Income Tax Alert: One Rupee Extra Income Can Be Liable For Rs 12500 Tax Payments
ఒక్క రూపాయి ఎక్కువైనా.. రూ.13,000 పోయినట్లే.. ఉద్యోగులు, పన్ను చెల్లింపుదారులకు అలర్ట్!
ఒక్క రూపాయి.. ఒకే ఒక్క రూపాయి. ఇటీవల కాలంలో ఒక్క రూపాయి విలువ లేదనిపిస్తోంది. గతంలో మారికి కాకుండా ఇప్పుడు బయట రూపాయికి ఏమీ రావడం లేదు. రూపాయికి టీ కూడా తాగలేం. అయితే కంపెనీలు మాత్రం రూపాయి ట్రిక్తో కస్టమర్లను ఆకర్షిస్తూ ఉంటాయి. రూ.99కి రూ.100కు ఒక్క రూపాయే వ్యత్యాసం. కానీ రూ.99కు, రూ.100కు కస్టమర్లు మాత్రం భిన్నంగా స్పందిస్తారు. అంతేందుకు ఇటీవల ఒక కొత్త టీవీ సీరియర్ స్టార్ట్ అయ్యింది. ఇందులో కూడా రూ.కోటికి రూ.2 తక్కువైతే అది ఎప్పటికీ రూ.కోటి కాలేదనే డైలాగ్ ఉంది. రూపాయి, రెండు రూపాయలకు చాలా ప్రాధాన్యం ఉంటుంది.
Samayam Telugu3 Mar 2020, 10:06 am
ఒక్క రూపాయి.. ఒకే ఒక్క రూపాయి. ఇటీవల కాలంలో ఒక్క రూపాయి విలువ లేదనిపిస్తోంది. గతంలో మారికి కాకుండా ఇప్పుడు బయట రూపాయికి ఏమీ రావడం లేదు. రూపాయికి టీ కూడా తాగలేం. అయితే కంపెనీలు మాత్రం రూపాయి ట్రిక్తో కస్టమర్లను ఆకర్షిస్తూ ఉంటాయి. రూ.99కి రూ.100కు ఒక్క రూపాయే వ్యత్యాసం. కానీ రూ.99కు, రూ.100కు కస్టమర్లు మాత్రం భిన్నంగా స్పందిస్తారు. అంతేందుకు ఇటీవల ఒక కొత్త టీవీ సీరియర్ స్టార్ట్ అయ్యింది. ఇందులో కూడా రూ.కోటికి రూ.2 తక్కువైతే అది ఎప్పటికీ రూ.కోటి కాలేదనే డైలాగ్ ఉంది. రూపాయి, రెండు రూపాయలకు చాలా ప్రాధాన్యం ఉంటుంది.
రూ.1తో బాదుడే..
ఇప్పుడు ఈ రూపాయి గోల ఏంటని అనుకుంటున్నారా? ఇక్కడ ఒక్క రూపాయితో చాలా నష్టపోవాల్సి వస్తోంది. ఇది అందరికీ వర్తించకపోవచ్చు. కానీ ఉద్యోగులు మాత్రం కచ్చితంగా ఈ విషయాన్ని తెలుసుకోవాలి. ఒక్క రూపాయి ఆదాయం ఎక్కువున్నా కూడా ఎక్కువ పన్ను చెల్లించుకోవలసిన పరిస్థితులు ఉన్నాయి. రూ.1 ఎక్కువైతే ఏకంగా రూ.13,000 పన్ను భారం పెరుగుతోంది. 2019-20 ఆర్థిక సంవత్సరానికి సంబంధించి రూ.5 లక్షల వరకు ట్యాక్సబుల్ ఆదాయం ఉన్నవారికి రూ.12,500 ట్యాక్స్ పడుతుంది. అయితే దీన్ని కేంద్ర ప్రభుత్వం రిబేట్ చేస్తుంది. అంటే రూ.5 లక్షల వరకు ట్యాక్సబుల్ ఇన్కమ్ ఎలాంటి పన్ను ఉండదు.
