Four Common Tax Saving Mistakes You Might Make In The Race To Save Tax
డబ్బు ఆదా చేయాలా? ఈ 4 తప్పులు అసలు చేయొద్దు!
డబ్బు సంపాదించడం మాత్రమే కాదండోయ్.. చేతిలోని డబ్బును అనవసరంగా ఖర్చు చేయకుండా పొదుపు కూడా చేయడం నేర్చుకోవాలి. ఉద్యోగులు డబ్బు ఆదా చేయడానికి ఒక మార్గం అందుబాటులో ఉంది. అదే పన్ను భారం నుంచి తప్పించుకోవడం. దీనికి చాలా ఇన్వెస్ట్మెంట్ సాధనాలు అందుబాటులో ఉన్నాయి.
Samayam Telugu23 Jan 2020, 2:57 pm
డబ్బు సంపాదించడం మాత్రమే కాదండోయ్.. చేతిలోని డబ్బును అనవసరంగా ఖర్చు చేయకుండా పొదుపు కూడా చేయడం నేర్చుకోవాలి. ఉద్యోగులు డబ్బు ఆదా చేయడానికి ఒక మార్గం అందుబాటులో ఉంది. అదే పన్ను భారం నుంచి తప్పించుకోవడం. దీనికి చాలా ఇన్వెస్ట్మెంట్ సాధనాలు అందుబాటులో ఉన్నాయి.
వీరికి అవసరం లేదు
ట్యాక్స్ సేవింగ్ ఇన్వెస్ట్మెంట్ సాధనాల్లో డబ్బు డిపాజిట్ చేయడం వల్ల పన్ను భారం నుంచి మినహాయింపు పొందొచ్చు. కొంత మందికి ఇన్వెస్ట్ చేయాల్సిన అవసరం కూడా ఉండదు. రూ.6.5 లక్షల శాలరీ ప్యాకేజ్ ఉన్న వారికి ట్యాక్స్ సేవింగ్ ఇన్వెస్ట్మెంట్లు అవసరం ఉండదు.
ఇన్సూరెన్స్ పాలసీ తీసుకుంటే పన్ను మినహాయింపు పొందొచ్చని చాలా మందికి తెలిసే ఉంటుంది. అయితే కేవలం పన్ను ఆదా చేసుకోవడానికి మాత్రమే పాలసీ తీసుకోవద్దు. ఇలా చేస్తే మీరు ఖర్చు చేసినవారు అవుతారు. అంతేకానీ ఇన్వెస్ట్ చేసినట్లు కాదు.
ఈఎల్ఎస్ఎస్ మ్యూచువల్ ఫండ్స్ వంటి వాటిల్లో డబ్బు ఇన్వెస్ట్ చేయడం వల్ల కూడా పన్ను మినహాయింపు పొందొచ్చు. అయితే చాలా మంది ఆర్థిక సంవత్సరం చివరిలో ఇన్వెస్ట్ చేస్తే సరిపోతుందని భావిస్తుంటారు. ఇది కరెక్ట్ కాదు. సిప్ రూపంలో మ్యూచువల్ ఫండ్స్లో ఎప్పటి నుంచైనా డబ్బులు ఇన్వెస్ట్ చేస్తూ రావొచ్చు. ఇన్వెస్ట్మెంట్లను ముందే ప్రారంభిస్తే.. కాంపౌండింగ్ ప్రయోజనాన్ని పొందొచ్చు.
కొత్తగా ట్యాక్స్ సేవింగ్ ఇన్వెస్ట్మెంట్ సాధనాల్లో డబ్బులు డిపాజిట్ చేసే వారు డబ్బు ఆదా మాత్రమే చేస్తారు. అయితే ఇక్కడ ఇన్వెస్ట్ చేసే ముందు లాకిన్ పీరియడ్ గురించి కూడా తెలుసుకోవాలి. దీనికి అనుగుణంగా ఇన్వెస్ట్మెంట్లను కొనసాగించాలి. డబ్బులు పెట్టిన తర్వాత కొద్ది రోజులకే వాటిని వెనక్కి తీసుకోవడం వీలు కాదు. అంతేకాకుండా ఇన్వెస్ట్మెంట్కు ముందు ద్రవ్యోల్బణాన్ని కూడా పరిగణలోకి తీసుకోవాలి. మీ డబ్బు మెచ్యూరిటీ సమయంలో ద్రవ్యోల్బణం క్నా ఎక్కువ రాబడి వస్తుందా? రాదా? అని లెక్కేసుకోవాలి. తక్కువ రాబడి వస్తుందని తెలిస్తే.. ఇన్వెస్ట్ చేయకపోవడం మంచిది.
ఇన్కమ్ ట్యాక్స్ చట్టంలోని సెక్షన్ 80సీ కింద రూ.1.5 లక్షల వరకు పన్ను మినహాయింపు పొందొచ్చు. ఈపీఎఫ్ కంట్రిబ్యూషన్ కూడా దీని పరిధిలోకే వస్తుంది. అందువల్ల ఇతర ట్యాక్స్ సేవింగ్ ఇన్వెస్ట్మెంట్ సాధనాల్లో ఇన్వెస్ట్ చేసే ముందు.. సెక్షన్ 80సీ మినహాయిపు నుంచి పీఎఫ్ కంట్రిబ్యూషన్ తీసేస్తే మిగిలిన మొత్తానికి సమానమైన డబ్బును ట్యాక్స్ సేవింగ్ స్కీమ్స్లో ఇన్వెస్ట్ చేయడం మంచిది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.