Income Tax filing last date: ఐటీ రిటర్నులకు నేడే ఆఖరి తేదీ.. ఇప్పటి వరకు ఎంత మంది ఫైల్ చేశారు?

Income Tax filing last date: ఆదాయపు పన్ను రిటర్నులను(ITR) దాఖలు చేసేందుకు నేడే ఆఖరి తేదీ. నేటితో(జూలై 31, 2022తో) ఈ గడువు ముగుస్తుంది. ఈ తుది గడువును పెంచాలని పెద్ద ఎత్తున పన్ను చెల్లింపుదారుల నుంచి అభ్యర్థనలు వెల్లువెత్తినా ప్రభుత్వం మాత్రం తన నిర్ణయాన్ని మార్చుకోలేదు. ఇప్పటి వరకు ఐటీ రిటర్నుల దాఖలు తుది గడువు పెంచడంలో ఎలాంటి నిర్ణయం తీసుకోలేదు. దీంతో ఇండివిడ్యువల్స్, పన్ను చెల్లింపుదారులు ఎవరైతే ఐటీఆర్ దాఖలు చేసేందుకు వేచిచూస్తున్నారో.. తప్పనిసరి పరిస్థితుల్లో నేడు ఈ రిటర్నులను దాఖలు చేయాల్సి ఉంది. లేదంటే రేపటి నుంచి ఆలస్యపు ఫీజులను వీరు ఎదుర్కోవాల్సి ఉంటుంది. 2022-23 అసెస్‌మెంట్ ఇయర్‌లో 5 కోట్లకు పైగా పన్ను రిటర్నులను దాఖలైనట్టు ఆదాయపు పన్ను విభాగం చెప్పింది. ఈ లెక్కలు శనివారం రాత్రి 8.30 వరకు నమోదైన ఐటీ రిటర్నుల సంఖ్య. జూలై 31 లోపల ఐటీ రిటర్నులను దాఖలు చేసుకోవాలని వేతన జీవులకు, పన్ను చెల్లింపుదారులకు, పెద్ద ఎత్తున ప్రజలకు అధికారిక ట్విటర్ అకౌంట్ ద్వారా ఆదాయపు పన్ను విభాగం అలర్ట్ చేస్తోంది.

‘‘ఈ రోజు రాత్రి 8.36 నిమిషాల వరకు 5 కోట్లకు పైగా ఐటీ రిటర్నులు దాఖలయ్యాయి. ఇప్పటి వరకు ఐటీ రిటర్నులను దాఖలు చేయకపోతే వెంటనే మీ ఐటీ రిటర్నులను దాఖలు చేయండి. అసెస్‌మెంట్ ఇయర్ 2022-23 ఏడాదికి చెందిన ఐటీఆర్ దాఖలు చేసే తుది గడువు జూలై 31, 2022తో ముగుస్తుంది. #ఫైల్ చేసి ఆలస్యపు ఫీజు తప్పించుకోండి. ప్లీజ్ విజిట్.. http://incometax.gov.in’’ అంటూ ఆదాయపు పన్ను విభాగం తన ట్విటర్ అకౌంట్‌లో ట్వీట్ చేసింది.



మరోవైపు "#Extend_Due_Date_Immediately" అంటూ పెద్ద ఎత్తున ట్విటర్‌లో ట్రెండవుతోంది. తుది గడువు దగ్గర పడుతున్నప్పటి నుంచి ఈ హ్యాష్‌ట్యాగ్‌ను పన్ను చెల్లింపుదారులు బాగా ట్రెండ్ చేశారు. అయినా ప్రభుత్వం తుది గడువు పొడిగింపులో వెనక్కి తగ్గలేదు. అయితే కరోనా కాలంలో గత రెండేళ్లు తుది గడువును ప్రభుత్వం పొడిగించింది. ఈసారి మాత్రం పన్ను చెల్లింపుదారులకు ఊరటనివ్వలేదు. మరోవైపు ఐటీఆర్ ఫైలింగ్ పోర్టల్ సతాయిస్తుందంటూ యూజర్లు ట్విటర్‌లో ట్వీట్స్ చేస్తున్నారు.

Also Read : నేటి బంగారం, వెండి ధరలు.. భారీగా పెరిగిన సిల్వర్

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.