‌టెల్ 5జీ ప్లస్ సేవలు విస్తరణ

మూడేళ్ల కనిష్టానికి GDP వృద్ధి రేటు.. పార్లమెంట్ ముందుకు ఆర్థిక సర్వే.. ప్రవేశపెట్టిన నిర్మలా సీతారామన్