వెలవెలబోయిన వెండి.. ఈరోజు ధర ఎంత తగ్గిందంటే..

వెండి కొనుగోలు చేయాలని ఆలోచిస్తున్నారా? అయితే మీకు తీపికబురు. వెండి ధర తగ్గింది. వెలవెలబోయింది. నేలచూపులు చూసింది. వెండి ప్రేమికులకు ఇది గుడ్ న్యూస్. వెండి రేటు వరసగా రెండు రోజులుగా తగ్గుతూనే వస్తోంది. వెండి పట్టీలు, కడియాలు, ఆభరణాలు వంటివి కొనాలని భావించే వారికి ఇది ఊరట కలిగించే అంశమని చెప్పుకోవచ్చు. హైదరాబాద్ మార్కెట్‌లో గురువారం వెండి ధర దిగొచ్చింది. రూ.100 తగ్గింది. దీంతో కేజీ వెండి ధర రూ.75,900కు క్షీణించింది. అంటే తులం వెండి ధర దాదాపు రూ.759 వద్ద ఉందని చెప్పుకోవచ్చు. కాగా వెండి ధర గత ఏడాది ఆగస్ట్ నెలలో ఏకంగా రూ.79 వేలకు పైగా పెరిగిన విషయం తెలిసిందే.

Also Read: undefined

మరోవైపు అంతర్జాతీయ మార్కెట్‌లో కూడా వెండి ధర తగ్గింది. వెలవెలబోయింది. వెండి ధర ఔన్స్‌కు 0.02 శాతం తగ్గుదలతో 27.24 డాలర్లకు క్షీణించింది. గ్లోబల్ మార్కెట్‌లో వెండి ధరలు తగ్గడం వల్ల దేశీ మార్కెట్‌లోనూ వెండి రేటు దిగివచ్చిందని నిపుణులు పేర్కొంటున్నారు.

ఇకపోతే వెండిని ఎక్కువగా పరిశ్రమ రంగంలో వినియోగిస్తారు. అలాగే ఆభరణాల తయారీ కోసం కూడా వాడతారు. అందువల్ల వెండికి డిమాండ్ ఎప్పటికీ ఉంటుందని గమనించాలి. వెండి ధరలపై గ్లోబల్ మార్కెట్ రేట్లు, డాలర్, అంతర్జాతీయ ఉద్రిక్త పరిస్థితులు ఇలా పలు అంశాలు ప్రభావం చూపుతాయని గమనించాలి.