Windfall Tax: డీజిల్‌పై వడ్డింపు.. క్రూడ్‌పై తగ్గింపు!

Petrol Price Today: అంతర్జాతీయ మార్కెట్‌లో ఇటీవల కాలంలో ముడి చముర ధరలు తగ్గాయి. అలాగే రిఫైనింగ్ స్ప్రెడ్స్ కూడా దిగి వచ్చాయి. ఈ క్రమంలోనే కేంద్ర ప్రభుత్వం తాజాగా మరోసారి విండ్ ఫాల్ ట్యాక్స్‌ను సవరించింది. డీజిల్ ఎగుమతులపై విండ్‌ఫాల్ ప్రాఫిట్ ట్యాక్స్‌ను పెంచేసింది. లీటరుకు రూ. 7కు పెంచుతూ నిర్ణయం తీసుకుంది. అలాగే జెట్ ఫ్యూయెల్ ఎగుమతులపై కూడా ఈ ట్యాక్స్‌ను తీసుకువచ్చింది. అయితే భారత ప్రభుత్వం మాత్రం దేశీయంగా ఉత్పత్తి చేసిన క్రూడ్ ఆయిల్‌పై మాత్రం సుంకాలను తగ్గించింది. ఆర్థిక మంత్రిత్వ శాఖ తాజాగా ఒక నోటిఫికేషన్ ద్వారా ఈ విషయాన్ని వెల్లడించింది. డీజిల్‌పై విండ్‌ఫాల్ ప్రాఫిట్ ట్యాక్స్ ఇది వరకు లీటరుకు రూ.5గా ఉండేది. ఇప్పుడు దీన్ని రూ. 7 చేశారు. అలాగే ఏటీఎఫ్ ఫ్యూయెల్‌ ఎగుమతులపై లీటరుకు రూ.2 విండ్‌ఫాల్ ట్యాక్స్ విధించారు. ఆగస్ట్ నెలలో కేంద్ర ప్రభుత్వం ఏటీఎఫ్ ఫ్యూయెల్ ఎగుమతులపై విండ్‌ఫాల్ ట్యాక్స్ తొలగించిన విషయం తెలిసిందే. అలాగే మరోవైపు దేశీయంగా ఉత్పత్తి చేసిన క్రూడ్ ఆయిల్‌పై విండ్‌ఫాల్ ట్యాక్స్‌ను టన్నుకు రూ. 17,750 నుంచి రూ. 13 వేలకు తగ్గిస్తూ ప్రభుత్వం నిర్ణయం తీసుకుంది. కాగా ప్రభుత్వం జూలై 1న విండ్ ‌ఫాల్ ట్యాక్స్ విధించింది. అప్పుడు పెట్రోల్, ఏటీఎఫ్ ఎగుమతులపై లీటరుకు రూ. 6, డీజిల్ ఎగుమతులపై లీటరుకు రూ. 13 విండ్‌ఫాల్ ట్యాక్స విధించారు. అలాగే దేశీ క్రూడ్ ఆయిల్‌పై విండ్‌ఫాల్ ట్యాక్స్ టన్నుకు రూ. 23,250గా ఉండేది.

ఇకపోతే ఆగస్ట్ 19న తెలుగు రాష్ట్రాల్లో పెట్రోల్, డీజిల్ ధరలు ఎలా ఉన్నాయో ఇప్పుడు తెలుసుకుందాం. హైదరాబాద్‌లో పెట్రోల్, డీజిల్ ధరలు వరుసగా లీటరుకు రూ. 109.64గా, రూ. 97.8గా ఉన్నాయి. వరంగల్‌లో పెట్రోల్ రేటు రూ. 109.14 వద్ద ఉంది. డీజిల్ రేటు లీటరుకు రూ. 97.33 వద్ద కొనసాగుతోంది. కడపలో పెట్రోల్ రేటు రూ. 110.68గా, డీజిల్ రేటు రూ. 98.48గా ఉన్నాయి. కర్నూల్‌లో పెట్రోల్ ధర రూ. 112.1గా ఉంది. డీజిల్ రేటు రూ. 99.83గా కొనసాగుతోంది. గుంటూరులో పెట్రోల్ కొనాలంటే రూ. 111.74, డీజిల్ కోసం రూ. 99.49 చెల్లించుకోవాలి. వైజాగ్‌లో పెట్రోల్ రేటు రూ. 110.46గా ఉంది. డీజిల్ ధర రూ. 98.25గా కొనసాగుతోంది.

Also Read: undefined

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.