పెట్రోల్ ధర పైపైకి.. 20 రోజులుగా ఆగని దూకుడు

వాహన వినియోగదారులకు చమురు ధరలు చుక్కలు చూపిస్తున్నాయి. దేశీ ఇంధన ధరలు పెరుగుతూ వస్తున్నాయి. 20 రోజులుగా చమురు ధరలు పెరుగుతూనే ఉన్నా.. రెండు రోజుల క్రితం పెట్రోల్, డీజిల్ ధరలు నిన్న నిలకడగా కొనసాగిన విషయం తెలిసిందే. అయితే ఈరోజు మళ్లీ పైకి కదిలాయి. దీంతో హైదరాబాద్‌‌లో గురువారం లీటరు పెట్రోల్ ధర రూ. 83.18, డీజిల్‌ ధర రూ.78.36 పైసలు.

అమరావతిలో కూడా పెట్రోల్, డీజిల్ ధరల పరిస్థితి ఇలానే ఉంది. పెట్రోల్‌ ధర 22 పైసలు పెరిగింది. దీంతో ధర రూ.83.53కు చేరింది. డీజిల్‌ ధర కూడా 17 పైసలు పెరుగుదలతో రూ.78.67కు ఎగసింది. ఇక విజయవాడలోనూ ధరలు ఇలానే ఉన్నాయి. పెట్రోల్ ధర లీటర్ రూ.83.13కు చేరింది. డీజిల్ ధర కూడా లీటర్ రూ.78.30కు ఎగసింది.

వరుసగా 20వ రోజూ కూడా చమురు సంస్థలు పెట్రోలు, డీజిల్‌ ధరలను పెంచాయి. పెట్రోల్‌ లీటర్‌కు 21పైసలు, డీజిల్‌ లీటర్‌కు 17 పైసలు పెంచాయి. 20రోజుల్లో పెట్రోల్‌ లీటర్‌కు రూ.8.93పైసలు, డీజిల్‌ లీటర్‌కు రూ.10.07పైసలు పెరిగాయి. ఢిల్లీలో లీటర్‌ పెట్రోల్‌ ధర 80.13 పైసలు, డీజిల్‌ ధర 80.19, చెన్నైలో పెట్రోల్‌ రూ. 83.37, డీజిల్‌ ధర రూ.77.44పైసలు పెరిగాయి. కోల్‌కతాలో పెట్రోల్‌ లీటర్‌కు రూ. 81.82, డీజిల్‌ ధర రూ.75.34 పైసలు పెరిగాయి. ముంబైలో పెట్రోల్‌ రూ. 86.91, డీజిల్‌ ధర రూ.78.51 పైసలుగా ఉంది.