Today 22ct 24ct Gold Silver Price In Hyderabad 15th January 2020
Today Gold Rate: గుడ్ న్యూస్.. భారీగా దిగొచ్చిన బంగారం ధర.. లేటెస్ట్ రేట్లు ఇవే!
బంగారం కొనుగోలు చేయాలని ప్లాన్ చేస్తున్నారా? అయితే మీకు తీపికబురు. బంగారం ధర ఈ రోజు కూడా పడిపోయింది. పసిడి ధర తగ్గడం ఇది వరుసగా రెండో రోజు కావడం గమనార్హం. గత కొన్ని రోజులుగా పెరుగుతూ వస్తున్న బంగారం ధర ఇప్పుడు తగ్గిన నేపథ్యంలో పసిడి కొనాలని భావించే వారికి ఇది శుభవార్తనే అవుతుంది.
Samayam Telugu15 Jan 2020, 8:46 am
బంగారం కొనుగోలు చేయాలని ప్లాన్ చేస్తున్నారా? అయితే మీకు తీపికబురు. బంగారం ధర ఈ రోజు కూడా పడిపోయింది. పసిడి ధర తగ్గడం ఇది వరుసగా రెండో రోజు కావడం గమనార్హం. గత కొన్ని రోజులుగా పెరుగుతూ వస్తున్న బంగారం ధర ఇప్పుడు తగ్గిన నేపథ్యంలో పసిడి కొనాలని భావించే వారికి ఇది శుభవార్తనే అవుతుంది.
ధర పైపైకి.. డిమాండ్ కిందకు..
బంగారం ధర తగ్గడానికి డిమాండ్ మందగించడం కూడా ఒక కారణంగా చెప్పుకోవచ్చు. ఇటీవల కాలంలో పసిడి ధర పరుగులు పెట్టడంతో జనాలు షాపులకు రావడం తగ్గించేశారు. దీంతో ధరపై ఎఫెక్ట్ పడింది. అంతర్జాతీయంగా బలహీనమైన ట్రెండ్ సహా దేశీ జువెలర్ల నుంచి డిమాండ్ తగ్గడంతో పసిడిపై ప్రతికూల ప్రభావం పడిందని నిపుణులు పేర్కొంటున్నారు.
హైదరాబాద్ మార్కెట్లో బుధవారం బంగారం ధర భారీగా దిగొచ్చింది. 10 గ్రాముల 22 క్యారెట్ల బంగారం ధర రూ.370 పడిపోయింది. దీంతో పసిడి ధర రూ.37,640కు దిగొచ్చింది. ఇకపోతే మంగళవారం బంగారం ధర రూ.38,010 వద్ద ఉన్న విషయం తెలిసిందే.
అదేసమయంలో 24 క్యారెట్ల బంగారం ధర కూడా ఇంకా భారీగా పతనమైంది. ఈ పసిడి ధర ఏకంగా రూ.400 దిగొచ్చింది. దీంతో 10 గ్రాముల 24 క్యారెట్ల బంగారం ధర రూ.41,060కు క్షీణించింది. మంగళవారం పసిడి ధర రూ.41,460 వద్ద ఉంది.
అమెరికా, ఇరాన్ మధ్య నెలకొన్న భౌగోళిక ఉద్రిక్తతలు తగ్గిపోవడంతో బంగారం ధరపై ప్రతికూల ప్రభావం పడింది. అలాగే అమెరికా, చైనా మధ్య ఈ వారంలో వాణిజ్య డీల్కు సంబంధించి తొలి అగ్రిమెంట్ కుదరొచ్చనే అంచనాలు నెలకొన్నాయి. దీంతో పసిడి ధర తగ్గుతూ వస్తోంది.
అమెరికా, ఇరాన్ మధ్య భౌగోళిక ఉద్రిక్తతలు తగ్గిపోవడంతో గ్లోబల్ మార్కెట్లో పసిడి ధర డౌన్ట్రెండ్లో ఉందని చెప్పుకోవచ్చు. ఇరాన్పై అమెరికా టారిఫ్లు పసిడి ధరకు మద్దతునిస్తోంది. బంగారం ధర ఈ రోజు ఔన్స్కు 0.13 శాతం పెరుగుదలతో 1548.65 డాలర్లకు చేరింది. వెండి ధర ఔన్స్కు 0.13 శాతం పెరుగుదలతో 17.83 డాలర్లకు ఎగసింది.
బంగారం ధర తగ్గితే వెండి ధర కూడా ఇదే దారిలో నడిచింది. కేజీ వెండి ధర రూ.100 దిగొచ్చింది. దీంతో ధర కేజీకి రూ.48,900కు క్షీణించింది. పరిశ్రమ యూనిట్లు, నాణేపు తయారీదారుల నుంచి డిమాండ్ మందగించడం ఇందుకు కారణం. ఇకపోతే విజయవాడ, విశాఖపట్నంలోనూ ధరలు ఇలానే ఉన్నాయి.
ఢిల్లీ మార్కెట్లో కూడా బంగారం ధర తగ్గింది. 10 గ్రాముల 22 క్యారెట్ల బంగారం ధర రూ.350 పడిపోయింది. దీంతో ధర రూ.38,450కు దిగొచ్చింది. అలాగే 24 క్యారెట్ల బంగారం ధర కూడా రూ.350 క్షీణించింది. దీంతో ధర రూ.39,650కు పడిపోయింది. ఇక కేజీ వెండి ధర కూడా రూ.100 తగ్గుదలతో రూ.48,900కు పతనమైంది.
దేశీ మార్కెట్లో బంగారం ధర గత ఏడాది దాదాపు 25 శాతానికి పైగా పరుగులు పెట్టింది. బంగారంపై దిగుమతి సుంకాల పెంపు, అమెరికా డాలర్తో పోలిస్తే ఇండియన్ రూపాయి బలహీనపడటం, అంతర్జాతీయ మార్కెట్లో పసిడి ధర పరుగులు పెట్టడం వంటి పలు అంశాలు ఇందుకు ప్రధాన కారణంగా చెప్పుకోవచ్చు.
ప్రస్తుతం బంగారం ధర తగ్గినా కూడా వచ్చే కాలంలో పసిడి రేటు మరింత పెరిగే అవకాశముందని నిపుణులు పేర్కొంటున్నారు. అంతర్జాతీయ భౌగోళిక ఉద్రిక్తతలు ఇందుకు దోహదపడతాయని మార్కెట్ నిపుణులు పేర్కొంటున్నారు. దేశీయంగా కూడా అమెరికా డాలర్తో పోలిస్తే ఇండియన్ రూపాయి బలహీనపడితే.. ఆ అంశం కూడా పసిడి మెరుపులకు కారణంగా నిలవొచ్చని తెలిపారు. బంగారం ధర రానున్న కాలంలో రూ.50,000కు చేరినా ఆశ్చర్యపోవాల్సిన అవసరం లేదని పేర్కొన్నారు.
బంగారం ధరలపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.