Petrol Price Today: మూడో రోజూ భారీగా తగ్గిన పెట్రోలు ధర

గత కొంత కాలంగా పెరుగుతూ సామాన్యుడిని కలవరానికి గురి చేసిన ఇంధన ధరలు దిగి వస్తున్నాయి. పెట్రోల్, డీజిల్ ధరలు వరుసగా మూడోరోజు (అక్టోబరు 20న) తగ్గాయి. దేశ రాజధాని ఢిల్లీలో 39 పైసలు తగ్గిన పెట్రోలు ధర రూ.81.99 కి చేరింది. డీజిల్ ధర 12 పైసల మేర తగ్గి రూ.75.36కి చేరింది. ఇక వాణిజ్య రాజధాని ముంబయిలో 38 పైసలు తగ్గిన పెట్రోలు ధర రూ.87.46కి చేరింది. డీజిల్ ధర 13 పైసలు తగ్గి రూ.79.00 కి చేరింది.

ఇక తెలుగు రాష్ట్రాల విషయానికొస్తే.. హైద‌రాబాద్‌లో లీట‌ర్ పెట్రోల్ ధర 41 పైసలు తగ్గి రూ.86.92, డీజిల్ ధర 13 పైసలు తగ్గి రూ.81.97 కి చేరింది. విజయవాడలో 22 పైసలు తగ్గిన పెట్రోల్ ధ‌ర రూ.86.61 ఉండగా.. డీజిల్ ధర 11 పైసలు తగ్గి రూ.80.85 గా కొనసాగుతోంది.

కోల్‌కతాలో పెట్రోలు ధర 38 పైసలు, డీజిల్ ధర 12 పైసలు తగ్గింది. దీంతో పెట్రోలు ధర రూ.83.83 ఉండగా.. డీజిల్ ధర రూ.77.21 గా ఉంది. చెన్నైలో పెట్రోలు 41 పైసలు, డీజిల్ 13 పైసలు తగ్గింది. దీంతో అక్కడ పెట్రోలు ధర రూ.85.22 ఉండగా.. డీజిల్ ధర రూ.79.69గా ఉంది.

ఇక ఐటీ నగరం బెంగళూరులో పెట్రోలు 39 పైసలు, డీజిల్ 12 పైసలు తగ్గింది. ప్రస్తుతం లీటరు పెట్రోలు ధర రూ.82.64 ఉండగా.. డీజిల్ ధర రూ.75.75 వద్ద కొనసాగుతోంది.