Petrol Price: వామ్మో.. ఒకేసారి రూ.30 పెరిగిన పెట్రోల్ రేటు.. ధరల బాదుడు మామూలుగా లేదుగా.. ఎక్కడంటే..

Latest Diesel Prices: ప్రపంచ వ్యాప్తంగా చాలా దేశాల్లో పెట్రోల్, డీజిల్ ధరలు పెరిగాయి. పొరుగున ఉన్న శ్రీలంకలో అయితే పెట్రోల్ కొనాలంటే రూ. 400కు పైగా చెల్లించుకోవాల్సిన దుస్థితి నెలకొంది. ఇప్పుడు దాయాది దేశం అయిన పాకిస్థాన్‌ కూడా ఇదే దారిలో పయనిస్తోంది. పాక్‌లో పెట్రోల్ రేటు (Latest Petrol Prices) తాజాగా భారీగా పెరిగింది. లీటరు పెట్రోల్ రేటు ఏకంగా రూ. 30 మేర పైకి చేరింది. దీంతో వాహనదారులపై తీవ్ర ప్రతికూల ప్రభావం పడుతోందని చెప్పుకోవాలి. ఫ్యూయెల్ ధరల పెంపు తర్వాత పాకిస్థాన్‌లో పెట్రోల్ రేటు ఇప్పుడు దాదాపు రూ. 180కు చేరింది. డీజిల్ రేటు (Today Petrol Diesel Prices) కూడా రూ. 174కు పెరిగింది. కిరోసిన్ కొనాలంటే రూ. 155 చెల్లించుకోవాలి. ఇంటర్నేషనల్ మానిటరీ ఫండ్ (ఐఎంఎఫ్) ప్రోగ్రామ్‌ పునరుద్ధణలో భాగంగా ఈ మేరకు రేట్లు పెంచినట్లు పాక్ ఆర్థిక మంత్రి వెల్లడించారు. మన దేశంలో అయితే పెట్రోల్, డీజిల్ ధరలు దాదాపుగా నిలకడగానే ఉన్నాయని చెప్పుకోవచ్చు. తెలుగు రాష్ట్రాల విషయానికి వస్తే.. పెట్రోల్ రేటు హైదరాబాద్‌లో రూ. 109.64 వద్ద ఉంది. డీజిల్ ధర రూ. 97.8 వద్ద నిలకడగా కొనసాగుతోంది. గుంటూరులో పెట్రోల్, డీజిల్ రేట్లు వరుసగా రూ. 111.74గా, రూ. 99.49గా ఉన్నాయి. వరంగల్‌లో చూస్తే.. పెట్రోల్ కోసం రూ. 109.14 చెల్లించాలి. డీజిల్ కొనాలంటే రూ. 97.33 అవుతుంది. చిత్తూరులో పెట్రోల్ రేటు రూ. 112.59గా ఉంది. డీజిల్ రేటు రూ. 110.23 వద్ద కొనసాగుతోంది. విశాఖపట్నంలో పెట్రోల్ రేటు రూ. 110.46 వద్ద ఉంటే.. డీజిల్ రేటు రూ. 98.25 వద్ద ఉంది.

కాగా ప్రపంచ వ్యాప్తంగా పెట్రోల్, డీజిల్ ధరలను ప్రభావితం చేస్తే ముడి చమురు ధరలు (Crude Oil Price) ఎలా ఉన్నాయో ఇప్పుడు తెలుసుకుందాం. క్రూడ్ ఆయిల్ రేటు పెరిగింది. బ్రెంట్ క్రూడ్ రేటు 0.10 శాతం పెరుగుదలతో బ్యారెల్‌కు 114.56 డాలర్లకు చేరింది. అలాగే డబ్ల్యూటీఐ క్రూడ్ ఆయిల్ రేటు 0.18 శాతం పెరిగింది. దీంతో ఈ క్రూడ్ రేటు బ్యారెల్‌కు 114.31 డాలర్లకు ఎగసింది. క్రూడ్ రేట్లు పెరిగే కొద్ది ప్రభుత్వంపై దిగుమతి భారం పెరుగుతూనే ఉంటుంది. ఎందుకంటే భారత్ ముడి చమురు అవసరాల కోసం ఎక్కువగా దిగుమతులపైనే ఆధారపడుతుంది. దీంతో క్రూడ్ రేట్లు పెరిగే కొద్ది మన దేశంపై ప్రతికూల ప్రభావం పెరుగుతూపోతుంది.

Also Read: undefined

Also Read: undefined

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.