Har Ghar Tiranga: హర్ ఘర్ తిరంగా.. జాతీయ జెండా అమ్మకాలపై జీఎస్టీ...?
Har Ghar Tiranga: దేశవ్యాప్తంగా హర్ ఘర్ తిరంగా కార్యక్రమం ఊపందుకుంది. ప్రతి ఇంటిపై జాతీయ జెండా ఎగురుతుంది. ప్రజల నుంచి పెద్ద ఎత్తున జాతీయ జెండాల కోసం ఆర్డర్లు వచ్చాయి. దీంతో ప్రజల నుంచి వచ్చిన డిమాండ్‌ను అందుకునేందుకు తయారీదారులు ప్రయత్నించారు. రికార్డు సమయంలో 30 కోట్లకు పైగా జాతీయ జెండాలను తయారు చేశారు. అయితే జాతీయ జెండాల అమ్మకాలు పెరగడంతో.. వీటికి జీఎస్టీ నుంచి మినహాయింపు ఉందా..? లేదా..? అనే విషయంలో ఆర్థిక మంత్రిత్వ శాఖ క్లారిటీ కూడా ఇచ్చింది.
ప్రధానాంశాలు:
- 75వ స్వాతంత్య్ర దినోత్సవంలో భారతావని
- ఊపందుకున్న హర్ ఘర్ తిరంగా కార్యక్రమం
- జాతీయ జెండా అమ్మకాలకు జీఎస్టీ నుంచి మినహాయింపు
- 20 రోజుల్లో 30 కోట్లకు పైగా జాతీయ జెండాలు తయారీ
Har Ghar Tiranga: 75వ స్వాతంత్య్ర దినోత్సవంతో భారతావని పులకరించిపోతుంది. ప్రధాని నరేంద్ర మోదీ పిలుపు మేరకు ‘హర్ ఘర్ తిరంగా’కార్యక్రమంతో ప్రతి ఇంటిపై జాతీయ జెండా ఎగురుతోంది. రాజకీయ నాయకుల నుంచి సామాన్య ప్రజల వరకు ప్రతి ఒక్కరూ తమ ఇంటిపై జాతీయ జెండాను ఎగరవేస్తూ.. ఆ పోస్టులను సోషల్ మీడియాలో పంచుకుంటున్నారు. జాతీయ జెండాను కావాలనుకున్న వారు ఆన్‌లైన్ ద్వారా లేదా పోస్ట్ ఆఫీసు ద్వారా కొనుగోలు చేసుకోవచ్చు. అయితే జాతీయ జెండా అమ్మకాలపై గూడ్స్ అండ్ సర్వీసెస్ ట్యాక్స్ వర్తిస్తుందా..? అనే విషయంపై ప్రజలకు ఆర్థిక మంత్రిత్వ శాఖ క్లారిటీ ఇచ్చింది. జాతీయ జెండాను మెషిన్‌పై తయారు చేసినా లేదా పాలిస్టర్ అయినా కూడా జీఎస్టీ నుంచి జాతీయ జెండాకు మినహాయింపు ఉంటుందని ఆర్థిక మంత్రిత్వ శాఖ ప్రకటన జారీ చేసింది. చేతితో నేసిన జాతీయ జెండాలైన లేదా ఖాదీవి అయిన జీఎస్టీ నుంచి మినహాయింపు ఇస్తున్నట్టు ప్రభుత్వం తెలిపింది.
Also Read :ఆయన వల్లే రాకేశ్ ఝున్‌ఝున్‌వాలా ధనవంతుడిగా మారారంట.. ప్రస్తుతం బిగ్ బుల్ సంపదెంతో తెలుసా..?
ఆజాదీ కా అమృత్ మహోత్సవ్‌లో భాగంగా.. ‘హర్ ఘర్ తిరంగా’ కార్యక్రమం కింద ప్రతి ఒక్కరూ ఈ 75వ స్వాతంత్ర్య దినోత్సవ వేడుకలను అట్టహాసంగా జరుపుకుంటున్నారు. ఈ నేపథ్యంలో జాతీయ జెండాల అమ్మకాలు కూడా ఈసారి పెరిగాయి. 30 కోట్లకు పైగా జాతీయ జెండాలు అమ్ముడుపోయాయి. ఇదే సమయంలో రూ.500 కోట్ల వ్యాపారం వరకు నమోదైందని తెలిసింది. ఈ నేపథ్యంలో జాతీయ జెండాలకు జీఎస్టీ నుంచి మినహాయింపు ఉందని ఆర్థిక మంత్రి నిర్మలా సీతారామన్ స్పష్టం చేశారు.
