Edible Oil: పెళ్లిళ్ల సీజన్‌లో మోదీ సర్కార్ శుభవార్త.. దిగిరానున్న వంట నూనెల ధరలు.. కారణం ఇదే..

Edible Oil: సామాన్యులకు కేంద్ర ప్రభుత్వం గుడ్‌న్యూస్ చెప్పింది. వంట నూనె తయారీ సంస్థలకు కీలక ఆదేశాలు జారీ చేసింది. దీంతో వంట నూనెల ధరలు దిగిరానున్నాయి. దీని వల్ల సామాన్యులు సహా ఎంతో మందికి పెద్ద ఉపశమనం కలగనుంది. ఇంకా ప్రస్తుతం పెళ్లిళ్ల సీజన్ నడుస్తున్న నేపథ్యంలో వంట నూనె ధరలు తగ్గితే చాలా మందికి ప్రయోజనకరంగా ఉండనుంది. అంతర్జాతీయ మార్కెట్‌లో ప్రస్తుతం ఆయిల్ రేట్లు భారీగా పడిపోతున్నాయి. వీటికి అనుగుణంగానే దేశీయంగా కూడా ధరల్ని తగ్గించాలని కేంద్ర ప్రభుత్వం.. వంట నూనెల తయారీ సంస్థలకు సూచించింది. ఈ నేపథ్యంలోనే ఆయిల్ కంపెనీలు కూడా ప్రజలకు సానుకూలంగా నిర్ణయం తీసుకున్నాయి. కుకింగ్ ఆయిల్ ధరను గరిష్టంగా 6 శాతం వరకు తగ్గించేందుకు సిద్ధమయ్యాయి.

ఇంటర్నేషనల్ మార్కెట్‌లో కమొడిటీ రేట్లకు అనుగుణంగా వంట నూనె గరిష్ట విక్రయ ధర (MRP) కూడా తగ్గించాలని కేంద్రం తెలిపింది. అందుకే రేట్లను తగ్గించేందుకు ఆయిల్ కంపెనీలు అంగీకరించాయి. ఫార్చూన్ బ్రాండ్ పేరిట వంట నూనె విక్రయిస్తున్న అదానీ విల్మర్, జెమినీ బ్రాండ్ కింద వంట నూనె విక్రయిస్తున్న జెమినీ ఎడిబుల్ అండ్ ఫ్యాట్స్ ఇండియా వంటి కంపెనీలు లీటర్‌కు వంట నూనె ధరల్ని రూ. 5 నుంచి 10 రూపాయల వరకు తగ్గించేందుకు సిద్ధమయ్యాయి.

• కొండెక్కిన బంగారం ధర.. ఒక్కరోజే రికార్డు స్థాయిలో జంప్.. లేటెస్ట్ రేట్లు ఇవే

ఈ రేట్ల తగ్గింపు ప్రయోజనం సామాన్యులకు మరో 3 వారాల్లోగి అందుబాటులోకి రానుంది. అంటే 3 వారాల్లో ఈ రేట్ల తగ్గింపుపై ప్రకటన వెలువడే అవకాశం ఉంది. లేదా నేరుగా ధరలు తగ్గి మార్కెట్లోకి వచ్చే అవకాశాలు కూడా ఉన్నాయి. రేట్ల తగ్గింపు ప్రయోజనాలు అందరికీ వీలైనంత త్వరలో అందుబాటులోకి రావాలని ప్రభుత్వం తమను కోరినట్లు చెప్పింది సాల్వెంట్ ఎక్స్‌ట్రాక్టర్స్ అసోసియేషన్ (SEA).

గత 6 నెలల వ్యవధిలో ఇంకా చెప్పాలంటే గత 60 రోజుల్లో అంతర్జాతీయంగా కమొడిటీ ధరలు భారీగా దిగొచ్చాయి. వాస్తవం చెప్పాలంటే దేశంలో వంట నూనె ధరలు ఇప్పటికీ గరిష్ట స్థాయిల్లోనే ఉన్నాయి. సన్‌ఫ్లవర్ నూనె లీటర్‌కు రూ.120పైనే ఉంది. ఈ నేపథ్యంలోనే సామాన్యులకు అందుబాటులో ధరల్ని తీసుకురావాలని, తగ్గించాలని కేంద్ర ప్రభుత్వం సూచించినట్లు తెలుస్తోంది.

అదానీ కంపెనీకి పెద్ద ఎదురుదెబ్బ.. ఏకంగా 60 శాతం పడిపోయిన లాభం.. కారణం ఇదే!

ఐటీ దిగ్గజం షాకింగ్ ప్రకటన.. వేలాది ఉద్యోగులపై వేటు.. వేల కోట్ల లాభాం వచ్చినా కనికరించట్లేదు!

• Read Latest Business News and Telugu News