CBDT: గుడ్ న్యూస్.. ఐటీఆర్ దాఖలుకు గడువు పొడిగింపు!

పన్ను చెల్లింపుదారులకు శుభవార్త. కేంద్ర ప్రత్యక్ష పన్నుల బోర్డు (సీబీడీటీ) తాజాగా ఇన్‌కమ్ ట్యాక్స్ రిటర్న్స్ ఫైలింగ్ గడువును పొడిగించింది. గురువారం రాత్రి ఈ నిర్ణయం తీసుకుంది. దీంతో ఇప్పుడు అక్టోబర్ 31 వరకు ఐటీఆర్ ఫైల్ చేయొచ్చు. అయితే అందరికీ ఇది వర్తించదు. కేవలం ఫైలింగ్‌కు ముందు ఆడిట్ అవసరమయ్యే కేసులకు మాత్రమే ఈ గుడవు పొడిగింపు సౌకర్యం అందుబాటులో ఉంటుంది. ఆదాయపు పన్ను చట్టంలోని సెక్షన్ 44ఏబీ కిందకు వచ్చే సంస్థలు దాఖలు చేసే ఐటీఆర్‌కు ఈ ఫెసిలిటీ అందుబాటులో ఉంటుంది. కంపెనీలు, భాగస్వామ్య సంస్థలు, ప్రొప్రైటర్‌షిప్ సహా పలు ఇతర సంస్థలు ఈ కేటగిరి కిందకు వస్తాయి. వీటి అకౌంట్లు ఫైలింగ్‌కు ముందే ఆడిట్ చేయాల్సి ఉంటుంది.


Also Read: undefined

ఆదాయపు పన్ను శాఖ గడువు పొడిగింపు విషయాన్ని ట్విట్టర్ వేదికగా తెలియజేసింది. ‘దేశవ్యాప్తంగా ఉన్న చార్టర్డ్ అకౌంట్స్, ట్యాక్స్ కన్సల్టెంట్ల నుంచి చాలా విజ్ఞప్తులు అందాయి. అందువల్ల ఐటీఆర్ ఫైలింగ్ అండ్ ట్యాక్స్ అడిట్ రిపోర్ట్స్ సమర్పణకు డెడ్‌లైన్‌ను సెప్టెంబర్ 30 నుంచి అక్టోబర్ 31కు పొడిగిస్తున్నాం’ అని సీబీడీటీ తెలిపింది.

Also Read: undefined

ఇకపోతే గడువు పొడిగింపునకు సంబంధించిన అధికారిక నోటిఫికేషన్ త్వరలోనే జారీ కానుంది. ఇదివరకు ఇన్‌స్టిట్యూట్ ఆఫ్ చార్టర్డ్ అకౌంట్స్ ఆఫ్ ఇండియా (ఐసీఏఐ) ఐటీఆర్ డెడ్‌లై‌న్‌ను నవంబర్ 30కి పెంచాలని సీబీడీటీకి లేఖ రాసింది. ఆడిటెడ్ సంస్థలకు మాత్రమే ఇది వర్తిస్తుంది. ఐటీ శాఖకు చెందిన పాలసీల రూపకల్పన బాధ్యతలను సీబీడీటీయే చూసుకుంటుంది.