హర్ ఘర్ తిరంగా కార్యక్రమం కోసం 30 కోట్లకు పైగా జాతీయ జెండాను రికార్డు సమయంలో తయారు చేశారు. కేవలం 20 రోజుల్లోనే దేశ ప్రజల నుంచి వెల్లువెత్తిన అనూహ్యమైన డిమాండ్‌ను అందుకున్నారు. పాలిస్టర్, మెషిన్‌పై తయారు చేసిన జాతీయ జెండాలకు కూడా కేంద్ర ప్రభుత్వం ఫ్లాగ్ కోడ్ కింద అనుమతి ఇవ్వడంతో.. దేశవ్యాప్తంగా జెండాల అందుబాటు పెరిగింది. అంతకుముందు కేవలం ఖాదీ లేదా వస్త్రంతో తయారు చేసిన జాతీయ జెండాలను మాత్రమే ఎగరవేసేవారు. ఫ్లాగ్ కోడ్‌లో సవరణలు చేపట్టడంతో.. దేశవ్యాప్తంగా లక్షలాది మంది ఉపాధి అవకాశాలను కూడా పొందారు.
Also Read :రాకేశ్ ఝున్‌ఝున్‌వాలా కన్నుమూత.. వైరల్ అవుతున్న బిగ్ బుల్ వీల్‌చెయిర్ డ్యాన్స్
Also Read :ఆయన వల్లే రాకేశ్ ఝున్‌ఝున్‌వాలా ధనవంతుడిగా మారారంట.. ప్రస్తుతం బిగ్ బుల్ సంపదెంతో తెలుసా..?
ఆజాదీ కా అమృత్ మహోత్సవ్‌లో భాగంగా.. ‘హర్ ఘర్ తిరంగా’ కార్యక్రమం కింద ప్రతి ఒక్కరూ ఈ 75వ స్వాతంత్ర్య దినోత్సవ వేడుకలను అట్టహాసంగా జరుపుకుంటున్నారు. ఈ నేపథ్యంలో జాతీయ జెండాల అమ్మకాలు కూడా ఈసారి పెరిగాయి. 30 కోట్లకు పైగా జాతీయ జెండాలు అమ్ముడుపోయాయి. ఇదే సమయంలో రూ.500 కోట్ల వ్యాపారం వరకు నమోదైందని తెలిసింది. ఈ నేపథ్యంలో జాతీయ జెండాలకు జీఎస్టీ నుంచి మినహాయింపు ఉందని ఆర్థిక మంత్రి నిర్మలా సీతారామన్ స్పష్టం చేశారు.
హర్ ఘర్ తిరంగా కార్యక్రమం కోసం 30 కోట్లకు పైగా జాతీయ జెండాను రికార్డు సమయంలో తయారు చేశారు. కేవలం 20 రోజుల్లోనే దేశ ప్రజల నుంచి వెల్లువెత్తిన అనూహ్యమైన డిమాండ్‌ను అందుకున్నారు. పాలిస్టర్, మెషిన్‌పై తయారు చేసిన జాతీయ జెండాలకు కూడా కేంద్ర ప్రభుత్వం ఫ్లాగ్ కోడ్ కింద అనుమతి ఇవ్వడంతో.. దేశవ్యాప్తంగా జెండాల అందుబాటు పెరిగింది. అంతకుముందు కేవలం ఖాదీ లేదా వస్త్రంతో తయారు చేసిన జాతీయ జెండాలను మాత్రమే ఎగరవేసేవారు. ఫ్లాగ్ కోడ్‌లో సవరణలు చేపట్టడంతో.. దేశవ్యాప్తంగా లక్షలాది మంది ఉపాధి అవకాశాలను కూడా పొందారు.
Also Read :రాకేశ్ ఝున్‌ఝున్‌వాలా కన్నుమూత.. వైరల్ అవుతున్న బిగ్ బుల్ వీల్‌చెయిర్ డ్యాన్స్