బంగారం కొంటున్నారా? ఎంత ‘ట్యాక్స్’ పడుతుందో తెలుసా?

ధంతేరాస్ రోజున చాలా మంది బంగారం, వెండి ఆభరణాలు కొనుగోలు చేస్తుంటారు. ఈసారి కొనుగోలుదారులకు సావరిన్ గోల్డ్ బాండ్స్ రూపంలో బంగారం కొనేందుకు మరో ఆప్షన్ అందుబాటులో ఉంది. అలాగే చాలా మంది జువెలర్లు ప్రమోషనల్ ఆఫర్లు కూడా అందిస్తున్నారు. అంతేకాకుండా బీఎస్‌ఈ, ఎన్‌ఎస్‌ఈలు గోల్డ్ ఈటీఎఫ్, సావరిన్ గోల్డ్ బాండ్స్ ట్రేడింగ్ సెషన్‌ను రాత్రి 7 వరకు (సాయంత్రం 5 నుంచి 7 వరకు) పొడిగించాయి. బంగారం కొనుగోలుపై ఆదాయపు పన్ను కూడా చెల్లించాల్సి ఉంటుంది. అయితే బంగారం ఏ రూపంలో ఉందన్న అంశం ప్రాతిపదికన ట్యాక్స్ మారుతుంది. జీఎస్‌టీ, క్యాపిటల్ గెయిన్ ట్యాక్స్ వంటి వాటిని చెల్లించాల్సి ఉంటుంది. బంగారం కొనుగోలు చేసిన తర్వాత మూడేళ్లలోపు విక్రయిస్తే దాన్ని షార్ట్ టర్మ్‌గా పరిగణిస్తారు. ఆపైన అయితే లాంగ్ టర్మ్‌గా భావిస్తారు.

Also Read: undefined

బంగారం విక్రయంపై షార్ట్ టర్మ్ క్యాపిటల్ గెయిన్స్ ట్యాక్స్ మీ స్థూల ఆదాయానికి జతవుతుంది. అదే లాంగ్ టర్మ్ గెయిన్స్‌‌పై 20.8 శాతం పన్ను చెల్లించాలి. అయితే ఇక్కడ ఇండెక్సేషన్ బెనిఫిట్స్ ఉంటాయి. బంగారం కొనుగోలు చేసిన ధరను ప్రస్తుత ద్రవ్యోల్బణానికి అనుగుణంగా సవరిస్తారు. ఇది కొంత ఊరట కలిగించే అంశం.

Also Read: undefined

ఇకపోతే సావరిన్ గోల్డ్ బాండ్ల విషయానికి వస్తే. వీటికి మెచ్యూరిటీ 8 ఏళ్లుగా ఉంటుంది. ఐదేళ్లు దాటిన తర్వాత బాండ్లను విక్రయించొచ్చు. అయితే ఇక్కడ 8 ఏళ్లు మెచ్యూరిటీ తర్వాత ఎలాంటి క్యాపిటల్ గెయిన్స్ ట్యాక్స్ ఉండదు. అలాగే బాండ్లపై సంవత్సరానికి 2.5 శాతం వడ్డీ లభిస్తుంది. ఈ వడ్డీపై పన్ను పడుతుంది. అయితే టీడీఎస్ మాత్రం వర్తించదు.

Also Read: undefined

ఇకపోతే బంగారం కొనుగోళ్లపై 3 శాతం జీఎస్‌టీ పడుతుంది. బంగారు నాణేలు, బంగారు ఆభరణాలు, బంగారు కడ్డీలకు కూడా షార్ట్ టర్మ్, లాంగ్ టర్మ్ క్యాపిటల్ గెయిన్స్ ట్యాక్స్ వర్తిస్తుంది. అలాగే గోల్డ్ ఈటీఎఫ్‌లు కూడా ఇందుకు మినహాయింపేమీ కాదు.

Also Read: undefined