Royal Enfield: మార్కెట్లోకి రాయల్ ఎన్‌ఫీల్డ్ ఎలక్ట్రిక్ బైకు.. వచ్చేది ఎప్పుడంటే..?

Royal Enfield బైకులకు భారత మార్కెట్ నుంచి అద్భుతమైన డిమాండ్ వస్తుంది. తన కొనుగోలుదారుల్ని మరింత ఆకట్టుకునేందుకు తన మోడల్స్‌ను అప్‌డేట్ చేస్తూ రాయల్ ఎన్‌ఫీల్డ్ భారత మార్కెట్లో దూసుకెళ్తోంది. ప్రస్తుతం తర్వాత తరానికి చెందిన రాయల్ ఎన్‌ఫీల్డ్ బుల్లెట్ 350ని లాంచ్ చేసేందుకు కంపెనీ చూస్తున్నట్టు తెలిసింది. తాజాగా ఈ కంపెనీ సరికొత్త హంటర్ 350 బైకుని లాంచ్ చేసింది. ఈ బైకు లాంచ్ అయిన వెంటనే కొత్త తరానికి చెందిన బుల్లెట్ 350పై వర్క్ చేస్తుందని పలు మీడియా రిపోర్టులు తెలిపాయి. అంతేకాక కొత్త ఎలక్ట్రిక్ బైకును లాంచ్ చేసేందుకు కూడా కంపెనీ వర్క్ చేస్తున్నట్టు పేర్కొన్నాయి. ఒకవేళ రిపోర్టులు కనుక నిజమైతే.. రాయల్ ఎన్‌ఫీల్ట్ ప్రస్తుతం సరికొత్త ఎలక్ట్రిక్ బైకులపై పనిచేస్తుందని అర్థం. అయితే అధికారికంగా ఈ బైకును 2025 ఏడాదిలో లాంచ్ చేస్తుందని తెలుస్తోంది. దీంతో పాటు రాయల్ ఎన్‌ఫీల్డ్ తన ఖర్చులను తగ్గించుకునేందుకు భారత ప్రభుత్వం ఆఫర్ చేస్తున్న స్కీమ్‌లను కూడా అందిపుచ్చుకోవాలని చూస్తోంది. ఈ స్కీమ్‌లతో ఎలక్ట్రిక్ బైకులను తయారీ చేసేందుకు కంపెనీకి ఇన్‌పుట్ ఖర్చులు తక్కువ కానున్నాయి. దీని వల్ల భారత మార్కెట్లో ఈ బైకుల ధరలు కూడా దిగి రానున్నాయి.

Also Read : రాకేశ్ ఝున్‌ఝున్‌వాలా కన్నుమూత.. వైరల్ అవుతున్న బిగ్ బుల్ వీల్‌చెయిర్ డ్యాన్స్ వీడియో

350 సీసీ, 650 సీసీ బైకులు..
భారత్‌లో తన పోర్టుఫోలియోను విస్తరించేందుకు రాయల్ ఎన్‌ఫీల్డ్ ప్రస్తుతం పనిచేస్తుంది. 350 సీసీ నుంచి 650 సీసీ సెగ్మెంట్‌లో పలు ప్రొడక్టులను ఆఫర్ చేసేందుకు చూస్తోంది. అంతేకాక సరికొత్తగా 450 సీసీ బైకును కూడా 2026-27లో లాంచ్ చేసేందుకు ప్లాన్ చేస్తోంది. అంతేకాక ఇది రెండో తరం జే ప్లాట్‌ఫామ్‌పై లాంచ్ కాబోతుందని తెలుస్తోంది.

సరికొత్త ప్లాట్‌ఫామ్ కోడ్ నేమ్ జే2ను చాలా రాబోయే రాయల్ ఎన్‌ఫీల్డ్ బైకులకు వాడుతుందని తెలుస్తోంది. అయితే రాయల్ ఎన్‌ఫీల్డ్ ఎలక్ట్రిక్ బైకుల కోసం ఇప్పటి వరకు అధికారికంగా ఎలాంటి టైమ్‌లైన్‌ను కంపెనీ నిర్ణయించలేదు. మార్కెట్ పరిస్థితులను బట్టి కొన్నేళ్లలోనే ఎలక్ట్రిక్ ‌ బైకును తీసుకొస్తుందని తెలుస్తోంది. అయితే చాలా కంపెనీల సరికొత్త ఎలక్ట్రిక్ బైకులు భారత్‌తో సహా పలు గ్లోబల్ మార్కెట్లలో లాంచ్ అవుతున్నాయి.

Also read : NPS: ఎన్‌పీఎస్ ఖాతాదారులు యూపీఐ లావాదేవీలు చేసుకోవడమెలా..? ప్రాసెస్ తెలుసుకోండి..