Pan Aadhaar Link: What Will Happen If You Don't Link Pan With Aadhaar This Month
ఈలోపు Aadhaarతో పాన్ కార్డు కచ్చితంగా లింక్ చేసుకోవాలి.. లేదంటే..
ఆధార్ కార్డు ఉందా? అలాగే పాన్ కార్డు కలిగి ఉన్నారా? అయతే మీరు ఒక పని పూర్తి చేయాలి. ఆధార్, పాన్ కార్డులను లింక్ చేసుకోవాలి. దీనికి డెడ్లైన్ డిసెంబర్ 31. ఆదాయపు పన్ను శాఖ చాలాసార్లు ఆధార్, పాన్ లింక్ గడువును పొడిగిస్తూ వచ్చింది. ఇప్పుడు మాత్రం నిర్దేశిత గడువులోగా రెండింటిని లింక్ చేసుకోవాల్సిందే.
Samayam Telugu10 Dec 2019, 11:18 am
ఆధార్ కార్డు ఉందా? అలాగే పాన్ కార్డు కలిగి ఉన్నారా? అయతే మీరు ఒక పని పూర్తి చేయాలి. ఆధార్, పాన్ కార్డులను లింక్ చేసుకోవాలి. దీనికి డెడ్లైన్ డిసెంబర్ 31. ఆదాయపు పన్ను శాఖ చాలాసార్లు ఆధార్, పాన్ లింక్ గడువును పొడిగిస్తూ వచ్చింది. ఇప్పుడు మాత్రం నిర్దేశిత గడువులోగా రెండింటిని లింక్ చేసుకోవాల్సిందే.
31లోపు పూర్తి చేయండి
పాన్, ఆధార్ కార్డు ఉన్న వారు ఆన్లైన్, ఆఫ్లైన్ మార్గాల్లో రెండింటినీ అనుసంధానం చేసుకోవాలి. ఈ పనిని ఈ నెల చివరకు పూర్తి చేయాలి. ఆదాయపు పన్ను రెండింటి అనుసంధానానికి డెట్లైన్ను దాదాపు 7 సార్లు పొడిగించింది. మరోసారి ఈ ఛాన్స్ ఉండకపోవచ్చు. అందువల్ల వెంటనే పని పూర్తిచేయండి.
మీరు మీ పాన్ కార్డును, ఆధార్ కార్డును లింక్ చేసుకోకపోతే కేంద్ర ప్రత్యక్ష పన్నుల బోర్డు (సీబీడీటీ) పాన్ కార్డులను ఇన్వాలిడ్గా ప్రకటించే అవకాశముంది. అంటే ఆ పాన్ కార్డులు చెల్లుబాటు కావు. ఆధార్ నెంబర్, పాన్ నెంబర్ అనుసంధానం చేసుకోకపోతే పాన్ నెంబర్ చెల్లుబాటు కాదు ఇన్కమ్ ట్యా్క్స్ డిపార్ట్మెంట్ తెలిపింది.
ఆర్థిక బిల్లు ప్రకారం చూస్తే.. ఆధార్ కార్డుతో అనుసంధానం కాని పాన్ కార్డులు అన్నీ పని చేయవు. అందువల్ల డెడ్లైన్ కన్నా ముందుగానే పాన్, ఆధార్ నెంబర్లను లింక్ చేసుకోవాలి. అయితే డెడ్లైన్ దాటిన తర్వాత ఆధార్, పాన్ నెంబర్లను లింక్ చేసుకుంటే.. తర్వాత పాన్ కార్డులు మళ్లీ చెల్లుబాటు అయ్యే అకాశం ఉండొచ్చు. దీనికి ఆదాయపు పన్ను శాఖ అనుమతి ఇవ్వొచ్చు. ఇప్పటి వరకు అయితే దీనిపై ఎలాంటి స్పష్టత లేదు.
ఇకపోతే ప్రస్తుత చట్టాల ప్రకారం పాన్ కార్డు స్థానంలో ఆధార్ కార్డును ఉపయోగించొచ్చు. ఐటీఆర్ దాఖలు చేయడానికి, అధిక విలువ కలిగిన లావాదేవీలకు సహా ఇతరత్రా వాటికి పాన్ కార్డు లేకపోతే ఆధార్ కార్డు ఇవ్వొచ్చు. పాన్ కార్డు లేకుండా ఆధార్ కార్డుతో ఐటీఆర్ దాఖలు చేస్తే అప్పుడు కొత్త పాన్ కార్డు వస్తుంది.
పాన్ నెంబర్, ఆధార్ నెంబర్ను సులభంగానే అనుసంధానం చేసుకోవచ్చు. ఆదాయపు పన్ను ఇఫైలింగ్ పోర్టల్కు వెళ్లి రెండింటినీ లింక్ చేసుకోవచ్చు. లేదంటే ఎస్ఎంఎస్ రూపంలో రెండింటినీ అనుసంధానం చేసుకునే ఛాన్స్ ఉంది. UIDPAN<SPACE><12 digit Aadhaar><Space><10 digit PAN ఫార్మాట్లో 567678 లేదా 56161కు ఎస్ఎంఎస్ పంపొచ్చు.
ఆదాయపు పన్ను శాఖ వెబ్సైట్కు వెళ్లాలి. పోర్టల్లోకి ఎంటర్ అయిన తర్వాత ఎడమవైపు లింక్ ఆధార్ అనే ఆప్షన్ కనిపిస్తుంది. దీనిపై క్లిక్ చేయాలి. ఇప్పుడు కొత్త పేజ్ ఓపెన్ అవుతుంది. ఇందులో పాన్ నెంబర్, ఆధార్ నెంబర్, ఆధార్ పేరు, క్యాప్చా వంటి వివరాలు ఎంటర్ చేయాలి. తర్వాత లింక్ ఆధార్పై క్లిక్ చేయాలి. ఇప్పుడు రెండూ అనుసంధానం అవుతాయి.
ఈ విషయాన్ని మరువొద్దు
పాన్ నెంబర్, ఆధార్ నెంబర్ను లింక్ చేసుకోవాలంటే రెండింటిలోనూ వివరాలు ఒకేలా ఉండాలి. అంటే పేరు, పుట్టిన తేదీ, జెండర్ వంటి వివరాలు కచ్చితంగా పాన్ కార్డు, ఆధార్ కార్డులో ఒకేలా ఉండాలి. లేకపోతే రెండూ అనుసంధానం కావు. అప్పుడు పాన్ కార్డు లేదా ఆధార్ కార్డులో వివరాలను అప్డేట్ చేసుకోవలసి ఉంటుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.