CNG Price: కేంద్రం కీలక ప్రకటన.. గ్యాస్ ధరల్ని తగ్గించిన Adani, మహానగర్ కంపెనీలు.. ఎంత దిగొచ్చాయంటే?

Gas Prices: గుడ్ న్యూస్.. సహజ వాయువు ధరలు తగ్గాయి. అదానీ గ్రూప్ కంపెనీ అదానీ టోటల్ గ్యాస్ లిమిటెడ్ (ATGL) .. సీఎన్‌జీ (CNG) ధర కేజీకి రూ.8.13 మేర తగ్గించింది. పీఎన్‌జీ ధర స్టాండర్డ్ క్యూబిక్ మీటర్‌కు రూ. 5.06 మేర తగ్గించింది. తగ్గించిన సీఎన్‌జీ, పీఎన్‌జీ ధరలు నేటి నుంచే అమల్లోకి వచ్చాయి. అంతకుముందు మహానగర్ గ్యాస్ లిమిటెడ్ కూడా సీఎన్‌జీ, పీఎన్‌జీ ధరల్ని తగ్గించడం గమనార్హం. ఆ తర్వాతే అదానీ గ్రూప్ కంపెనీ కూడా ఇదే బాటలో పయనించింది. భారత ప్రభుత్వం తాజాగా ఈ ధరలకు సంబంధించి కొత్త పద్ధతి తీసుకొచ్చిన నేపథ్యంలోనే ఆయా కంపెనీలు దానికి అనుగుణంగా నిర్ణయం తీసుకున్నాయి.

మహానగర్ గ్యాస్ లిమిటెడ్ కూడా ఏప్రిల్ 7 న CNG, PNG ధరల్ని తగ్గిస్తూ నిర్ణయం తీసుకుంది. ఇది సీఎన్‌జీ (కంప్రెస్డ్ నేచురల్ గ్యాస్) ధరను కిలోపై రూ.8 తగ్గించగా ఇప్పుడు రూ.79కి చేరింది. మరోవైపు పైప్డ్ నేచురల్ గ్యాస్ (PNG) ధర స్టాండర్డ్ క్యూబిక్ మీటర్‌కు ఇప్పుడు రూ.49కి చేరింది.

Petrol Price: శుభవార్త.. విండ్‌ఫాల్ టాక్స్ సున్నాకు చేర్చిన కేంద్రం.. నేటి పెట్రోల్, డీజిల్ ధరలు ఇవే..

సహజ వాయువు ధరల్ని మి. బ్రిటిష్ యూనిట్‌కు 7.92 డాలర్లుగా కేంద్రం నిర్ణయించింది. ఇది ఏప్రిల్ 30 వరకు అమల్లో ఉంటుంది. ఇక ఈ ధరను వినియోగదారులకు 6.5 డాలర్లకే పరిమితం చేసినట్లు చమురు మంత్రిత్వ శాఖకు చెందిన పెట్రోలియం ప్లానింగ్, అనాలిసిస్ సెల్ వెల్లడించాయి. ఇక కొత్త ధరలను నిర్ణయించిన విధానం ప్రకారం.. ముడి చమురు దిగుమతి వ్యయాల్లో 10 శాతాన్ని సహజవాయువు ధరగా ప్రకటిస్తున్నారు. ఇక ధరల నిర్ణయ విధానంలో మార్పులు చేస్తూనే.. 2025, మార్చి 31 వరకు వినియోగదారులకు సహజవాయువు MMBTU ధరను 6.5 డాలర్లకు పరిమితం చేసింది కేంద్రం. దీంతో ప్రస్తుత ధర కంటే గరిష్ట ధరపై విధించిన పరిమితి 25 శాతం వరకు తక్కువ ఉంటుంది. దీని వల్ల సీఎన్‌జీ, గొట్టపు వంట గ్యాస్ (PNG) ధరలు 10 శాతం తగ్గుతాయి.

ఈ నిర్ణయంతో దిల్లీలో CNG ధర కిలోకు రూ.79.56 నుంచి 73.59 రూపాయలకు చేరింది. పీఎన్‌జీ రేటు స్టాండర్డ్ క్యూబిక్ మీటర్‌కు రూ.53.59 నుంచి రూ.47.50కి పడిపోయింది. ముంబయిలో ఇదే CNG రేటు కేజీకి రూ.87 నుంచి 79 రూపాయలకు, PNG ధర మాత్రం రూ.54 నుంచి 49కి తగ్గింది.

పసిడి ప్రియులకు శుభవార్త.. మళ్లీ పడిపోయిన బంగారం ధర.. లేటెస్ట్ రేట్లు ఇవే.. మంచి ఛాన్స్

• ఇలా చేస్తే 21 ఏళ్లు వచ్చేసరికి చేతికి రూ.64 లక్షలు.. సుకన్య సమృద్ధిలో రోజుకు ఎంత కట్టాలంటే?

• Read Latest Business News and Telugu News