ట్యాక్సబుల్ ఇన్కమ్ రూ.5 లక్షలకు పైన ఉంటే.. అప్పుడు వారికి సెక్షన్ 87ఏ కింద లభించే రూ.12,500 రిబేట్ రాదు. అంటే రూ.5 లక్షలకు పైన ఒక్క రూపాయి ఆదాయం ఉన్నా కూడా ఈ రూ.12,500 పోయినట్లే. దీంతో మీకు రావాల్సింది రాకపోవడమే కాకుండా ఇంకా ఎక్కువగానే ఆదాయపు పన్ను శాఖకు చెల్లించుకోవలసి ఉంటుంది. ఒక్క మాటలో చెప్పాలంటే ట్యాక్స్ స్లాబ్ మారిపోతుంది. అప్పుడు అధిక పన్ను రేటు వర్తిస్తుంది. అందువల్ల ఉద్యోగులు, పన్ను చెల్లింంపుదారులు పన్ను అంశానికి సంబంధించిన చిన్న చిన్న విషయాలకు కూడా చాలా ప్రాధాన్యం ఇవ్వాలి. లేదంటే కేంద్ర ప్రభుత్వానికి ఎక్కువ పన్ను చెల్లించుకోవలసి వస్తుంది.
ఆదాయం రూ.5 లక్షలకు పైన రూ.500 లేదా రూ.1,000 పెరిగితే.. అప్పుడు ట్యాక్స్ ప్లానింగ్ తప్పనిసరి. ఆదాయపు పన్ను చట్టం ప్రకారం.. పన్ను చెల్లింపుదారులకు పన్ను మినహాయింపు బెనిఫిట్స్ ఉంటాయి. సెక్షన్ 80సీ కింద సాధారణంగా రూ.1.5 లక్షల వరకు పన్ను మినహాయింపు పొందొచ్చు. ఒకవేళ ఈ పరిమితి దాటితే అప్పుడు సెక్షన్ 80డీ కింద రూ.25,000 వరకు రిబేట్ పొందొచ్చు. సాధారణంగా చాలా మందికి సెక్షన్ 80సీ, సెక్షన్ 80డీ గురించే బాగా తెలిసి ఉంటుందని చార్టెర్డ్ అకౌంట్ సన్నీ కుమార్ తెలిపారు. అయితే పన్ను మినహాయింపునకు మరో ఆప్షన్ కూడా ఉందన్నారు.
ఆదాయపు పన్ను చట్టంలోని సెక్షన్ 80సీ, సెక్షన్ 80డీ మాత్రమే కాకుండా సెక్షన్ 80జీ కింద పన్ను మినహాయింపు ప్రయోజనాలు ఉంటాయని సన్నీ కుమార్ వివరించారు. అయితే సెక్షన్ 80జీ కింద పన్ను మినహాయింపు ప్రయోజనాలు పొందాలంటే ఒక షరతు ఉందన్నారు. 80జీ కింద రిజిస్టర్డ్ అయిన సంస్థలకు విరాళం అందిస్తేనే సెక్షన్ 80జీ కింద పన్ను మినహాయింపు పొందొచ్చని తెలిపారు. దీంతో మీ పన్ను మినహాయింపు పరిమితి స్వల్పంగా దాటేసిన కూడా పన్ను భారం నుంచి తప్పించుకోవచ్చు.
కాగా కేంద్ర ప్రభుత్వం బడ్జెట్ 2020లో కొత్త పన్ను చెల్లింపు విధానాన్ని ఆవిష్కరించిన విషయం తెలిసిందే. ఇది ఆప్షనల్ మాత్రమే. ఇష్టమున్నవారు కొత్త విధానానికి మారిపోవచ్చు. ఏప్రిల్ 1 నుంచి ఈ ట్యాక్స్ సిస్టమ్ అమలులోకి వస్తుంది. మీరు ఈ ఆప్షన్ ఎంచుకుంటే మాత్రం పన్ను మినహాయింపులను వదులుకోవలసి వస్తుంది. అంటే కొత్త విధానాన్ని ఎంచుకుంటే ఆదాయపు పన్ను చట్టంలోని పలు సెక్షన్ల ద్వారా పొందే పన్ను మినహాయింపులు లభించవు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.