Today 22ct 24ct Gold Silver Price In Hyderabad 14th January 2020
Today Gold Rate: శుభవార్త.. భారీగా పడిపోయిన బంగారం ధర.. ఈసారి ఎంతంటే?
సంక్రాంతి పండుగకు లేదంటే పెళ్లిళ్ల సీజన్ వస్తున్న నేపథ్యంలో బంగారం కొనుగోలు చేయాలని ప్లాన్ చేస్తున్నారా? అయితే మీకు గుడ్ న్యూస్. బంగారం ధర దిగొచ్చింది. నిన్న పరుగులు పెట్టిన పసిడి ధర నేడు పడిపోయింది. బంగారం ధర బాటలోనే వెండి ధర కూడా నడిచింది. క్షీణించింది.
Samayam Telugu14 Jan 2020, 7:59 am
సంక్రాంతి పండుగకు లేదంటే పెళ్లిళ్ల సీజన్ వస్తున్న నేపథ్యంలో బంగారం కొనుగోలు చేయాలని ప్లాన్ చేస్తున్నారా? అయితే మీకు గుడ్ న్యూస్. బంగారం ధర దిగొచ్చింది. నిన్న పరుగులు పెట్టిన పసిడి ధర నేడు పడిపోయింది. బంగారం ధర బాటలోనే వెండి ధర కూడా నడిచింది. క్షీణించింది.
రూ.200 క్షీణత
హైదరాబాద్ మార్కెట్లో మంగళవారం బంగారం ధర భారీగా దిగొచ్చింది. 10 గ్రాముల 22 క్యారెట్ల బంగారం ధర రూ.200 పడిపోయింది. దీంతో పసిడి ధర రూ.38,010కు దిగొచ్చింది. ఇకపోతే సోమవారం బంగారం ధర రూ.38,210 వద్ద ఉన్న విషయం తెలిసిందే.
అదేసమయంలో 24 క్యారెట్ల బంగారం ధర కూడా ఇంకా భారీగా పతనమైంది. ఈ పసిడి ధర ఏకంగా రూ.600 దిగొచ్చింది. దీంతో 10 గ్రాముల 24 క్యారెట్ల బంగారం ధర రూ.41,460కు క్షీణించింది. సోమవారం పసిడి ధర రూ.42,060 వద్ద ఉంది.
అమెరికా, ఇరాన్ మధ్య నెలకొన్న భౌగోళిక ఉద్రిక్తతలు తగ్గిపోవడంతో బంగారం ధర తగ్గింది. అలాగే అమెరికా, చైనా మధ్య ఈ వారంలో వాణిజ్య డీల్కు సంబంధించి తొలి అగ్రిమెంట్ కుదరొచ్చనే అంచనాలు నెలకొన్నాయి. దీంతో పసిడిపై ప్రతికూల ప్రభావం పడింది.
అమెరికా, ఇరాన్ మధ్య భౌగోళిక ఉద్రిక్తతలు తగ్గిపోవడంతో గ్లోబల్ మార్కెట్లో పసిడి ధర డౌన్ట్రెండ్లో ఉంది. ఇరాన్పై టారిఫ్లతో పసిడి నిన్న పరుగు పెట్టింది. ఈ రోజు కూడా పసిడి ధర స్థిరంగానే కొనసాగుతోంది. కానీ ఈ రోజు మళ్లీ తగ్గింది. బంగారం ధర ఔన్స్కు 1550 డాలర్ల కిందకు వచ్చేసింది. 1548.55 వద్ద కదలాడుతోంది. వెండి ధర కూడా ఫ్లాట్గా ఔన్స్కు 18 డాలర్ల కిందకు తగ్గింది. 17.97 వద్ద ఉంది.
బంగారం ధర తగ్గితే వెండి ధర కూడా ఇదే దారిలో నడిచింది. కేజీ వెండి ధర రూ.160 దిగొచ్చింది. దీంతో ధర కేజీకి రూ.49,000కు క్షీణించింది. పరిశ్రమ యూనిట్లు, నాణేపు తయారీదారుల నుంచి డిమాండ్ మందగించడం ఇందుకు కారణం. ఇకపోతే విజయవాడ, విశాఖపట్నంలోనూ ధరలు ఇలానే ఉన్నాయి.
ఢిల్లీ మార్కెట్లో కూడా బంగారం ధర తగ్గింది. 10 గ్రాముల 22 క్యారెట్ల బంగారం ధర రూ.210 పడిపోయింది. దీంతో ధర రూ.38,800కు దిగొచ్చింది. అలాగే 24 క్యారెట్ల బంగారం ధర కూడా రూ.210 క్షీణించింది. దీంతో ధర రూ.40,000కు దిగొచ్చింది. ఇక కేజీ వెండి ధర కూడా రూ.160 తగ్గుదలతో రూ.49,000కు పడిపోయింది.
దేశీ మార్కెట్లో బంగారం ధర గత ఏడాది దాదాపు 25 శాతానికి పైగా పరుగులు పెట్టింది. బంగారంపై దిగుమతి సుంకాల పెంపు, అమెరికా డాలర్తో పోలిస్తే ఇండియన్ రూపాయి బలహీనపడటం, అంతర్జాతీయ మార్కెట్లో పసిడి ధర పరుగులు పెట్టడం వంటి పలు అంశాలు ఇందుకు ప్రధాన కారణంగా చెప్పుకోవచ్చు.
ప్రస్తుతం బంగారం ధర తగ్గినా కూడా వచ్చే కాలంలో పసిడి రేటు మరింత పెరిగే అవకాశముందని నిపుణులు పేర్కొంటున్నారు. అంతర్జాతీయ భౌగోళిక ఉద్రిక్తతలు ఇందుకు దోహదపడతాయని మార్కెట్ నిపుణులు పేర్కొంటున్నారు. దేశీయంగా కూడా అమెరికా డాలర్తో పోలిస్తే ఇండియన్ రూపాయి బలహీనపడితే.. ఆ అంశం కూడా పసిడి మెరుపులకు కారణంగా నిలవొచ్చని తెలిపారు. బంగారం ధర రానున్న కాలంలో రూ.50,000కు చేరినా ఆశ్చర్యపోవాల్సిన అవసరం లేదని పేర్కొన్నారు.
బంగారం ధరలపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.